1 Pit 5:2 - BAEBOLO ANZƐƐ BULUKU NWUANZANWUANZA

² bɛnlea mboane ekpunli ne mɔɔ Nyamenle ɛva ɛwula bɛ sa nu la boɛ, bɛva ahunlundwolɛ bɛnlea bɛ, kɛmɔ Nyamenle kpondɛ la, na bɛmmatwenlehwenle bɛ bo aze. Bɛyɛ gyima kɛ bɛkulo kɛ bɛsonle la ati ɔ na tɛ kɛ asɛɛ bɛkpondɛ ɔ nzi ahatualɛ la ati ɔ.

1 Pit 5:2 ပူးပေါင်းရင်းမြစ်များ

2 Arl 12:6

Noko mɔɔ Dwowahye lile ɛvolɛ abulanwiɔ nee nsa wɔ ebia ne azo la ɛnee sɛlɛvolɛma ne ɛtɛyɛle Ɛzonlenlɛ Sua ne anwo gyima biala.

Sɔlɔmɔn Edwɛne 1:8

Wɔmɔ mɔɔ ɛ nwo yɛ fɛ tɛla mraalɛ kɔsɔɔti, ɛnze ɛleka ne ɔ? Dua nyɛmoa ne mɔ agyakɛ abo zo ne, na maa wɔ mbɔnkye ne mɔ ɛdidi mboaneneavolɛma ndanlɛ azua ne mɔ anwo.

Ayezaya Buluku ne 40:11

Ɔbanlea ye menli ne boɛ kɛ mboaneneavolɛ yɛne nyɛmoa, ɔbaboɔboa mboane mralɛ ne anloa yeadedɛ bɛ ɔ sa zo. Ɔbavia bɛ ɔ kɛnra azo, na yeali mɔɔ lɛ mralɛ la anyunlu bɛtɛɛ.

Ayezaya Buluku ne 56:11

Ahwea ne mɔ le adidikpoku kpole kpalɛ; bɛdi a bɛ ko ɛnyi ɛlɛ. Mboaneneavolɛma ne mɔ noko ɛnlɛ ndelebɛbo; biala ɛva ɔdaye ye adenle ɛdeɛ zo. Biala dwenle ɔ ngome ye kpalɛyɛlɛ nwo.

Ayezaya Buluku ne 6:8

Na mendele kɛ Awulae ɛlɛbiza kɛ, “Nwane a menzoa ye a, nwane a kɛhɔ kɛmaa yɛ a?” Na membuale kɛ, “Mewɔ ɛke! Soa me.”

Ayezaya Buluku ne 63:11

Na ɔhakyele mɔmoane, ɔhakyele ye sonvolɛ Mosisi. Na bɛhanle kɛ, “Ɔdaye a ɔle Nyamenle ne mɔɔ ɔyele ye menli ne ɔvile Ndɔ Nyevile ne anu a. Ɔdaye a ɔmanle ye Sunsum Nwuanzanwuanza ne nee bɛ luale a.

Gyɛlɛmaya Buluku ne 13:17

Na saa bɛnrɛdie me ne a, mebavea meazu wɔ bɛ adubɛnwo ne ati, mebaye awolɛ meahwi monle kpalɛ, ɔboalekɛ bɛhye Ɛdɛnkɛma menli ne nuokɛ.

Gyɛlɛmaya Buluku ne 13:20

Gyɛlusalɛmma, bɛnlea! Kɛ bɛ kpɔvolɛma vi sɔlɔ nehane ɛlɛba ɛ! Nienwu a mboane ne mɔ mɔɔ bɛvale bɛ bɛwulale bɛ sa nu la wɔ a? Bɛ mboane ngɛnlɛma ne hale nienwu?

Gyɛlɛmaya Buluku ne 6:13

Ɔluakɛ ngakula nee mgbanyinli kɔsɔɔti ɛva ɛzie bɛ nyunlu kɛ bɛkpondɛ ezukoa awule nu. Nyamenle kpɔmanvolɛma nee sɛlɛvolɛma amuala sisi menli ne.

Gyɛlɛmaya Buluku ne 8:10

Yemɔti mebava bɛ ye mɔ meamaa mrenya fofolɛ, na meava bɛ egyinli ne mɔ meamaa menli mɔɔ bali bɛ nwo zo konim la, ɔluakɛ bɛ mgbanyinli nee bɛ ngakula kɔsɔɔti ɛlɛkpondɛ ezukoa anyebolo nu. Ɔvi Nyamenle kpɔmanvolɛma anwo zo mɔɔ badwu sɛlɛvolɛma anwo zo la, biala ɛnli nɔhalɛ.

Yizikeɛle Buluku ne 34:23

Mebamaa bɛ mboaneneavolɛ ko, me akɛlɛ Devidi, na yeayɛne bɛ. Ɔbayɛne bɛ na yeayɛ bɛ neavolɛ.

Yizikeɛle Buluku ne 34:31

“Bɛle me mboane, me adidileka mboane, yɛɛ mele bɛ Nyamenle. Medame, Awulae Nyamenle a mese a.”

Yizikeɛle Buluku ne 46:24

Na ɔzele me kɛ, “Ɛhye mɔ a le egyaade ne mɔ mɔɔ bɛdabɛ mɔɔ bɛyɛ gyima wɔ Ɛzonlenlɛ Sua ne anu la bado menli ne azubɔdeɛ ne mɔ a.”

Maeka Buluku ne 3:11

Zolɛ mgbanyima die ndoloboa na bɛabua ndɛne, zolɛ sɛlɛvolɛma maa bɛbɔ bɛ ɛkpa na bɛahilehile Nyamenle edwɛkɛ ne, yɛɛ Nyamenle kpɔmanvolɛma pɛ bolɛ na bɛaha ɛbizalɛ edwɛkɛ ne. Noko bɛfa bɛ adwenle bɛto kɛ Ɛdɛnkɛma nee bɛ lua na bɛka kɛ, “Ɛdɛnkɛma de yɛ avinli. Munzule biala ɛnrɛra yɛ nwo zo.”

Maeka Buluku ne 5:4

Ɔbalua Ɛdɛnkɛma anwosesebɛ zo yeagyinla yeayɛne ye nyɛmoa wɔ Ɛdɛnkɛma ye Nyamenle ne anyunlunyia nu. Na ye menli ne badɛnla bɛ nwo adɔ bɛ, ɔluakɛ ɛnɛ ɛdeɛ, ɔbayɛ sonlakpole wɔ ewiade ɛleka biala.

Maeka Buluku ne 7:14

O Ɛdɛnkɛma, fa wɔ kpɔma ne na nea wɔ menli ne mɔɔ le wɔ agyadeɛ la anwo zo kɛ mboaneneavolɛ ka mboane la. Bɛ ngome bɛwɔ tola bie anu wɔ kpɔkɛ bie anu; maa bɛvinde bɛhɔdidi Beehyan nee Geleade fienemgbole nu, kɛmɔ bɛyɛle ye dɛba ne la.

Zɛkalaya Buluku ne 11:17

Me mboaneneavolɛ mgbane zɔhane, mɔɔ kpo me mboane ne mɔ la, ye gyakɔ! Bɛbapepɛ ɔ sa wɔ konle nu na bɛadu ɔ nye fema ne. Ɔ sa badwe, yɛɛ ɔ nye fema ne bazi bɔkɔɔ.”

Malakae Buluku ne 1:10

Ɛdɛnkɛma se, “Anrɛɛ bɛ nuhua ko ahɔtoto Ɛzonlenlɛ Sua ne nlenkɛ ne mɔ anu amaa bɛanzɔ senle wɔ me azukponle ne azo mgbane mgbane. Me kunlu ɛndwo bɛ nwo yɛɛ menrɛlie bɛ sa nu azubɔdeɛ biala.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:7

Na ɛdawɔ nee ɛ mra mrenya noko bayɛ bɛ sɛlɛvolɛ gyima ne mɔɔ fane azukponle ne nee Nwuanzanwuanza Nu Nwuanzaanwu ɛleka ne anwo la. Ɛhye mɔ le bɛ gyima, ɔboalekɛ meva sɛlɛvolɛlilɛ ne kɛ ahyɛlɛdeɛ la memaa bɛ. Awie gyɛne biala mɔɔ kɛbikye ninyɛne nwuanzanwuanza ne mɔ la, ɔwɔ kɛ bɛku ye.”

Edwɛkpa ne kɛmɔ Luku hɛlɛle la 12:32

“Me mboane ekpunli ekyi, bɛmmasulo, ɔluakɛ bɛ Ze mɔɔ wɔ anwuma la kulo kɛ bɛnyia Belemgbunlililɛ ne.

Ɛzoanvolɛma Gyima ne 20:29

Meze kɛ saa mekɔ a, bɛdi anwo ɛzulolɛ baragua mboane ne mɔ avinli, na bɛnrɛze bɛ anwunvɔne fee.

Ɛzoanvolɛma Gyima ne 21:13

Na ɔbizale yɛ kɛ, “Na ɛzunlɛ ye abo ɛ? Duzu ati a bɛyɛ bɛabɔ me rɛle ɛ? Meziezie me nwo kɛ tɛ ɛkyekyelɛ mɔɔ bɛkyekye me la angome, na kɛ menwɔwu wɔ Gyɛlusalɛm wɔ Awulae Gyisɛse duma ne ati.”

Wulo 1:15

Ɛhye ati yɛɛ mekulo kɛ meka Edwɛkpa ne mekile bɛdabɛ noko mɔɔ bɛwɔ Wulomu la a.

1 Kɔl 9:7

Sogyanli boni a wɔ konle nloa na ɔdaye ɔ ngome ɔdi ɔ nloa anu ndɔnie a? Nwane a ɛyɛ vanye egyinli na ɔnli vanye ma ne bie a? Nwane a nea nyɛmoa na ɔnno bɛ nyɛfonzule ne bie a?

1 Tem 3:3

ɔnle kɛ ɔyɛ nzanli anzɛɛ ɔdi mgbonde; ɔwɔ kɛ ɔyɛ sonla bɛtɛɛ mɔɔ kyi manzonle; ɔnle kɛ ɔ nye bolo ezukoa.

1 Tem 3:8

Zɔhane ala yɛɛ ɔwɔ kɛ asɔne nu boavolɛma yɛ menli mɔɔ lɛ subane kpalɛ na bɛdi nɔhalɛ a; ɔnle kɛ bɛyɛ nzama anzɛɛ bɛyɛ ezukoa nwo anyebolo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:11

Ɔwɔ kɛ ɛtua bɛ, ɔboalekɛ ɔlua ezukoakpondɛlɛ ti bɛlɛkilehile mɔɔ ɔnle kɛ bɛkilehile la, na bɛlɛsɛkye mbusua dɔɔnwo bɛabɔ bɛ awuke.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:7

Ɔluakɛ, kɛmɔ asɔne neavolɛ ne gyi Nyamenle gyima ne ati la, ɔnle kɛ ɔ nwo nyia ngehanleɛ, ɔnle kɛ ɔmemaa ɔ nwo zo anzɛɛ ɔnyia ahonle kpole. Ɔnle kɛ ɔyɛ nzanli anzɛɛ ɔ sa yɛ kpokpo, ɔnle kɛ ɔ nye bolo ezukoa.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:1

Kakye wɔ menli ne kɛ bɛha bɛ nwo aze bɛmaa arelemgbunli nee bɛdabɛ mɔɔ tumi wɔ bɛ sa nu la, bɛdie bɛ edwɛkɛ na bɛbɔ ɛbɛla kpalɛ wɔ adenle biala anu.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:14

Noko menrɛhulo kɛ menwɔyɛ debie mɔɔ ɛnze nu la wɔ ɛhye anwo, amaa yeanyɛ kɛ asɛɛ wɔ moalɛ ne ɛyɛ mialeranu debie; mekulo kɛ ɛdawɔ ɛfa wɔ ɛhulolɛ ɛyɛ.

Kɛlata mɔɔ bɛhɛlɛle bɛhɔmanle Hibuluma la 12:15

Bɛnlea boɛ na bɛ bie ande anvi Nyamenle ɛlolɛ ne anwo. Bɛnlea boɛ na bɛ bie angakyi ɔ nwo “baka gyangoyi” ambɛkɛbɛka mbaka gyɛne nwo anguhu ɔ gɔnwo mɔ.

2 Pit 2:3

Bɛ anyebolo ti, kilehilevolɛma alane ɛhye mɔ bava adalɛ edwɛkɛ abɛlɛbɛla bɛ anyia bɛ nwo zo nvasoɛ. Bɛbua bɛ ndɛne dɛbadɛba, na ɔla ɛkɛ ɔlɛkendɛ bɛ. Ahenle mɔɔ bazɛkye bɛ la ɛtɛdafele.