1 Pit 5:5 - BAEBOLO ANZƐƐ BULUKU NWUANZANWUANZA

⁵ Zɔhane ala yɛɛ ɔwɔ kɛ bɛdabɛ ngakula mɔɔ bɛwɔ asɔne ne anu la noko bu mgbanyima ne mɔ na bɛka bɛ nwo aze bɛmaa bɛ a. Bɛ muala bɛva fɛlɛko nee ɛzelekɛ bɛzonle bɛ nwo ngoko ngoko, ɔluakɛ “Nyamenle kyi mɔɔ memaa ɔ nwo zo la, na ɔyila mɔɔ bɛlɛ ɔ nwo aze la.”

1 Pit 5:5 ပူးပေါင်းရင်းမြစ်များ

2 Edk 6:41

Dwazo, O Ɛdɛnkɛma Nyamenle, na ɛ nee wɔ Ngyekyeleɛ Ɛlɛka ne mɔɔ kile wɔ tumi kpole ne la ɛwolo Ɛzonlenlɛ Sua ne anu na bɛlie bɛ ɛnwomenle wɔ ɛkɛ ne na bɛdɛnla ɛkɛ ne dahuu. Yila wɔ sɛlɛvolɛma wɔ debie biala mɔɔ bɛyɛ la anu na maa wɔ menli anye ɛlie kɛ ɛle kpalɛ ɛmaa bɛ a.

Dwobu Buluku ne 22:29

Ɔluakɛ Nyamenle bɛlɛ mgbanyizonlema aze, na ɔmaa bɛlɛvoma zo.

Dwobu Buluku ne 29:14

Membule pɛlepɛlelilɛ tɛladeɛ menwulale, na me nɔhalɛlilɛ yɛle kɛ tɛladeɛ nee abɔtile.

Edwɛndolɛ Buluku ne 132:16

Mebamaa ye sɛlɛvolɛma anyia ngoanelielɛ, na meamaa me menli ne mɔɔ wɔ zo la ava anyelielɛ adeɛdea nu.

Edwɛndolɛ Buluku ne 132:9

Maa wɔ sɛlɛvolɛma ɛbɔ ɛbɛla mɔɔ tenrɛ, na maa wɔ menli ne ɛva anyelielɛ ɛdea nu.

Edwɛndolɛ Buluku ne 138:6

Ɔluakɛ Ɛdɛnkɛma wɔ anwuma bɔbɔ ɛdeɛ, noko ɔbu mɔɔ bɛlɛ ɔ nwo aze la, na mɔɔ memaa ɔ nwo zo la ɛmbikye ye.

Mrɛlɛbulɛ Buluku ne 25:7

Ɔle kpalɛ kɛ bɛkɛze wɔ kɛ, “Badɛnla ɛke,” tɛla kɛ bɛkɛye wɔ bɛkɛvi belemgbunli anyunlu bɛkɛhɔ menli mɔɔ anwo ɛngyia la ɛleka.

Mrɛlɛbulɛ Buluku ne 3:34

Ɛdɛnkɛma ɛmbu bɛdabɛ mɔɔ bɛmbu debie la bie, na ɔ nye wɔ bɛdabɛ mɔɔ bɛle bɛlɛvo la anwo zo.

Ayezaya Buluku ne 57:15

Ɔluakɛ anwuma nee Nwuanzanwuanza Ko ne mɔɔ de ɛkɛ mekɛ mɔɔ ɛnlɛ awieleɛ, mɔɔ ye duma a le Nwuanzanwuanza la se, “Mede anwuma lɔ nee ɛleka nwuanzanwuanza, yɛɛ eza me nee mɔɔ nu ɔ nwo na ɔle bɛlɛvo la tɛnla, kɛ memaa mɔɔ ɛnlu ɔ nwo la anyia anyelazo.

Ayezaya Buluku ne 61:10

Ɛdɛnkɛma ati me nye balie kpole, Me ɛkɛla bali fɛlɛko wɔ me Nyamenle ne ati, Ɔluakɛ yeva ngoanelielɛ ɛdanlɛ yeheda me, Yeva pɛlepɛleyɛlɛ tɛladeɛ yewula me, Yeziezie me kɛ atɔfolɛ nrenya fa ndotolo kɔtɔlɔba siezie ɔ nwo, Anzɛɛ kɛ atɔfolɛ raalɛ fa anwoneɛ siezie ɔ nwo la.

Ayezaya Buluku ne 66:2

Medame a meva me sa mebɔ ninyɛne kɔsɔɔti a, yemɔti debie biala le me ɛdeɛ, medame Ɛdɛnkɛma a mese a. Noko sonla mɔɔ me nye balie ɔ nwo la a le sonla ne mɔɔ le bɛlɛvo, ɔnu ɔ nwo, ɔsulo me na ɔdi me edwɛkɛ zo la.

Yizikeɛle Buluku ne 26:16

Akee arelemgbunli mɔɔ wɔ ɛnweanloa maanle maanle ne mɔ anu la vi bɛ ebia ne mɔ anu badwazo; bɛbayeye bɛ arelemgbunli adɛladeɛ ne mɔ, na bɛayeye bɛ adɛladeɛ ne mɔ nee bɛ adɛladeɛ mɔɔ bɛnwo bɛ nloa la. Bɛ nwo bawozo bɛ; bɛbakpofokpofo aze na bɛ nwo awozo mekɛ biala, na bɛ rɛle abɔ bɛmɛ bɛ nwo.

Daneɛle Buluku ne 11:12

Ɔbali fɛlɛko kɛ yeli Selea ɛlɔnema pemgbenleamgbe ne anwo zo konim na yehu menli apenle apenle bulu bulu a, noko ye konimlilɛ ne ɛnrɛhyɛ.

Sɛlɛ 19:32

“Bɛnwu kpanyinli a bɛli ye eni, bɛdwazo enililɛ nu bɛmaa mɔɔ ati zo ɛdu la na bɛzulo bɛ Nyamenle ne; medame a mele Ɛdɛnkɛma a.

Edwɛkpa ne kɛmɔ Luku hɛlɛle la 22:26

Na bɛmɛ, asolo bɛ, ɔwɔ kɛ bɛ nuhua kpole kpalɛ ne yɛ ɔ nwo kakula nretee, yɛɛ ɔwɔ kɛ mɔɔ gyi bɛ ti la yɛ ɔ nwo kɛ sonvolɛ.

Wulo 12:10

Bɛva mediema ɛhulolɛ bɛhulo bɛ nwo ngoko kɛ bɛle Kelaese ɛdoavolɛma, na bɛbɔ mɔdenle bɛpele bɛbu bɛ gɔnwo mɔ kpalɛ kpalɛ.

Wulo 13:14

Na bɛva Awulae Kelaese bɛyɛ konle tɛladeɛ bɛwula, na bɛzi nwonane nu adwenle ɛvalɛ nee ye atiakunluwɔzo aze.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:21

Kɛmɔ bɛdi Kelaese eni la, bɛha bɛ nwo aze bɛmaa bɛ nwo ngoko ngoko.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:3

Bɛmmayɛ debie biala angomedi nu anzɛɛ adubɛnwo nu; dahuu bɛva anwoazehanlɛ bɛbu bɛ gɔnwo mɔ bɛdɛla bɛ nwo bɔbɔ.

Kɔlɔ 3:12

Bɛle Nyamenle menli mɔɔ yehulo bɛ na yekpa nu yeye bɛ kɛ ɔdaye ye ɛdeɛ na bɛ nwo te a. Yemɔti bɛze anwunvɔne, bɛyɛ atiakunlukɛnlɛma, bɛbɛlɛ bɛ nwo aze, bɛyɛ bɛtɛɛ na bɛzi abotane wɔ debie biala anu.

1 Tem 5:1

Mmatwi kpanyinli biala anyunlu. Dielie bɛ kɛ ɛ ze mɔ la. Yɛ mgbavolɛ ne mɔ kɛ ɛ mediema mrenya;

Kɛlata mɔɔ bɛhɛlɛle bɛhɔmanle Hibuluma la 13:17

Bɛdie bɛ mgbanyima ne mɔ na bɛli bɛ mɛla zo. Mgbanyima zɛhae mɔ a dahuu nea bɛ ɛkɛla zo a, ɔboalekɛ bɛbabu bɛ gyima nwo mgbonda bɛahile Nyamenle. Saa bɛtie bɛ nloa edwɛkɛ a, bɛdabɛ noko bɛbava fɛlɛkolilɛ bɛayɛ bɛ gyima. Saa tɛ ye zɔhane ɛdeɛ a, bɛbava nyanelilɛ a bɛayɛ a, na ɛhye noko ɛnrɛboa bɛ kpalɛ biala.

Gyemise Kɛlata ne 4:6

Noko Nyamenle ɛlolɛ ne mɔɔ ɔfa ɔmaa la le kpole. Nyamenle Edwɛkɛ ne se, “Nyamenle bɛlɛ mɔɔ le mgbanyizonle la aze, na ɔmaa mɔɔ bɛlɛ ɔ nwo aze la zo.”

1 Pit 3:8

Awieleɛ ne, ɔwɔ kɛ bɛ muala bɛ adwenle yɛ ko; bɛde bɛ gɔnwo mɔ nyane bo na bɛhulo bɛ nwo ngoko ngoko kɛ bɛle mediema. Bɛnyia ahonle kpalɛ na bɛbɛlɛ bɛ nwo aze.

1 Pit 4:1

Kɛmɔ bɛmɛ bɛ ti Kelaese nwunle amaneɛ wɔ nwonane nu la, ɔwɔ kɛ bɛdabɛ noko bɛnwu ye kɛ bɛbanwu amaneɛ; ɔboalekɛ mɔɔ kɛnwu amaneɛ wɔ nwonane nu la ɛnyɛ ɛtane bieko.

1 Pit 4:5

Bɛdabɛ bɛ ngome bɛbabu bɛ nyɛleɛ nwo mgbonda bɛahile Nyamenle mɔɔ babua anyewɔzoamra nee mɔwuamra ndɛne la.