1 Pit 5:3 - BAEBOLO ANZƐƐ BULUKU NWUANZANWUANZA

³ Bɛmmapele kɛ bɛkile bɛ tumi wɔ menli mɔɔ bɛva bɛ bɛwula bɛ bo la anwo zo, na bɛpɛ kilemunli kpalɛ bɛmaa mboane ne ɛlua zo,

1 Pit 5:3 ပူးပေါင်းရင်းမြစ်များ

Edwɛndolɛ Buluku ne 33:12

Nyilalɛ ɛha maanle ne mɔɔ Ɛdɛnkɛma le ye Nyamenle la, nyilalɛ ɛha menli ne mɔɔ yeye bɛ yeyɛ bɛ ye menli la.

Edwɛndolɛ Buluku ne 74:2

Kakye wɔ menli ne mɔɔ mɔmoane ɛvale bɛ ɛyɛle wɔ ɛdeɛ, na wɔlie bɛ wɔyɛ bɛ wɔ agyadeɛ, abusua ekpunli la. Kakye Zayɔn Boka mɔɔ wɔdɛnla zolɛ ɛlɛ la.

Yizikeɛle Buluku ne 34:4

Bɛannea mɔɔ anwo ɛbɛlɛ ye la, bɛanyɛ mɔɔ ɛnde kpɔkɛ la ayile, mɔɔ ɛboda la, bɛambɔ ye bɔlɛ, mɔɔ vonle adenle la, bɛanva ye bɛamba, bɛamkpondɛ mɔɔ ɛminli la, na bɛvale atisesebɛ nee amumuyɛ a bɛnleanle bɛ a.

Maeka Buluku ne 7:14

O Ɛdɛnkɛma, fa wɔ kpɔma ne na nea wɔ menli ne mɔɔ le wɔ agyadeɛ la anwo zo kɛ mboaneneavolɛ ka mboane la. Bɛ ngome bɛwɔ tola bie anu wɔ kpɔkɛ bie anu; maa bɛvinde bɛhɔdidi Beehyan nee Geleade fienemgbole nu, kɛmɔ bɛyɛle ye dɛba ne la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:7

Na ɛdawɔ nee ɛ mra mrenya noko bayɛ bɛ sɛlɛvolɛ gyima ne mɔɔ fane azukponle ne nee Nwuanzanwuanza Nu Nwuanzaanwu ɛleka ne anwo la. Ɛhye mɔ le bɛ gyima, ɔboalekɛ meva sɛlɛvolɛlilɛ ne kɛ ahyɛlɛdeɛ la memaa bɛ. Awie gyɛne biala mɔɔ kɛbikye ninyɛne nwuanzanwuanza ne mɔ la, ɔwɔ kɛ bɛku ye.”

Dw 13:15

Meyɛ ndonwo ɛhye mehile bɛ, amaa bɛdabɛ noko bɛayɛ ye zɔhane ala.

Ɛzoanvolɛma Gyima ne 20:28

Bɛnlea bɛ nwo boɛ na bɛnlea mboane ne mɔ mɔɔ Sunsum Nwuanzanwuanza ne ɛva bɛ ɛwula bɛ sa nu la boɛ. Bɛnlea Nyamenle asɔne ne mɔɔ yeva ɔ Ra ne mogya a yekpondɛ la azo boɛ.

1 Kɔl 11:11

Noko akee, Awulae ati nrenya ɛngɔ ɛngyakyi raalɛ, yɛɛ raalɛ ɛngɔ ɛngyakyi nrenya.

1 Kɔl 3:5

Na Apɔlɔso bɔbɔ a le nwane? Pɔɔlo noko a le nwane? Yɛle Nyamenle sonvolɛma ala mɔɔ bɛluale yɛ nwo zo bɛliele Edwɛkpa ne bɛlile a. Yɛ nuhua ko biala yɛ ye gyima mɔɔ Awulae vale manle ye kɛ ɔyɛ la.

1 Kɔl 3:9

Ɔluakɛ yɛ mu nwiɔ yɛle Nyamenle egyinli nu gyimayɛvoma yɛɛ bɛmɛ a bɛle egyinli ne a. Eza bɛle Nyamenle sua.

2 Kɔl 1:24

Tɛ kɛ asɛɛ yɛkile bɛ debie mɔɔ ɔwɔ kɛ bɛdie bɛdi la ɔ, ɔluakɛ bɛlɛ diedi ne anu kpundii. Yɛ nee bɛ a ɛlɛyɛ gyima ne a wɔ bɛ kpalɛyɛlɛ ti.

2 Kɔl 4:5

Yɛmbɔ yɛdayɛ yɛ ngome yɛ nwo nolo; yɛbɔ Gyisɛse Kelaese anwo nolo kɛ ɔle Awulae, yɛɛ Gyisɛse ati yɛmɛ yɛle bɛmɛ bɛ sonvolɛma.

Mɛla 32:9

Ɛdɛnkɛma ɛkpɔ ɛdeɛ a le ye menli ne, Gyekɔbo a le ye afoa nu agyadeɛ a.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:17

Me mediema, bɛ muala bɛva me gyakɛ. Yɛmaa bɛ ndonwo kpalɛ, yemɔti bɛnlea bɛdabɛ mɔɔ bɛdi zolɛ la boɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:9

Bɛyɛ ninyɛne mɔɔ bɛzukoa na bɛlie bɛdo nu bɛvi me ɛdendɛlɛ nee me nyɛleɛ nu la, na Nyamenle ne mɔɔ maa yɛ anzonudwolɛ la nee bɛ badɛnla.

1 Tɛs 1:7

Ɛhye ati bɛyɛle ndonwo kpalɛ bɛmanle diedima mɔɔ wɔ Masidonea nee Giliki (Akaya) maanzinli ne mɔ anu la.

2 Tɛs 3:9

Tɛ kɛ asɛɛ yɛnlɛ adenle kɛ yɛbiza awie debie ɔ, na yɛyɛle ye zɔhane amaa bɛdabɛ noko bɛanlea zolɛ bɛayɛ bie.

1 Tem 4:12

Mmamaa awie bu wɔ kakula; maa wɔ ɛdendɛlɛ nee wɔ nyɛleɛ, wɔ ɛhulolɛ, wɔ diedi nee wɔ anwondelɛ ɛyɛ ndonwo ɛmaa diedima ne amuala.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:7

Wɔ ninyɛne muala anu, ɛdawɔ mumua ne pɛ kelemunli kpalɛ wɔ gyima kpalɛ ɛyɛlɛ nu to ɛkɛ. Maa ɛ nye ɛbolo wɔ ngilehilelɛ ne anwo na di nɔhalɛ.

1 Pit 2:9

Bɛmɛ a bɛle menli mɔɔ Nyamenle ɛkpa nu ɛye bɛ a. Bɛle Belemgbunli ne sɛlɛvolɛma, maanle nwuanzanwuanza, Nyamenle ɔdaye ye menli mɔɔ yeboɔboa yekpondɛ bɛ bo zo na yevɛlɛ bɛ kɛ bɛvi awozinli nu bɛrɛla ye wienyi ne anu na bɛbɔ ye nwanwane gyima ne nolo a.