1 Pit 5:11 - BAEBOLO ANZƐƐ BULUKU NWUANZANWUANZA

¹¹ Nyamenle ɛhye yɛɛ tumi ne le ye ɛdeɛ dahuu a! Amen.

1 Pit 5:11 ပူးပေါင်းရင်းမြစ်များ

Wulo 11:36

Ɔdaye a ɔbɔle ninyɛne kɔsɔɔti a, debie biala lua ɔ nwo zo, yɛɛ bɛwɔ ɛkɛ ne bɛmaa ye. Anyunlunyia ɛha Nyamenle dahuu! Amen.

1 Pit 4:11

Sonla ne mɔɔ ka Nyamenle edwɛkɛ la ɛnlea ɛha Nyamenle edwɛkɛ ne; mɔɔ sonle noko la ɛva ye anwosesebɛ mɔɔ Nyamenle ɛva ɛmaa ye la amuala ɛzonle, amaa debie biala mɔɔ bɛyɛ la anu menli ava ayɛlɛyelɛ alua Gyisɛse Kelaese anwo zo amaa Nyamenle. Yemɔ yɛɛ anyunlunyia nee tumi le ye ɛdeɛ dahuu a. Amen.

Yekile 1:6

na yeyɛ yɛ arelemgbunli nee sɛlɛvolɛma kɛ yɛzonle ye Nyamenle Selɛ ne. Anyunlunyia nee tumi ɛyɛ ye ɛdeɛ dahuu! Amen.

Yekile 5:13

Na mendele kɛ abɔdeɛ biala mɔɔ wɔ anwuma nee aze, ɛbolɔ nee nyevile nu nee debie biala mɔɔ lɛ ngoane mɔɔ wɔ aleɛabo la amuala se, “Ayɛlɛyelɛ, enililɛ, anyunlunyia nee tumi ɛyɛ mɔɔ de belemgbunli ebia kpole ne azo la nee Boaneralɛ ne ɛdeɛ wɔ melɛ mɔɔ ɛnlɛ awieleɛ!”