1 Pit 4:7 - BAEBOLO ANZƐƐ BULUKU NWUANZANWUANZA

⁷ Ninyɛne kɔsɔɔti awieleɛ ɛbikye. Ɛhye ati bɛzɔ bɛ nwo kpalɛ na bɛyɛ bɛ nye gyɛlɛmgbɛɛnye, na bɛahola bɛayɛ nzɛlɛlɛ.

1 Pit 4:7 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:35

Yemɔti kenle ko ne nɔe ne bɛmanle bɛ ze nlonle nwanye bole, na ralɛ raalɛ ekyi ne doale ye nee ye hɔlale. Noko bɛ ze annwu ye, ɔluakɛ ɔbole somaa.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:13

Na Nyamenle zele Nowa kɛ, “Mezi pi kɛ mesɛkye ewiade ye nee nuhua menli ne amuala, ɔluakɛ bɛva basabasayɛlɛ, sonla ɛhunlɛ, asayɛlɛ, yɛɛ amumuyɛ bɛyi ewiade ye tɛkɛɛ.

Nolo 7:2

Ɔle kpalɛ kɛ ɛkɛhɔ awuke mɔɔ bɛlɛdi nyane nu la anu tɛla kɛ ɛkɛhɔ awuke mɔɔ bɛlɛto ɛkponle wɔ nu la anu, ɔluakɛ menli kɔsɔɔti awieleɛ ɛne, na anyewɔzoamra bava azie bɛ ti anu.

Gyɛlɛmaya Buluku ne 5:31

Nyamenle kpɔmanvolɛma bɔ adalɛ, yɛɛ sɛlɛvolɛma yɛ mɔɔ Nyamenle kpɔmanvolɛma kɛze bɛ la. Me menli ne die mɔɔ bɛka la to nu; bɛmkpo kɛ bɛnrɛyɛ ye zɔhane, na saa awieleɛ ne ba a duzu a bɛkɛyɛ a?”

Yizikeɛle Buluku ne 7:6

Bɛnlea, kɛ ɔlɛba ɛ! Yewie! Awieleɛ ne ɛra. Ye kɔsɔɔti gua bɛ nwo zo.

Edwɛkpa ne kɛmɔ Mateyu hɛlɛle la 24:42

“Yemɔti bɛzinza, ɔboalekɛ bɛnze kenle mɔɔ bɛ Awulae ne kɛra la.

Edwɛkpa ne kɛmɔ Mateyu hɛlɛle la 25:13

Na Gyisɛse dwulale ye edwɛkɛ ne kɛ, “Yemɔti bɛzinza, ɔboalekɛ bɛnze kenle ko ne anzɛɛ dɔnehwele ko ne mɔɔ Awulae bara la.”

Edwɛkpa ne kɛmɔ Luku hɛlɛle la 21:34

“Bɛnlea bɛ nwo boɛ! Bɛmmamaa anyelielɛ dɔɔnwo, nza ɛbolɛ nee ɛbɛla ye anu ɛvɛlɛvɛlɛ di bɛ adwenle somaa, anrɛɛ Ndɛnebualɛ Kenle ne ɛralɛ kɛli bɛ nvunu kɛhye bɛ kɛ ɛhane;

Edwɛkpa ne kɛmɔ Luku hɛlɛle la 21:36

Zɔhane ati bɛzinza na bɛzɛlɛ dahuu na bɛanyia anwosesebɛ bɛali ninyɛne ɛhye mɔ mɔɔ basisi la anwo zo konim, na bɛahola medame Sonla Ra, me nyunlu gyinla.”

Edwɛkpa ne kɛmɔ Luku hɛlɛle la 22:46

Na ɔzele bɛ kɛ, “Duzu ati a bɛlɛdafe ɛ? Bɛdwazo na bɛzɛlɛ na bɛangɔ ngyegyelɛ nu.”

Wulo 12:12

Bɛmaa bɛ anyelazo ɛmaa bɛ nye ɛlie, bɛzi abotane wɔ bɛ amaneɛnwunlɛ nu, na bɛyɛ nzɛlɛlɛ dahuu.

1 Kɔl 15:24

Akee awieleɛ mekɛ ne bara na Kelaese bali mgbolema, tumivolɛma nee arelemgbunli kɔsɔɔti anwo zo konim, na yeava Belemgbunlililɛ ne yeawula Nyamenle Selɛ ne asa anu.

1 Kɔl 7:29

Mediema, mɔɔ mekpondɛ meaha la a le ɛhye: mekɛ ne ɛwie, na ɔvi ɛnɛ mɔɔ kɔ la, kunlima ɛdɛnla kɛ bɛngya mraalɛ;

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:18

Bɛva nzɛlɛlɛ bɛyɛ ɛhye mɔ amuala na bɛbiza Nyamenle moalɛ. Mekɛ biala bɛzɛlɛ kɛmɔ sunsum ne kile la. Zɔhane ati bɛmaa bɛ nye ɛbolo bɛbodo bɛzɛlɛ kpalɛ wɔ Sunsum ne anu dahuu. Bɛyɛ bɛ nye gyɛlɛmgbɛɛnye na bɛmmamaa bɛ sa kpa; bɛzɛlɛ dahuu bɛmaa Nyamenle menli ne noko,

Pɔɔlo Kɛlata mɔɔ ɔhɛlɛle ɔhɔmanle Felepaema la 4:5

Bɛmaa awie biala ɛnwu kɛ bɛlɛ abotane molozo. Awulae ɛbikye.

Kɔlɔ 4:2

Bɛyɛ nzɛlɛlɛ dahuu, bɛzie bɛ adwenle koonwu wɔ bɛ nzɛlɛlɛ nu, na bɛyɛ Nyamenle mo.

2 Tem 4:5

Na wɔmɔ, sie ɛ ti koonwu, mia ɛ nye te nyane, kpɔsa bɔ Edwɛkpa ne nolo, na yɛ Nyamenle gyima ne kɛ ɛle sonvolɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:12

Zɔhane ɛlolɛ ne kilehile yɛ kɛ yɛvuandi ɛbɛla mgbane mgbane nee ewiade atiakunluwɔzo ne mɔ yɛgua, na yɛyɛ yɛ nye gyɛlɛmgbɛɛnye, yɛnlea boɛ na yɛbɔ Nyamenlezulolɛ ɛbɛla fɔɔnwo ne wɔ ewiade ye anu,

Kɛlata mɔɔ bɛhɛlɛle bɛhɔmanle Hibuluma la 10:25

Bɛmmamaa yɛgyakyi kɛ yɛkɛhɔ yɛ nyianu ne, kɛmɔ bie mɔ yɛ la. Bɛdabɛ bɛkola bɛnwu kɛ Awulae Kenle ne ɛbikye, yemɔti bɛmaa yɛsosɔ yɛ nwo ngoko ngoko.

Kɛlata mɔɔ bɛhɛlɛle bɛhɔmanle Hibuluma la 9:26

ɔluakɛ saa ɔle zɔhane a, anrɛɛ ɔkile kɛ ɔwɔ kɛ Kelaese nwu amaneɛ fane dɔɔnwo, ɔvi ewiade mɔlebɛbo ne. Noko ɔrale kokye wɔ mekɛ mɔɔ ninyɛne kɔsɔɔti ɛlɛkɔ awieleɛ la, na ɔvale ye mogya ɔbɔle azu ne ɔnununle ɛtane muala.

1 Pit 1:13

Zɔhane ati, bɛzie bɛ adwenle koonwu, bɛyɛ bɛ nye gyɛlɛmgbɛɛnye na bɛmaa bɛ nye ɛla nyilalɛ ne mɔɔ bɛbanyia ye wɔ mekɛ mɔɔ Gyisɛse Kelaese kɛra la azo.

1 Pit 3:7

Zɔhane ala yɛɛ bɛmɛ mrenya noko, saa bɛ nee bɛ ye mɔ de a ɔwɔ kɛ bɛnwu ye kɛ bɛle mraalɛ na bɛnlɛ anwosesebɛ a. Yemɔti bɛli bɛ eni, ɔboalekɛ bɛ nee bɛ bɛ muala a bɛbanyia Nyamenle ngoane ɛlolɛ ahyɛlɛdeɛ ne a. Bɛyɛ ɛhye, amaa debie biala andenda bɛ gyakɛ anu wɔ bɛ nzɛlɛlɛ nu.

1 Pit 5:8

Bɛyɛ bɛ nye gyɛlɛmgbɛɛnye na bɛzinza! Na bɛ kpɔvolɛ ne, mɔɔ le Abɔnsam, lua nu ɛlɛkpo kɛ awenade, ɔlɛkpondɛ awie yeahye ye yeali.

Yekile 16:15

“Bɛdie! Mebara bɛ nwo zo kɛ awule la! Na nyilalɛ ɛha sonla ne mɔɔ ɛnee ɔ nye gyi zolɛ na ɔnea ye ninyɛne boɛ la, amaa yeanlɛ ɔ nwo zɔ wɔ menli nu na ɔ nyunlu angua aze!”