1 Pit 4:19 - BAEBOLO ANZƐƐ BULUKU NWUANZANWUANZA

¹⁹ Zɔhane ati ɔwɔ kɛ bɛdabɛ mɔɔ Nyamenle ɛhulolɛ ti bɛnwu amaneɛ la bɔ ɛbɛla kpalɛ na bɛfa bɛ nwo bɛto bɛ Bɔvolɛ ne anwo zo, ɔluakɛ ɔdi ye ɛwɔkɛ zo dahuu.

1 Pit 4:19 ပူးပေါင်းရင်းမြစ်များ

Ɛseta Buluku ne 4:16

“Kɔ na kɔboɔboa Dwuuma mɔɔ wɔ Susa ɛke la amuala anloa, maa bɛhye ɛhɔne na bɛzɛlɛ bɛmaa me. Bɛmmadi debie biala yɛɛ bɛmmano nzule toonwo kenle nsa. Me nee me sonvolɛ mraalɛ ne mɔ yɛdayɛ yɛbayɛ zɔhane ala. Ɛhye anzi, mebahɔ belemgbunli ɛkɛ. Ɛhye tia mɛla ne bɔbɔ ɛdeɛ, noko saa ɔlua ɛhye ati na ɔwɔ kɛ mewu a, menwɔwu.”

Edwɛndolɛ Buluku ne 138:8

Ɛdɛnkɛma bamaa mɔɔ yehyehyɛ yemaa me la ayɛ zɔ; O Ɛdɛnkɛma, wɔ ɛhulolɛ kpundii ne wɔ ɛkɛ dahuu. Mmakpo ɛ sa anloa gyima.

Edwɛndolɛ Buluku ne 31:5

Ɛ sa nu yɛɛ mefa me sunsum mewula a; O Ɛdɛnkɛma, nɔhavo Nyamenle, wɔlie me ngoane.

Edwɛndolɛ Buluku ne 37:5

Fa ɛ nwo maa Ɛdɛnkɛma; fa ɛ rɛle wula ye nu, ɔbali yeamaa wɔ.

Ayezaya Buluku ne 43:7

Awie biala mɔɔ bɛfa me duma bɛfɛlɛ ye, mɔɔ me anyunlunyia ti membɔle ye, na mengyehyɛle menyɛle la bara.”

Daneɛle Buluku ne 6:22

Me Nyamenle ne zoanle ye soanvolɛ manle ɔratotole awenade ne mɔ anloa anu, yemɔti bɛanva bɛ nloa bɛanga me. Ɔluakɛ medi benle wɔ me Nyamenle ne anyunlu yɛɛ medi benle wɔ ɛdawɔ noko ɛ nyunlu. Nana, metɛyɛle ɛtane biala.”

Edwɛkpa ne kɛmɔ Luku hɛlɛle la 23:46

Na Gyisɛse deanle nu kpole kɛ, “Egya! Me ɛkɛla wɔ ɛ sa nu!” Ɔhanle ɛhye na ɔwule.

Ɛzoanvolɛma Gyima ne 7:59

Mɔɔ bɛlɛsi Sitivin awolɛ la ɛnee ɔ ne la nu ɔlɛtea ɔfɛlɛ Awulae kɛ, “Awulae Gyisɛse, die me ɛkɛla!”

Wulo 2:7

Menli bie wɔ ɛkɛ mɔɔ bɛmɛ, abotane nee kpalɛyɛlɛ ala a bɛli ɔ nzi a, na bɛkpondɛ anyunlunyia, enililɛ nee ngoane mɔɔ ɛnlɛ awieleɛ la. Na bɛmɛ noko ala yɛɛ Nyamenle bamaa bɛ ngoane mɔɔ ɛnlɛ awieleɛ a.

2 Tem 1:12

Zɔhane ati yɛɛ menwu amaneɛ ɛhye mɔ a. Noko ɔnyɛ me nyiane, ɔluakɛ meze mɔɔ meva me rɛle mewula ye nu la, na medie medi kɛ ɔkɛhola ɔkɛzie mɔɔ meva mewula ɔ sa nu la gyɛlɛɛnye ɔkɛhɔkpula Awulae Kenle ne.

1 Pit 2:15

Ɔluakɛ Nyamenle ɛhulolɛ a le kɛ bɛkɛva bɛ nyɛleɛ kpalɛ ne mɔ bɛkɛmaa ahɔnwɔne kɛgyakyi mgbane mgbane ɛhehanlɛ.

1 Pit 3:17

Ɔluakɛ saa mɔɔ Nyamenle kpondɛ la a le kɛ yɛkɛli boɛ na yɛkɛnwu amaneɛ a, ɛnee ye zɔhane le kpalɛ, tɛla kɛ yɛkɛli ɛtane a.

1 Pit 3:20

Sunsum ɛhye mɔ a le bɛdabɛ mɔɔ bɛyɛle Nyamenle anwo anzosesebɛ wɔ mekɛ mɔɔ ɛnee Nyamenle ɛlɛkendɛ abotane nu ala yeamaa Nowa abobɔ ɛlɛne ne la. Bɛdabɛ ekyi ne ala, bɛle mɔtwɛ, mɔɔ ɛnee bɛwɔ ɛlɛne ne anu wɔ azule ne anye la yɛɛ bɛliele bɛ ngoane a.