1 Pit 4:3 - BAEBOLO ANZƐƐ BULUKU NWUANZANWUANZA

³ Bɛzɛkye bɛ mekɛ dɔɔnwo bɛyɛ mɔɔ menli mɔɔ ɛnzonle Nyamenle la yɛ la bie. Bɛbɔ adwɔmane ɛbɛla, bɛli bɛ atiakunluwɔzo mgbane mgbane nzi, nza ɛgya bɛ, bɛmaa bɛ nye die mgbane mgbane, bɛbɔ anyiemgba ɛbɛla, na bɛsonle awozonle.

1 Pit 4:3 ပူးပေါင်းရင်းမြစ်များ

2 Sam 13:28

Na Abesalɛm zele ye sonvolɛma ne mɔ kɛ, “Bɛdie, saa bɛnwu kɛ Amenɔn ɛbo kpalɛ kpalɛ na mese bɛ kɛ, ‘Bɛyɛ bɛmaa Amenɔn’ a, bɛhu ye. Bɛmmasulo; medame a mese a. Bɛzi ahonle na bɛli mrenyasɛm.”

1 Arl 21:26

Ehabe bɔle munzule; ɔdoale awozonle bo zo, kɛmɔ Amɔnoma yɛle mɔɔ yemɔti Ɛdɛnkɛma ammaa bɛannyia ɛleka bɛangyinla wɔ Yizilayɛma anyunlu la.)

2 Edk 15:8

Mɔɔ Belemgbunli Esa dele Nyamenle kpɔmanvolɛ Azalaya Nyamenle nrɛlaleɛ ne la, ɔzile ahonle na ɔmanle bɛyeyele mmonle mɔɔ wɔ Dwuda nee Bɛngyaman maanzinli ne mɔ anu la amuala, nee azuamgbole mɔɔ yeho yeva bɛ wɔ Yifelaem awoka ne mɔ azo lɔ la amuala azo. Akee ɔyɛle Ɛdɛnkɛma azukponle ne mɔɔ wɔ Ɛdɛnkɛma Ɛzonlenlɛ Sua ne anyunlu ɛkɛ ne la boɛ.

Ayezaya Buluku ne 28:7

Menli ɛhye mɔ noko no nwanye bo yɛɛ bɛno nza ɛsesebɛ bɛtinda. Sɛlɛvolɛma nee Nyamenle kpɔmanvolɛma no nza ɛsesebɛ tinda. Nwanye maa bɛ adwenle ka bɔ nu yɛɛ nza ɛsesebɛ maa bɛtinda. Bɛfo wɔ bɛ ɛnyelɛzodeɛnwunlɛ nu, yɛɛ bɛmbua ndɛne fɔɔnwo.

Ayezaya Buluku ne 5:11

Munzule ɛha bɛdabɛ mɔɔ bɛdwazo aleɛbahye bɛno nza ɛsesebɛ, nee bɛdabɛ mɔɔ nɔsolɛ nu bɛsi epe bɛno nwanye toonwo bɛtinda la.

Ayezaya Buluku ne 65:4

Bɛtɛnla sɛka zo, yɛɛ aleɛ dwo a bɛfea bɛ nwo bɛdi kpolike nane, yɛɛ bɛ subue nu le bɛkyi ninyɛne ngome.

Gyɛlɛmaya Buluku ne 16:11

se bɛ kɛ, medame Ɛdɛnkɛma, mese: Ɔboalekɛ bɛ ze mɔ ɛkpo me na bɛhɔzonle nyamenle gyɛne gyɛne, bɛbɔ bɛ ti aze bɛmaa bɛ, yɛɛ bɛanli me mɛla ne azo.

Gyɛlɛmaya Buluku ne 16:18

Bɛva bɛ bɛkyi mmonle ninyɛne ne mɔ bɛzɛkye me azɛlɛ ne. Bɛkyi nyɛleɛ ngome a bɛyɛ ye azɛlɛ ne azo a, yemɔti mebadua bɛ amumuyɛ nee bɛ ɛtane mɔɔ bɛlɛyɛ ye ɛkɛ ne la anwo kakɛ mɔnwo.”

Yizikeɛle Buluku ne 44:6

“Ka kile Yizilayɛma atuadelɛma kɛ medame, Awulae Nyamenle, mese: O Yizilayɛma, bɛgyakyi bɛ ninyɛndane ne mɔ ɛyɛlɛ.

Yizikeɛle Buluku ne 45:9

Awulae Nyamenle ne zele me kɛ, “Bɛdabɛ Yizilayɛ arelemgbunli, yeyɛ boɛ! Bɛgyakyi konle nee nzisililɛ, na bɛli pɛlepɛle nee nɔhalɛ. Bɛmmatu me menli ne bɛfi bɛ azɛlɛ ne mɔ azo bieko. Medame, Awulae Nyamenle a mese a.

Edwɛkpa ne kɛmɔ Maake hɛlɛle la 7:22

ɔfa nwuvolɛ, ɔyɛ anyebolo, ɔyɛ amumuyɛ, ɔbɔ adalɛ, ɔyɛ ahulomrenya anzɛɛ ahulomraalɛ, ɔdi nzisi, ɔyɛ ngunzi, ɔtu ɔ nwo na ɔyɛ ngoaseade a.

Ɛzoanvolɛma Gyima ne 17:30

Nyamenle bule ɔ nye guale zo wɔ mekɛ mɔɔ ɛnee menli ɛnze la. Kɛkala, ɔlɛka yeahile menli kɔsɔɔti mɔɔ wɔ ɛleka biala la kɛ bɛnlu bɛ nwo wɔ bɛ ninyɛndane nwo.

Wulo 13:13

Bɛmaa yɛli yɛ nwo eni, na yɛbɔ yɛ ɛbɛla kpalɛ kɛ menli mɔɔ wɔ alehyenlɛ nu la, mɔɔ anwondɛlɛ mgbane mgbane, nzabolɛ, adwɔmanebɔlɛ, anzɛɛ huhunli ɛbɛla ɛbɔlɛ, konle anzɛɛ nungule ɛhwenlɛ biala ɛnle nu a.

1 Kɔl 12:2

Bɛze kɛ mekɛ mɔɔ ɛnee bɛnze Nyamenle la, awie mɔ vale adenle bie azo manle bɛzɔle mmonle mɔɔ ɛndendɛ la.

1 Kɔl 6:11

Kɛ ɛnee bɛ bie mɔ de la ɛne. Na Awulae Gyisɛse Kelaese duma ne ati nee Nyamenle Sunsum Nwuanzanwuanza ne ati, bɛbia bɛ; bɛde bɛ nwo bɛvi ɛtane nwo, na bɛmaa bɛzɔ Nyamenle anye.

2 Kɔl 12:21

Ɔyɛ me kɛ meba bieko a me Nyamenle ne baha me aze wɔ bɛ nyunlu, na meazu meagua bɛdabɛ mɔɔ bɛyɛle ɛtane na bɛtɛnunle bɛ nwo wɔ bɛ nyɛleɛ mgbane mgbane mɔɔ anwo ɛnde, nee adwɔmanebɔlɛ nwo la ati zo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:19

Sonla su ne gyima mɔɔ di la da ali wienyi. Bɛmɛ a le adwɔmane, ɛbɛla mgbane mgbane mɔɔ anwo ɛnde la ɛbɔlɛ,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:21

anyebolo, kɔdiawuyɛlɛ, nza ɛbolɛ, anyelielɛ mgbane mgbane nee ninyɛne mɔɔ le zɛhae mɔ la. Meha mehile bɛ dɛba, na eza mekakye bɛ bieko kɛ bɛdabɛ mɔɔ bɛyɛ ninyɛne ɛhye mɔ la ɛnrɛnwu Nyamenle Belemgbunlililɛ ne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:18

Bɛgyakyi nza ɛbolɛ na ɔsɛkye bɛ; bɛmaa Sunsum ne ɛyi bɛ tɛkɛɛ.

1 Tɛs 4:5

tɛ wɔ atiakunluwɔzo ɛtane nu, kɛmɔ menli mɔɔ ɛnze Nyamenle la yɛ ye la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:3

Ɔluakɛ ɛnee anrɛɛ yɛdayɛ noko yɛle ahɔnwɔne, tufoande, yɛɛ yɛminlinle. Yɛyɛle ngɛkɛlɛ yɛmanle nwonane nu atiakunluwɔzo nee anyelielɛ ngakyile kɔsɔɔti; yɛbɔle yɛ ɛbɛla ne atiakunlutane nee anyebolo nu; menli kpɔle yɛ yɛɛ yɛdayɛ noko yɛkpɔle yɛ nwo ngoko ngoko.

1 Pit 1:14

Bɛyɛ tieyɛ bɛmaa Nyamenle na bɛmmamaa bɛ atiakunluwɔzo sie bɛ kɛ dɛba ne mɔɔ ɛnee bɛnze nwolɛ bie la.

Dwuudu Kɛlata ne 1:4

Ɔluakɛ menli bie mɔɔ ɛnze Nyamenle na bɛyɛ bɛ nzonlɛ bɛdo ɛkɛ dɛba kɛ bɛbazɛkye bɛ la ɛpe adenle bie azo ɛravea yɛ avinli. Menli ɛhye mɔ kakyi yɛ ɛlolɛ ne mɔɔ Nyamenle ɛva ɛlo yɛ mgbane la adwɔmanebɔlɛ, yɛɛ eza bɛkpo Gyisɛse Kelaese mɔɔ le yɛ Menle nee yɛ Awulae kokye la.