1 Pit 4:12 - BAEBOLO ANZƐƐ BULUKU NWUANZANWUANZA

¹² Ayi mɔ, bɛmmamaa amaneɛnwunlɛ kpole mɔɔ bara bɛ nwo zo arazɔ bɛ anlea la yɛ bɛ azibɛnwo kɛ asɛɛ debie ɛzulolɛ bie ɛrado bɛ.

1 Pit 4:12 ပူးပေါင်းရင်းမြစ်များ

Nolo 5:8

Saa ɛnwu kɛ maanzinli bie anu bɛlɛsisi ehyianvolɛma, bɛnli pɛlepɛle bɛmmaa bɛ, yɛɛ bɛmmaa bɛ nwo ɛndɔ bɛ a, mmamaa ɔyɛ wɔ azibɛnwo, ɔluakɛ kpanyinli biala lɛ kpanyinli mɔɔ sie ɔdaye, yɛɛ bɛ mu nwiɔ bɛlɛ mgbanyinli mɔɔ sie bɛ a.

Ayezaya Buluku ne 28:21

Ɔluakɛ Ɛdɛnkɛma bamaa ɔ nwo zo, kɛmɔ ɔyɛle wɔ Pɛleezem Boka, yɛɛ ye ɛya ne bayɛ kɛ mɔɔ ɔvale wɔ Gebɛyɔn Bɔnza la. Saa ye nyɛleɛ yɛ ɛzulolɛ bɔbɔ a, ɔbayɛ, yɛɛ saa ye gyimayɛlɛ yɛ nwanwane bɔbɔ a, ɔbali gyima ne yeawie.

Daneɛle Buluku ne 11:35

Bɛdabɛ mɔɔ bɛze nrɛlɛbɛ la bie mɔ badu koti, amaa bɛahakyi bɛ subane nee bɛ nyɛleɛ na bɛ nwo ade saanwu ahɔkpula kɛ mekɛ ne kɛdwu la, ɔluakɛ mekɛ ne mɔɔ Nyamenle ɛhyehyɛ ɛdo ɛkɛ ne la ɛtɛdwule.

1 Kɔl 10:13

Sɔnea biala mɔɔ ɛdo bɛ la le kɛ mɔɔ to awie biala la. Nyamenle le nɔhalɛ, bɛkola bɛfa bɛ rɛle bɛwula ye nu kɛ ɔnrɛmaa sɔnea mɔɔ bɛnrɛhola ɔ nloa gyinla la ɛnrɛdo bɛ ɛlɛ. Bɛ sɔnea mekɛ nu bɔbɔ, ɔbamaa bɛ anwosesebɛ yeamaa bɛagyinla ɔ nloa, na yeahile bɛ adenle yeamaa bɛavi nu.

1 Kɔl 3:13

Na kɛ awie biala gyima si de la bala ali wienyi wɔ Kenle ne mɔɔ Kelaese bara la. Kenle zɔhane senle ne bamaa awie biala gyima ala ali; senle ne bazɔ awie biala gyima mɔɔ yeyɛ la anlea na yeaye ye kɛ ɔde la yeahile.

2 Tem 3:12

Nɔhalɛ, awie biala mɔɔ kpondɛ kɛ ɔbɔ ɛbɛla kpalɛ na ɔ nee Kelaese Gyisɛse dua la, bɛbayɛ ye kpɔdekpɔde.

1 Pit 2:11

Ayi mɔ, mesɛlɛ bɛ, bɛle nyɛvolɛ nee adendulɛma wɔ ewiade! Bɛmmadi nwonane atiakunluwɔzo ne mɔ mɔɔ dahuu nee bɛ ɛkɛla ko la anzi fee.

1 Pit 4:4

Kɛkala ɔsi bɛdabɛ mɔɔ bɛnzonle Nyamenle la anwo kɛ saa ɛnɛ bɛbɔ ɛbɛla mgbane mgbane ɛhye mɔ a bɛmɛ Kelaese ɛdoavolɛma ɛmbamboka bɛ nwo a, na ɔlua zo bɛkeha bɛ nwo edwɛkɛ ɛtane ɛtane.

1 Pit 5:9

Bɛzɔ bɛ diedi ne anu kpundii, bɛho bɛtia ye na bɛnwu kɛ bɛ mediema diedima mɔɔ wɔ ewiade ye anu ɛleka biala la ɛlɛnwu zɛhae amaneɛ ne bie.