1 Pit 5:14 - BAEBOLO ANZƐƐ BULUKU NWUANZANWUANZA

¹⁴ Bɛva Kelaese ɛdoavolɛ ɛhulolɛ ne bɛyɛ bɛ nwo atuu, bɛbizebiza bɛ nwo ahye. Anzonudwolɛ ɛha bɛdabɛ kɔsɔɔti mɔɔ bɛle Kelaese ɛdeɛ la.

1 Pit 5:14 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 5:47

Na saa bɛbiza bɛ gɔnwo mɔ angome ahye a, ɛnee duzu debie ngakyile a bɛyɛ bɛmaa yebo zo a? Bɛdabɛ mɔɔ bɛnze Nyamenle bɔbɔ la noko yɛ ye zɔhane ala.

Dw 14:27

“Anzonudwolɛ a mefa megyakyi bɛ a; medame me anzonudwolɛ a mefa megyakyi bɛ a. Menva memmaa bɛ kɛmɔ ewiade fa maa la. Bɛmmamaa bɛ rɛle bɔ na bɛdi nyane; bɛmmasulo noko.

Dw 16:33

Meha ɛhye mehile bɛ amaa saa bɛmeta me nwo a bɛanyia anzonudwolɛ. Ɛtane ewiade ɛhye bamaa bɛali nyane, noko bɛgyinla kpundii. Meli ɛtane ewiade ɛhye anwo zo konim!”

Dw 20:19

Molɛ kenle ko ne ala mɔɔ ɛnee aleɛ ɛdwo kpalɛ la, ɛnee ɛdoavolɛma ne ɛhuohua bɛ nloa na bɛdo bɛ nwo anlenkɛ nu, ɔboalekɛ bɛsulo Dwuu mgbanyima ne mɔ. Gyisɛse ragyinlanle bɛ avinli na ɔzele bɛ kɛ, “Anzonudwolɛ ɛha bɛ.”

Dw 20:26

Ɔlile dapɛne ko la ɛdoavolɛma ne mɔ eza huohuanle bɛ nloa na bɛdole bɛ nwo anlenkɛ nu bieko, mekɛ ne anu ɛnee Tɔmase boka bɛ nwo. Bɛtotole nlenkɛ ne mɔ anu ɛdeɛ, noko Gyisɛse ragyinlanle bɛ avinli na ɔzele bɛ kɛ, “Anzonudwolɛ ɛha bɛ.”

Wulo 1:7

Zɔhane ati melɛkɛlɛ kɛlata ɛhye mearɛlɛ bɛdabɛ mɔɔ Nyamenle kulo bɛ na yevɛlɛ bɛ kɛ bɛrayɛ ye menli na bɛwɔ Wulomu la amuala. Yɛ Ze Nyamenle ne nee Awulae Gyisɛse Kelaese ɛlo bɛ na ɔmaa bɛ anzonudwolɛ.

Wulo 16:16

Bɛva mediema ɛhulolɛ bɛyɛ bɛ nwo atuu dahuu. Kelaese asɔnema ne amuala biza bɛ ahye somaa.

Wulo 8:1

Zɔhane ati bɛdabɛ mɔɔ bɛ nee Kelaese Gyisɛse le ko la ɛnlɛ ndeanlɛ biala.

1 Kɔl 1:30

Nyamenle ɛva bɛ nee Kelaese Gyisɛse ɛbɔ nu, na yemaa Kelaese ɛrayɛ yɛ nrɛlɛbɛ. Ɔ nwo zo yɛɛ yɛlua a yɛsɔ Nyamenle anye, yɛ nwo te na yɛyɛ alehelɛ a.

1 Kɔl 16:20

Mediema mɔɔ wɔ ɛke la biza bɛ ahye. Bɛva mediema ɛhulolɛ bɛyɛ bɛ nwo atuu.

2 Kɔl 13:12

Bɛva mediema ɛhulolɛ bɛyɛ bɛ nwo atuu. Nyamenle menli ne kɔsɔɔti biza bɛ ahye.

2 Kɔl 5:17

Zɔhane ati awie biala mɔɔ le Kelaese ɛdeɛ la le abɔdeɛ fofolɛ; dɛba ne ɛpɛ nu ɛhɔ, fofolɛ ɛra.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:23

Nyamenle Selɛ ne, nee Awulae Gyisɛse Kelaese ɛmaa mediema ne mɔ amuala anzonudwolɛ nee diedi nu ɛhulolɛ.

1 Tɛs 5:26

Bɛva atuu ɛyɛlɛ kpalɛ bɛbizebiza mediema ne mɔ ahye.

1 Pit 1:2

Nyamenle Selɛ ne luale ye bodane ne azo kpale nu yele bɛ na ɔluale ye Sunsum ne azo ɔyɛle bɛ menli mɔɔ anwo te la, kɛ bɛyɛ tieyɛ bɛmaa Gyisɛse Kelaese na ye mogya ne ade bɛ nwo. Nyamenle ɛlo bɛ na ɔmaa bɛ anzonudwolɛ molozo.

3 Dw 1:14

Me nye la kɛ ɔnrɛhyɛ biala na meara ɛ nwo lɔ na yɛava edwɛkɛ ne mɔ yɛali adwelie.