1 Pit 4:16 - BAEBOLO ANZƐƐ BULUKU NWUANZANWUANZA

¹⁶ Na saa awie le Kelaese ɛdoavolɛ la ati ɔnwu amaneɛ a, ɔmmamaa ɔyɛ ye nyiane, na ɔyɛ Nyamenle mo kɛ ɔlɛ Kelaese duma ne anu a.

1 Pit 4:16 ပူးပေါင်းရင်းမြစ်များ

Ayezaya Buluku ne 24:15

Yemɔti bɛdabɛ mɔɔ bɛwɔ aduduleɛ la, bɛwula Ɛdɛnkɛma anyunlunyia, na bɛdabɛ mɔɔ bɛde ɛnweanloa la ɛye Ɛdɛnkɛma, Yizilayɛ Nyamenle ne ayɛlɛ.

Ayezaya Buluku ne 50:7

Ɔluakɛ Awulae Nyamenle ne boa me, yemɔti me rɛle ɛtɛbɔle. Zɔhane ati meyɛ me nyunlu kɛ ɛtwɛlɛboɔ; meze kɛ me nyunlu ɛnrɛgua aze;

Ayezaya Buluku ne 54:4

Mmasulo, ɔluakɛ ɛ nyunlu ɛnrɛgua aze; mmamaa wɔ ahonle tu, na awie ɛnrɛgua ɛ nyunlu aze, ɔluakɛ ɛ rɛle bavi wɔ mbɛlɛra nu anyiemgba ne, yɛɛ ɛnrɛhakye wɔ kunlanehyilɛ nyanenwunlɛ ne bieko.

Ɛzoanvolɛma Gyima ne 11:26

Mɔɔ ɔnwunle ye la ɔ nee ye rale Anteɔko. Bɛ mu nwiɔ bɛ nee asɔnema ne dɛnlanle ɛvolɛ ko na bɛhilehilele bɛ. Na Anteɔko ɛkɛ yɛɛ bɛlumuale bɛvɛlɛle ɛdoavolɛma ne Keleseɛnema a.

Ɛzoanvolɛma Gyima ne 26:28

Agelepa bizale Pɔɔlo kɛ, “Ɛnee ɛdwenle kɛ mekɛ ekyi ɛhye ala anu ɛmaa meayɛ Keleseɛnenli ɔ?”

Ɛzoanvolɛma Gyima ne 28:22

Na yɛkulo kɛ yɛtie wɔ adwenle. Mɔɔ yɛze ye ɛke la a le kɛ, zɛhae fane ye mɔɔ ɛwɔ nu la, awie biala tendɛ tia ye.”

Ɛzoanvolɛma Gyima ne 5:41

Ɛzoanvolɛma ne vale fɛlɛkolilɛ vile ayia sua ne anu hɔle, kɛ bɛdabɛ bɔbɔ Nyamenle ɛbu bɛ bie, na ɔlua Gyisɛse duma ne ati bɛnwu amaneɛ a.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:20

Mɔɔ hyia me ɛsesebɛ na me nye la la a le kɛ menrɛze me gyima ne anwo nyiane ɛlɛ, na wɔ ewule nu o, ngoane nu o, menwɔnyia akɛnrasesebɛ menwɔva me nwo amuala menwɔli gyima menwɔwula Kelaese anyunlunyia.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:29

Nyamenle a ɛmaa adenle kɛ bɛlie Kelaese bɛli na bɛnwu amaneɛ wɔ ɔ ti a.

2 Tem 1:12

Zɔhane ati yɛɛ menwu amaneɛ ɛhye mɔ a. Noko ɔnyɛ me nyiane, ɔluakɛ meze mɔɔ meva me rɛle mewula ye nu la, na medie medi kɛ ɔkɛhola ɔkɛzie mɔɔ meva mewula ɔ sa nu la gyɛlɛɛnye ɔkɛhɔkpula Awulae Kenle ne.

Gyemise Kɛlata ne 2:7

Asoo tɛ sukoavolɛma a ka duma kpalɛ ne mɔɔ bɛfa bɛfɛlɛ bɛ la anwo edwɛkɛ ɛtane ɛtane la?

1 Pit 2:12

Ɔwɔ kɛ bɛmaa bɛ nyɛleɛ wɔ maanlema avinli yɛ kɛnlɛma, amaa saa bɛsi bɛ amgbu kɛ bɛnle kpalɛ bɔbɔ a, ɛnee kɛmɔ bɛnwu bɛ nyɛleɛ kpalɛ ne la ati bɛaye Nyamenle ayɛlɛ wɔ Kenle ne mɔɔ Awulae bara la.

1 Pit 4:11

Sonla ne mɔɔ ka Nyamenle edwɛkɛ la ɛnlea ɛha Nyamenle edwɛkɛ ne; mɔɔ sonle noko la ɛva ye anwosesebɛ mɔɔ Nyamenle ɛva ɛmaa ye la amuala ɛzonle, amaa debie biala mɔɔ bɛyɛ la anu menli ava ayɛlɛyelɛ alua Gyisɛse Kelaese anwo zo amaa Nyamenle. Yemɔ yɛɛ anyunlunyia nee tumi le ye ɛdeɛ dahuu a. Amen.

1 Pit 4:14

Saa Kelaese duma nu ti bɛkile bɛ nyane a, nyilalɛ ɛha bɛ, ɔluakɛ ɛhye kile kɛ anyunlunyia sunsum ne mɔɔ le Nyamenle Sunsum ne wɔ bɛ nwo zo.

1 Pit 4:19

Zɔhane ati ɔwɔ kɛ bɛdabɛ mɔɔ Nyamenle ɛhulolɛ ti bɛnwu amaneɛ la bɔ ɛbɛla kpalɛ na bɛfa bɛ nwo bɛto bɛ Bɔvolɛ ne anwo zo, ɔluakɛ ɔdi ye ɛwɔkɛ zo dahuu.