1 Pit 4:8 - BAEBOLO ANZƐƐ BULUKU NWUANZANWUANZA

⁸ Mɔɔ hyia kpalɛ la, bɛva bɛ ahonle muala bɛhulo bɛ nwo ngoko ngoko, ɔboalekɛ ɛhulolɛ maa bɛfa ɛtane dɔɔnwo bɛkyɛ.

1 Pit 4:8 ပူးပေါင်းရင်းမြစ်များ

Mrɛlɛbulɛ Buluku ne 10:12

Ɛkpɔlɛ twehwe konle, na ɛhulolɛ kedɛheda nvonleɛ kɔsɔɔti azo.

Mrɛlɛbulɛ Buluku ne 12:16

Koasea ɛyavalɛ da ali ndɛndɛ, na badwemafo ɛndwenle aholoba ɛbɔlɛ nwo.

Mrɛlɛbulɛ Buluku ne 17:9

Sonla mɔɔ fa ɛtane kyɛ la kpondɛ ɛhulolɛ, na mɔɔ sɔ edwɛkɛ nu a ɔngyakyi la kpakye agɔnwolɛ nu.

Mrɛlɛbulɛ Buluku ne 18:13

Andeamua le koasea; ɔ nyunlu gua aze.

1 Kɔl 13:1

Saa mekola menli nee anwuma soanvolɛma aneɛ ngakyile ne mɔ ka, na menlɛ ɛhulolɛ a, me ɛdendɛlɛ le kɛ ɛlawule anzɛɛ awa mɔɔ ɛlɛyɛ alɛra la.

1 Kɔl 13:4

Ɛhulolɛ lɛ abotane, ɔ ti akunlu le kɛnlɛma; ɛhulolɛ ɛnle anyebolo, ɔmbu ɔ nwo, yɛɛ ɔmmemaa ɔ nwo zo;

Kɔlɔ 3:14

Na bɛva ɛhulolɛ bɛboka ɛhye mɔ anwo, na yemɔ yɛɛ kɛmaa bɛkɛli munli a.

1 Tɛs 3:12

Awulae ɛmaa bɛnyia bɛ nwo ɛhulolɛ ngoko na ɔmaa bɛ ɛhulolɛ mɔɔ bɛlɛ ye wɔ menli nwo la ɛnyi ɛyɛ kpole kpalɛ kɛ ɛhulolɛ mɔɔ yɛlɛ ye wɔ bɛ nwo la.

2 Tɛs 1:3

Mediema, ɔwɔ kɛ yɛyɛ Nyamenle mo dahuu wɔ bɛ ti. Ɔle kpalɛ ɔmaa yɛ kɛ yɛkɛyɛ ye zɔhane, ɔboalekɛ bɛ diedi ɛlɛnyi, yɛɛ bɛ ɛhulolɛ mɔɔ bɛ nuhua ko biala lɛ ye wɔ ɔ gɔnwo mɔ diedima anwo la ɛlɛyɛ kpole.

1 Tem 1:5

Bodane mɔɔ yɛ ngilehilelɛ ɛdeɛ ne gyi zolɛ la a le ɛhulolɛ mɔɔ vi ahonle mɔɔ ɛtane ɛnle nu, adwenle mɔɔ nuhua te wienyi, nee diedi mɔɔ di munli la.

Kɛlata mɔɔ bɛhɛlɛle bɛhɔmanle Hibuluma la 13:1

Bɛhɔ zo bɛhulo bɛ nwo ngoko ngoko kɛ mediema mɔɔ nee Kelaese a lua la.

Gyemise Kɛlata ne 5:12

Me mediema, mɔɔ hyia kpole kpalɛ la a le kɛ, bɛmmaka ndane hweledede; bɛmmaka anwuma anzɛɛ aze anzɛɛ debie gyɛne biala bɔbɔ. Bɛmaa bɛ “Ɛhɛe” ɛyɛ ɛhɛe, bɛ “Kyɛkyɛ” ɛyɛ kyɛkyɛ, amaa Nyamenle andea bɛ.

Gyemise Kɛlata ne 5:20

bɛmaa ɔhakye kɛ: sonla mɔɔ kɛlie ɛtanevolɛ kɛvi ye ɛtane nu la ɛlie ɛtanevolɛ ne ɛkɛla ɛvi ewule nu na yeheda ɛtane dɔɔnwo azo.

1 Pit 1:22

Kɛkala mɔɔ ɔlua bɛ tieyɛ wɔ nɔhalɛ ne anwo bɛde bɛ nwo bɛvi ninyɛndane nwo na bɛnyia ɛhulolɛ bɛmaa bɛ mediema diedima la, bɛmaa bɛ ɛhulolɛ ne ɛyɛ nɔhalɛ ɛhulolɛ mɔɔ vi bɛ ahonle nu a.

3 Dw 1:2

Ayi, mesɛlɛ kɛ debie biala ɛhɔ zolɛ kpalɛ ɛmaa wɔ na ɛde kpɔkɛ kpalɛ; meze kɛ ɛte kpɔkɛ wɔ sunsum nu.