1 Pit 4:4 - BAEBOLO ANZƐƐ BULUKU NWUANZANWUANZA

⁴ Kɛkala ɔsi bɛdabɛ mɔɔ bɛnzonle Nyamenle la anwo kɛ saa ɛnɛ bɛbɔ ɛbɛla mgbane mgbane ɛhye mɔ a bɛmɛ Kelaese ɛdoavolɛma ɛmbamboka bɛ nwo a, na ɔlua zo bɛkeha bɛ nwo edwɛkɛ ɛtane ɛtane.

1 Pit 4:4 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 23:25

“Bɛmɛ mɛla kilehilevolɛma nee Falasiima! Munzule ɛha bɛ! Nabalabama! Bɛmɛ, bɛnrinzi bɛ kanrɛlɛ nee bɛ ɛyɛba nwo, noko bɛdabɛ mumua ne bɛ nuhua, amile nee angomedi ɛyi bɛ tɛkɛɛ.

Edwɛkpa ne kɛmɔ Luku hɛlɛle la 15:13

Kenle ekyi guale nu la ralɛ nrenya kakula ne dɔnenle ye ninyɛne ɛdeɛ ne kɔsɔɔti na ɔvale ezukoa ne ɔbɔle ɔ nwo ɔhɔle maanle zo. Ɔhɔle la, ɔbɔle ɛbɛla mgbane mgbane na ɔzɛkyele ye ezukoa ne amuala.

Ɛzoanvolɛma Gyima ne 13:45

Mɔɔ Dwuuma ne nwunle menli dɔɔnwo ne la, anyebolo dɔle bɛ nwo; bɛdendɛle bɛtiale mɔɔ Pɔɔlo ɛlɛka la, na bɛbɔle bɛ aholoba.

Ɛzoanvolɛma Gyima ne 18:6

Nzinlii mɔɔ bɛtiale mɔɔ ɔlɛka la, bɛhehanle ɛtane dɔɔnwo bɛhilele ye. Ɛhye ati Pɔɔlo kpokpole ye tɛladeɛ ne anu munlutu guale na ɔzele bɛ kɛ, “Saa bɛminli a, nwolɛ ɛzonle ɛnzo me. Bɛdabɛ bɛ ɛminlinlɛ nwo ɛzonle zo bɛ! Ɔvi ɛnɛ mɔɔ kɔ la mebahɔ bɛdabɛ mɔɔ bɛnle Dwuuma la anu meahɔha Edwɛkpa ne.”

Wulo 13:13

Bɛmaa yɛli yɛ nwo eni, na yɛbɔ yɛ ɛbɛla kpalɛ kɛ menli mɔɔ wɔ alehyenlɛ nu la, mɔɔ anwondɛlɛ mgbane mgbane, nzabolɛ, adwɔmanebɔlɛ, anzɛɛ huhunli ɛbɛla ɛbɔlɛ, konle anzɛɛ nungule ɛhwenlɛ biala ɛnle nu a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:18

Bɛgyakyi nza ɛbolɛ na ɔsɛkye bɛ; bɛmaa Sunsum ne ɛyi bɛ tɛkɛɛ.

1 Pit 2:12

Ɔwɔ kɛ bɛmaa bɛ nyɛleɛ wɔ maanlema avinli yɛ kɛnlɛma, amaa saa bɛsi bɛ amgbu kɛ bɛnle kpalɛ bɔbɔ a, ɛnee kɛmɔ bɛnwu bɛ nyɛleɛ kpalɛ ne la ati bɛaye Nyamenle ayɛlɛ wɔ Kenle ne mɔɔ Awulae bara la.

1 Pit 3:16

noko anrɛɛ bɛva bɛtɛɛyɛlɛ amaa saa awie mɔ keha bɛ nwo edwɛkɛ ɛtane ɛtane a, bɛ subane kpalɛ ne, kɛmɔ bɛle Kelaese ɛdoavolɛma na bɛdi boɛ la agua menli zɔhane mɔ anyunlu aze.

2 Pit 2:12

Menli ɛhye mɔ yɛ bɛ ninyɛne kɛ ɛbɔ nu nane mɔɔ bɛbɔle bɛ kɛ bɛhye bɛ bɛhu bɛ la. Bɛtendɛ ɛtane bɛtia debie biala mɔɔ bɛnze la, na bɛbazɛkye bɛ kɛ ɛbɔ nu nane.

2 Pit 2:22

Mɔɔ si bɛ nwo zo la kile kɛ ɛrɛlɛ ne le nɔhalɛ bɔkɔɔ, “Twea fe a ɔsia ɔkɔdi”, yɛɛ “ɛbia kpolike a ɔsia ɔkɔboto ndɛtɛlɛ.”

Dwuudu Kɛlata ne 1:10

Menli ɛhye mɔ ka debie biala mɔɔ bɛnde ɔ bo la anwo edwɛkɛ ɛtane, yɛɛ ninyɛne mɔɔ bɛ nane adwenle ne maa bɛte ɔ bo la bɛmɛ a le ninyɛne mɔɔ sɛkye bɛ la.