1 Pit 4:14 - BAEBOLO ANZƐƐ BULUKU NWUANZANWUANZA

¹⁴ Saa Kelaese duma nu ti bɛkile bɛ nyane a, nyilalɛ ɛha bɛ, ɔluakɛ ɛhye kile kɛ anyunlunyia sunsum ne mɔɔ le Nyamenle Sunsum ne wɔ bɛ nwo zo.

1 Pit 4:14 ပူးပေါင်းရင်းမြစ်များ

1 Arl 10:8

Wɔ mraalɛ anwo ɛyɛ moavolɛ, wɔ sonvolɛma ati ɛyɛ boɛ kɛ dahuu bɛtie wɔ, bɛsonle wɔ na bɛte wɔ nrɛlɛbɛ edwɛkɛ ne mɔ a.

2 Arl 2:15

Nyamenle kpɔmanvolɛma asa azo mɔɔ vi Gyɛleko la nwunle ye na bɛhanle kɛ “Yilaegya sunsum ne ɛdwu Yilaehya anwo zo.” Na bɛrayiale ye na bɛbɔle bɛ ti aze bɛmanle ye.

Edwɛndolɛ Buluku ne 146:5

Nyilalɛ ɛha sonla ne mɔɔ ye boavolɛ a le Gyekɔbo Nyamenle ne, na ye anyelazo wɔ Ɛdɛnkɛma ye Nyamenle ne nu la,

Edwɛndolɛ Buluku ne 49:9

amaa yeadɛnla ngoane nu dahuu, na yeanwu ɛlɛ a.

Edwɛndolɛ Buluku ne 89:51

O Ɛdɛnkɛma, yemɔ ala ati, wɔ kpɔvolɛma sele, bɛgolo wɔ belemgbunli ne mɔɔ wɔkpa nu wɔye ye la anwo wɔ ɔ gyakɛ biala mɔɔ ɔtu la anwo.

Ayezaya Buluku ne 11:2

Ɛdɛnkɛma Sunsum ne bara ɔ nwo zo, ɔbanwu nrɛlɛbɛ, yeanyia ndelebɛbo, ɔbanyia anwosesebɛ, yeayɛ folɛtuvolɛ, ɔbanyia adwenle na yeazulo Ɛdɛnkɛma.

Ayezaya Buluku ne 25:8

Ɔbame ewule bɔkɔɔ, na Awulae Nyamenle ne bakyikyi awie biala anye anwo monle, na yeakpa bɛ nwo nyiane kɔsɔɔti yeavi azɛlɛ ye azo. Ɛdɛnkɛma ɔdaye a ɔse a.

Ayezaya Buluku ne 51:7

“Bɛmɛ tenlenema, bɛdie me, bɛmɛ mɔɔ bɛdi me mɛla zo, bɛmmasulo menli ngehanleɛ, yɛɛ bɛmmamaa bɛ ahonle tu bɛ ɛnwunlonwunlanlɛ nwo.

Edwɛkpa ne kɛmɔ Mateyu hɛlɛle la 5:11

“Nyilalɛ ɛha bɛ kɛ bɛle me ɛdoavolɛma la ati bɛbɔ bɛ aholoba, bɛyɛ bɛ kpɔdekpɔde na bɛsoa ɛzonle ngakyile muala bɛgua bɛ nwo zo la.

Edwɛkpa ne kɛmɔ Mateyu hɛlɛle la 5:16

Zɔhane ala yɛɛ bɛmaa bɛ ɛbɛla kpalɛ ne ɛyɛ kɛ kɛnlaneɛ na ɔda wɔ menli nu a, amaa bɛanwu bɛ gyima kpalɛ ne mɔɔ bɛyɛ la na bɛaye bɛ Ze mɔɔ wɔ anwuma la ayɛlɛ.

Edwɛkpa ne kɛmɔ Luku hɛlɛle la 6:22

“Nyilalɛ ɛha bɛ, wɔ mekɛ mɔɔ menli kɛkpo bɛ, kɛyɛ bɛ aholoba, na bɛkɛze bɛ kɛ bɛle musuofoɔ, wɔ mame Sonla Ra me ti la!

Dw 15:21

Bɛbayɛ bɛ ɛhye mɔ amuala ɔboalekɛ bɛmɛ, bɛle me ɛdeɛ, na ɛtane ewiade ɛnze mɔɔ zoanle me la.

Dw 8:48

Dwuuma ne zele Gyisɛse kɛ, “Saa yɛka kɛ ɛle Samɛleanli na ɛlɛ ayɛne a ɛnee yɛbɔ adalɛ ɔ?”

Dw 9:28

Bɛbɔle nrenya ne aholoba kɛ, “Wɔmɔ a ɛle ye ɛdoavolɛ a, na yɛmɛ yɛle Mosisi ɛdoavolɛma.

Dw 9:34

Bɛbuale ye kɛ, “Ɛdawɔ mɔɔ bɛwole wɔ na bɛtetele wɔ wɔ ɛtane nu la, ɛkulo kɛ ɛkilehile yɛmɛ ɔ?” Na bɛvoanle ye bɛvile nyianu sua ne anu.

Ɛzoanvolɛma Gyima ne 13:45

Mɔɔ Dwuuma ne nwunle menli dɔɔnwo ne la, anyebolo dɔle bɛ nwo; bɛdendɛle bɛtiale mɔɔ Pɔɔlo ɛlɛka la, na bɛbɔle bɛ aholoba.

Ɛzoanvolɛma Gyima ne 18:6

Nzinlii mɔɔ bɛtiale mɔɔ ɔlɛka la, bɛhehanle ɛtane dɔɔnwo bɛhilele ye. Ɛhye ati Pɔɔlo kpokpole ye tɛladeɛ ne anu munlutu guale na ɔzele bɛ kɛ, “Saa bɛminli a, nwolɛ ɛzonle ɛnzo me. Bɛdabɛ bɛ ɛminlinlɛ nwo ɛzonle zo bɛ! Ɔvi ɛnɛ mɔɔ kɔ la mebahɔ bɛdabɛ mɔɔ bɛnle Dwuuma la anu meahɔha Edwɛkpa ne.”

Ɛzoanvolɛma Gyima ne 28:22

Na yɛkulo kɛ yɛtie wɔ adwenle. Mɔɔ yɛze ye ɛke la a le kɛ, zɛhae fane ye mɔɔ ɛwɔ nu la, awie biala tendɛ tia ye.”

Ɛzoanvolɛma Gyima ne 5:41

Ɛzoanvolɛma ne vale fɛlɛkolilɛ vile ayia sua ne anu hɔle, kɛ bɛdabɛ bɔbɔ Nyamenle ɛbu bɛ bie, na ɔlua Gyisɛse duma ne ati bɛnwu amaneɛ a.

2 Kɔl 12:10

Kelaese ati, me kunlu dwo me nwo wɔ me bɛtɛɛyɛlɛ, aholoba ɛbɔlɛ, ngyegyelɛ, kpɔdekpɔdeyɛlɛ, yɛɛ munzule nu, ɔluakɛ mɔɔ menwɔyɛ bɛtɛɛ la ɛnee me nwo ɛyɛ se kpalɛ.

2 Kɔl 4:10

Dahuu yɛte Gyisɛse ewule ne nyane wɔ yɛ sonlabaka ye anu, amaa menli anwu ye ngoane ne noko wɔ yɛ sonlabaka ye anu.

2 Kɔl 4:16

Ɔlua ɛhye ati yɛmkpo aze. Saa yɛ nwonane ɛlɛwie bɔbɔ a, Nyamenle kakyi yɛ sunsum nu nwonane ne alehyenlɛ biala.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:24

Na ɔlua me ti bɛyele Nyamenle ayɛlɛ.

Kɛlata mɔɔ bɛhɛlɛle bɛhɔmanle Hibuluma la 11:26

Ɔdwenlenle nwo kɛ saa sonla doa Kelaese ne abo zo na ɔnwu amaneɛ a, ɔle kpalɛ ɔtɛla kɛ ɔkɛnyia Yigyibiti anwonyia kɔsɔɔti a, ɔluakɛ ɛnee ɔ nye la ahyɛlɛdeɛ mɔɔ kenle bie Nyamenle bava amaa ye la azo.

Gyemise Kɛlata ne 1:12

Nyilalɛ ɛha sonla ne mɔɔ kɛgyinla kpundii wɔ sɔnea nu la, ɔboalekɛ saa ɔko ɔtɔ zolɛ a ye ahatualɛ a le ngoane ne mɔɔ Nyamenle ɛva ɛbɔ menli mɔɔ kulo ye la ɛwɔkɛ la.

Gyemise Kɛlata ne 5:11

Bɛdabɛ mɔɔ bɛgyinlanle kpundii, bɛvale abotane bɛzɔle nyane bɛhɔle awieleɛ la yɛɛ yɛka kɛ Nyamenle ɛyila bɛ a. Se bɛde Dwobu ɔdaye ye abotane ɛdeɛ ne mɔɔ ɔnyianle ɔvale ɔgyinlanle kpundii ɔzɔle ye nyane ne la anwo bie, yɛɛ eza bɛze kɛ awieleɛ ne Nyamenle zile lole ye la. Nyamenle se anwunvɔne yɛɛ ɔ kunlu yelɛyela ye.

1 Pit 2:12

Ɔwɔ kɛ bɛmaa bɛ nyɛleɛ wɔ maanlema avinli yɛ kɛnlɛma, amaa saa bɛsi bɛ amgbu kɛ bɛnle kpalɛ bɔbɔ a, ɛnee kɛmɔ bɛnwu bɛ nyɛleɛ kpalɛ ne la ati bɛaye Nyamenle ayɛlɛ wɔ Kenle ne mɔɔ Awulae bara la.

1 Pit 3:14

Na saa bɛnwu amaneɛ wɔ bɛ pɛlepɛlelilɛ ti bɔbɔ a, bɛbanyia nyilalɛ. Bɛmmasulo awie biala, yɛɛ bɛmmamaa bɛ ahonle tu.

1 Pit 3:16

noko anrɛɛ bɛva bɛtɛɛyɛlɛ amaa saa awie mɔ keha bɛ nwo edwɛkɛ ɛtane ɛtane a, bɛ subane kpalɛ ne, kɛmɔ bɛle Kelaese ɛdoavolɛma na bɛdi boɛ la agua menli zɔhane mɔ anyunlu aze.

1 Pit 4:16

Na saa awie le Kelaese ɛdoavolɛ la ati ɔnwu amaneɛ a, ɔmmamaa ɔyɛ ye nyiane, na ɔyɛ Nyamenle mo kɛ ɔlɛ Kelaese duma ne anu a.

2 Pit 2:2

Menli dɔɔnwo badoa bɛ alua bɛ ɛbɛla mgbane mgbane adenle ɛhye anu, na ɔlua bɛ nyɛleɛ ti menli adendɛ ɛtane atia nɔhalɛ Adenle ne.