1 Pit 4:18 - BAEBOLO ANZƐƐ BULUKU NWUANZANWUANZA

¹⁸ Nyamenle Edwɛkɛ ne se, “Saa ɔyɛ se ɔmaa kpalɛma kɛ bɛkɛvi ɛsalɛ a ɛnee kɛ ɛtanevolɛma mɔɔ ɛnzonle Nyamenle la kɛwie ye ɛ?”

1 Pit 4:18 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 13:13

Sodɔmma le amumuyɛ; bɛyɛle ɛtane mgbole bɛtiale Ɛdɛnkɛma.

Mrɛlɛbulɛ Buluku ne 11:31

Saa bɛbadua tenlenenli kakɛ wɔ azɛlɛ ye azo wɔ ye nyɛleɛ nwo a, ɛnee kɛ amumuyɛma nee ɛtanema kɛzi kɛwie ye ɛ!

Gyɛlɛmaya Buluku ne 25:29

Ɔluakɛ bɛnlea, mebɔ ɔ bo wɔ suakpole ne mɔɔ me duma la zolɛ la azo melɛsɛkye ninyɛne. Bɛdwenle kɛ bɛmɛ bɛbava bɛ nwo dwɔɔ ɔ? Kyɛkyɛ, mebadea bɛ, ɔluakɛ memaa konle adɔ ewiade amra amuala avinli. Medame Tumivolɛ Ɛdɛnkɛma a mese a.’

Yizikeɛle Buluku ne 18:24

“Na saa tenlenenli twe ɔ nwo fi ye kpalɛ mɔɔ yeyɛ la anwo, ɔyɛ ɛtane na ɔyɛ bɛkyi ninyɛne ne mɔ mɔɔ amumuyɛnli ne yɛ la bie a, ɔbawu. Bɛnrɛhakye ye kpalɛ biala mɔɔ yeyɛ la. Munzule ne mɔɔ yebɔ la anwo fɔlɛlilɛ nee ye ɛtane ne mɔ mɔɔ yeyɛ la ati, ɔbawu.

Zɛkalaya Buluku ne 13:9

Ekpunli ko ne mɔɔ tɔ zolɛ nsa bɔbɔ la, mebagua bɛ senle nu meadu bɛ nuhua, kɛmɔ bɛtu dwɛtɛ fufule nu la, na meazɔ bɛ meanlea, kɛmɔ bɛsɔ ezukoa nvutuke bɛnea la. Bɛbabɔ me duma bɛavɛlɛ me, na mebalie bɛ zo. Mebaha kɛ, ‘Bɛle me menli’ na bɛbaha kɛ, ‘Ɛdɛnkɛma le me Nyamenle.’ ”

Edwɛkpa ne kɛmɔ Luku hɛlɛle la 15:1

Kenle ko bie adwuledievolɛma dɔɔnwo nee menli mɔɔ awie ɛmbu bɛ la rale kɛ bɛbadie Gyisɛse anloa edwɛkɛ.

Edwɛkpa ne kɛmɔ Luku hɛlɛle la 23:31

Ɔluakɛ saa bɛyɛ ninyɛne ɛhye mɔ wɔ mekɛ mɔɔ baka ne le amolɛ la a, ɛnee saa baka ne wu a, duzu a bɛkɛyɛ a?”

Ɛzoanvolɛma Gyima ne 14:22

Bɛmanle diedima ne mɔ anwosesebɛ na bɛzele bɛ kɛ bɛzɔ diedi ne anu kpundii. Bɛhilehilele bɛ kɛ ɔwɔ kɛ yɛnwu amaneɛ dɔɔnwo na yɛanwu Nyamenle Belemgbunlililɛ ne.

Ɛzoanvolɛma Gyima ne 27:24

na ɔzele me kɛ, ‘Pɔɔlo, mmasulo, na ɔwɔ kɛ ɛgyinla Maanle Maanle belemgbunli ne anyunlu. Ɔlua zo Nyamenle ɛva bɛdabɛ mɔɔ bɛ nee wɔ lua nyevile ye anye la amuala ngoane ɛhyɛ wɔ.’

Ɛzoanvolɛma Gyima ne 27:31

Pɔɔlo hanle hilele sogya kpanyinli ne kɛ, “Saa gyimayɛvoma ne mɔ andɛnla ɛlɛne ye anu a yɛ nuhua ko bɔbɔ ɛnrɛha.”

Wulo 1:18

Bɛhile bɛmaa yɛnwu kɛ Nyamenle ɛya ne vi anwuma bara bɛdabɛ mɔɔ bɛmbu Nyamenle na bɛfa bɛ ngunziyɛlɛ bɛkeda nɔhalɛ ne azo la anwo zo.

Wulo 5:6

Mekɛ mɔɔ ɛnee moalɛ ɛwie bɔkɔɔ la, Kelaese wule manle bɛdabɛ mɔɔ bɛnze Nyamenle la wɔ mekɛ mɔɔ Nyamenle ɔdaye ɔhyehyɛle la anu.

Wulo 5:8

noko Nyamenle ɛhile kɛ ɔsi ɔkulo yɛ la, na yemɔ a le kɛ, mɔɔ ɛnee yɛtɛda nwo yɛtɛde ɛtaneyɛlɛma la, Kelaese wule manle yɛ!

1 Kɔl 10:12

Zɔhane ati bɛmaa mɔɔ dwenle kɛ ɔgyi boɛ la ɛnlea boɛ na yeandɔ aze.

1 Tem 1:9

Ɔwɔ kɛ yɛnwu kɛ tɛ menli mɔɔ di boɛ la ati a mɛla ne wɔ ɛkɛ a, mɛla ne wɔ ɛkɛ maa atuadelɛma, anzosesebɛma, bɛdabɛ mɔɔ bɛnze Nyamenle nee ɛtanevolɛma, bɛdabɛ mɔɔ bɛ nwo ɛnde, menli mɔɔ ku bɛ ze mɔ anzɛɛ bɛ nli mɔ, ahɔdiawu,

Kɛlata mɔɔ bɛhɛlɛle bɛhɔmanle Hibuluma la 4:1

Kɛkala mɔɔ Nyamenle ɛwɔkɛ ne mɔɔ fane ɛnwomenlelielɛ nwo la tɛbɔ ɛkɛ ne la, bɛmaa yɛnlea boɛ na bɛanze yɛ bie mɔ kɛ bɛdɔ sinli na bɛnrɛdwu ɛnwomenlelielɛ ɛleka ne.

Gyemise Kɛlata ne 5:6

Bɛbua sonla mɔɔ ɛnli fɔlɛ la ewule fɔlɛ bɛku ye; noko ɔndɛ ɔ nloa anu!

1 Pit 5:8

Bɛyɛ bɛ nye gyɛlɛmgbɛɛnye na bɛzinza! Na bɛ kpɔvolɛ ne, mɔɔ le Abɔnsam, lua nu ɛlɛkpo kɛ awenade, ɔlɛkpondɛ awie yeahye ye yeali.

2 Pit 3:7

Nyamenle anloa edwɛkɛ ko ye ala azo a bɛlua bɛhua anwuma nee aze mɔɔ kɛkala wɔ ɛkɛ ne la anwo senle bɛzie ɛkɛ bɛlɛfa bɛahendɛ ndɛnebualɛ kenle ne nee menli mɔɔ ɛnze Nyamenle la ɛzɛkyelɛ a.

Dwuudu Kɛlata ne 1:15

arabua awie biala ndɛne, na yeadea bɛdabɛ mɔɔ bɛnze Nyamenle la wɔ bɛ ninyɛndane mɔɔ bɛyɛ ye atisesebɛ nu nee amumuyɛ edwɛkɛ mɔɔ menli ɛhye mɔ mɔɔ ɛnze Nyamenle la ɛha ɛtia ye la anwo.”

1 Sam 15:18

yɛɛ ɔzoanle wɔ kɛ, ‘Kɔ kɔzɛkye Amalɛkema ɛtanevolɛma. Ɛ nee bɛ ɛho toonwo kɔkpula kɛ bɛ bo zo kɛbɔ tɔɔ la.’