1 Pit 5:10 - BAEBOLO ANZƐƐ BULUKU NWUANZANWUANZA

¹⁰ Na saa bɛte nyane ne ekyii bɛwie a ɛlolɛ kɔsɔɔti Nyamenle ne, mɔɔ ɛvɛlɛ bɛ kɛ bɛ nee Kelaese ɛradɛnla ye anyunlunyia ne mɔɔ wɔ ɛkɛ ne dahuu la anu la, ɔdaye mumua ne ɔbaziezie bɛ yeamaa bɛ anwosesebɛ nee akɛnrasesebɛ, na yeamaa bɛagyinla kpundii.

1 Pit 5:10 ပူးပေါင်းရင်းမြစ်များ

Edwɛndolɛ Buluku ne 119:28

Nyane ngome maa me ɛkɛla minli me nwo, wɔ edwɛkɛ ne ati, maa me anwosesebɛ!

Edwɛndolɛ Buluku ne 138:7

Saa melua ngyegyelɛ nu a, ɛbɔ me ngoane nwo bane. Ɛtenrɛ ɛ sa ɛsi me kpɔvolɛma mɔɔ ɛva ɛya la aze, na ɛfa wɔ tumi kpole ne ɛdie me.

Edwɛndolɛ Buluku ne 86:15

Na wɔmɔ, O Awulae, ɛle ɛlolɛ nee anwunvɔnezelɛ Nyamenle, ɛnva ɛya mgbane mgbane, yɛɛ ɛhulolɛ kpundii nee nɔhalɛlilɛ ɛyi wɔ tɛkɛɛ.

Edwɛndolɛ Buluku ne 86:5

Ɔluakɛ, O Awulae, ɛle kpalɛ yɛɛ fakyɛ wɔ wɔ afoa, ɛkile wɔ ɛhulolɛ kpundii ne wɔ bɛdabɛ mɔɔ bɛsu bɛfɛlɛ wɔ la anwo zo.

Zɛkalaya Buluku ne 10:12

Medame Ɛdɛnkɛma me ti, mebamaa bɛ nwo ayɛ se; bɛbazonle me na bɛadie me ne.” Ɛdɛnkɛma a ɛdendɛ a.

Zɛkalaya Buluku ne 10:6

“Mebamaa Dwudama anwo ayɛ se, yɛɛ mebalie Dwosefi sua nu amra. Mebanwu bɛ anwunvɔne, na me nee bɛ kɔsɔɔti azia ara sua nu. Bɛbayɛ kɛ asɛɛ metɛkpole bɛ, ɔluakɛ medame a mele Ɛdɛnkɛma bɛ Nyamenle ne a, mebadie bɛ nzɛlɛlɛ.

Edwɛkpa ne kɛmɔ Luku hɛlɛle la 22:32

Na mezɛlɛ memaa wɔmɔ Saemɔn, amaa wɔ diedi amkpo aze. Na saa ɛsia ɛba me nwo bieko a, si ɛ mediema ne mɔ ahonle.”

Wulo 15:13

Nyamenle mɔɔ le yɛ nzuzuguazo la ɛmaa bɛ anyelielɛ nee anzonudwolɛ wɔ bɛ diedi mɔɔ wɔ ye nu la ati, amaa bɛalua Sunsum Nwuanzanwuanza ne tumi zo bɛ anyelazo anyi.

Wulo 15:5

Nyamenle mɔɔ maa yɛgyinla kpundii na ɔmaa yɛ akɛnrazilɛ la, ɛboa bɛ ɛmaa bɛ muala bɛdɛnla anloanzɛlɛ nu, na bɛva Kelaese Gyisɛse agyakɛ,

Wulo 16:25

Bɛmaa yɛlua Gyisɛse Kelaese anwo zo yɛva anyunlunyia yɛmaa Nyamenle mɔɔ ɔ ngomekye ala a ɔze nrɛlɛbɛ na ɔkola ɔmaa bɛgyinla kpundii wɔ diedi nu, kɛmɔ ye Edwɛkpa ne mɔɔ fane Awulae Gyisɛse Kelaese anwo, mɔɔ mebɔ ye nolo la kile la. Edwɛkpa ɛhye mɔɔ anrɛɛ vea, na bɛhedale zolɛ wɔ mekɛ dɔɔnwo mɔɔ ɛraze ɛhɔ la akee ɛvinde wienyi. Ɛdɛnkɛma Nyamenle ne ɛmaa bɛbɔ ye nolo bɛhile maanle maanle kɔsɔɔti, amaa bɛalie bɛali na bɛali zolɛ, kɛmɔ Nyamenle kpɔmanvolɛma ɛha ye wɔ Nyamenle Edwɛkɛ ne anu la. Anyunlunyia ɛha Nyamenle dahuu! Amen.

Wulo 9:11

Na amaa bɛ nuhua ko ɛvɛlɛlɛ ɛdeɛ ne ali munli, kɛmɔ Nyamenle hyehyɛle la, Nyamenle zele Relebɛka kɛ, “Kpanyinli ne bazonle kakula ne.” Ɔhanle ɛhye kolaa na bɛawo bɛ, na bɛanwu kpalɛ anzɛɛ ɛtane; ɛhye kile kɛ Nyamenle ɛvɛlɛlɛ ne gyi ye ɛhulolɛdeɛ zo na tɛ nyɛleɛ biala mɔɔ bɛyɛle la ati ɔ.

Wulo 9:24

Ɔluakɛ yɛmɛ yɛɛ yevɛlɛ yɛ yevi Dwuuma nee bɛdabɛ mɔɔ bɛnle Dwuuma la avinli a.

1 Kɔl 1:10

Mediema, melɛ yɛ Awulae Gyisɛse Kelaese duma ne mesɛlɛ bɛ kɛ bɛmaa bɛ muala bɛ nloa ɛzɛ bɛ nwo; bɛmmamaa mgbakyemgbakye biala bada bɛ avinli. Bɛhye bɛ nwo file wɔ adwenle nu nee bɛ kpɔkɛbɔlɛ nu.

1 Kɔl 1:9

Bɛkola bɛfa bɛ rɛle bɛwula Nyamenle ne mɔɔ vɛlɛle bɛ kɛ bɛ nee ɔ Ra Gyisɛse Kelaese, yɛ Awulae ɛradila agɔnwolɛ la anu.

2 Kɔl 13:11

Mediema, akee mewie, mebiza bɛ ahye. Bɛhakyi bɛ subane; bɛli me folɛdulɛ ne mɔ azo, bɛmaa bɛ nloa ɛzɛ bɛ nwo na bɛdɛnla anzonudwolɛ nu. Na ɛhulolɛ nee anzonudwolɛ Nyamenle ne nee bɛ badɛnla.

2 Kɔl 4:17

Nyane sikalɛ ekyi ɛhye mɔɔ yɛlɛnwu ye la bava anyunlunyia mɔɔ ɛnlɛ awieleɛ na ɔle kpole kpalɛ ɔtɛla nyane ɛhye la arɛlɛ yɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:13

Ɔlua anwosesebɛ ne mɔɔ Kelaese fa maa me la ati, mekola megyinla ninyɛne muala anloa.

Kɔlɔ 2:7

Bɛyɛ kɛ menli mɔɔ ɛsosɔ ndinli kpalɛ wɔ Kelaese anu la, bɛlua ɔ nwo zo bɛbɔ bɛ ɛbɛla, bɛmaa bɛ diedi ɛgyinla kpundii, kɛmɔ bɛhilehilele bɛ la, na bɛyɛ ye mo dahuu.

1 Tɛs 2:12

Yɛzile yɛ ahonle, yɛkyekyele bɛ rɛle, na yɛhɔle zolɛ yɛmanle bɛ anwosesebɛ kɛ bɛbɔ ɛbɛla mɔɔ fɛta Nyamenle ne mɔɔ fɛlɛ bɛ kɛ bɛrɛla ye anyunlunyia Belemgbunlililɛ ne anu la.

2 Tɛs 2:14

Nyamenle luale Edwɛkpa ne mɔɔ yɛhanle yɛhilele bɛ la azo a vɛlɛle bɛ a, amaa bɛanyia Awulae Gyisɛse Kelaese anyunlunyia ne bie.

2 Tɛs 2:17

ɛmaa bɛ akɛnrasesebɛ na ɔmaa bɛyɛ se, bɛyɛ nla, bɛha na bɛyɛ mɔɔ le kpalɛ la amuala. la amuala.

2 Tɛs 3:3

Bɛkola bɛfa bɛ rɛle bɛwula Awulae anu. Ɔbamaa bɛ nwo ayɛ se na yealie bɛ gyɛlɛɛnye yeavi Ɛtanenli ne asa anu.

1 Tem 6:12

Bɔ mɔdenle ko diedi nu konle kpalɛ ne na ɛ sa aha ngoane mɔɔ ɛnlɛ awieleɛ la, ɔluakɛ ngoane ɛhye ati yɛɛ Nyamenle vɛlɛle wɔ wɔ mekɛ mɔɔ ɛlale wɔ diedi ne ali wɔ dasevolɛma dɔɔnwo ne anyunlu la a.

2 Tem 1:9

Ɔliele yɛ ngoane na ɔvɛlɛle yɛ kɛ yɛrayɛ ye menli, tɛ yɛ gyima mɔɔ yɛyɛ la ati ɔ, na ɔlua ɔdaye ye bodane nee ye ɛlolɛ ti. Ɔluale Kelaese Gyisɛse anwo zo ɔvale ɛlolɛ ɛhye ɔmanle yɛ ɔvi aloamɔleɛ,

2 Tem 2:10

Ɛhye ati medi debie biala me kunlu wɔ Nyamenle menli ne mɔɔ yekpa nu yeye bɛ la ati, amaa bɛdabɛ noko Kelaese Gyisɛse ati bɛanyia ngoanelielɛ ne nee anyunlunyia ne mɔɔ ɛnlɛ awieleɛ la bie.

Kɛlata mɔɔ bɛhɛlɛle bɛhɔmanle Hibuluma la 9:15

Ɛhye ati Kelaese a le sonla mɔɔ de ngyekyeleɛ fofolɛ ne abo a, amaa bɛdabɛ mɔɔ Nyamenle ɛvɛlɛ bɛ la anyia ye nyilalɛ ne mɔɔ ɛnlɛ awieleɛ mɔɔ ɔvale ɔbɔle ɛwɔkɛ la bie. Ɛhye kola yɛ zɔhane, ɔboalekɛ bɛha mogya bɛgua, bɛva bɛye menli kɔsɔɔti bɛvi bɛ ɛtane mɔɔ bɛyɛle wɔ mekɛ mɔɔ bɛwɔ alumua ngyekyeleɛ ne abo la anu.

1 Pit 1:15

Nyamenle ne mɔɔ ɛvɛlɛ bɛ la anwo te, yemɔti bɛmaa bɛ nwo ɛde wɔ nyɛleɛ biala anu.

1 Pit 4:10

Kɛmɔ bɛ muala bɛnea bɛ Nyamenle ahyɛlɛdeɛ ngakyile ne mɔ boɛ la, ko biala ɛva ye ɛdeɛ mɔɔ yenyia ye la ɛkpondɛ ɔ gɔnwo mɔ kpalɛ ɛyɛlɛ.

1 Pit 4:11

Sonla ne mɔɔ ka Nyamenle edwɛkɛ la ɛnlea ɛha Nyamenle edwɛkɛ ne; mɔɔ sonle noko la ɛva ye anwosesebɛ mɔɔ Nyamenle ɛva ɛmaa ye la amuala ɛzonle, amaa debie biala mɔɔ bɛyɛ la anu menli ava ayɛlɛyelɛ alua Gyisɛse Kelaese anwo zo amaa Nyamenle. Yemɔ yɛɛ anyunlunyia nee tumi le ye ɛdeɛ dahuu a. Amen.

2 Pit 1:3

Nyamenle tumi kpole ne ɛmaa yɛ debie biala mɔɔ yɛhyia nwo wɔ yɛ ɛbɛla kpalɛ ɛbɔlɛ nee yɛ nyamenlezonlenlɛ nu la, ɔluakɛ yɛze mɔɔ ɛvɛlɛ yɛ kɛ yɛ nee ye ɛradɛnla ye anyunlunyia ne nee ye kpalɛyɛlɛ ne anu la.

1 Dw 2:25

Mɔɔ Kelaese ɛva ɛbɔ yɛ ɛwɔkɛ la a le ngoane ne mɔɔ ɛnlɛ awieleɛ la.

Dwuudu Kɛlata ne 1:24

Nyamenle mɔɔ kola sɔ bɛ mɔɔ bɛndɔ aze, na ɔfa bɛ kɔlɔnwo fɛlɛko nu ɔkɔ ɔdaye ye anyunlunyia ne anu,