1 Pit 4:1 - BAEBOLO ANZƐƐ BULUKU NWUANZANWUANZA

¹ Kɛmɔ bɛmɛ bɛ ti Kelaese nwunle amaneɛ wɔ nwonane nu la, ɔwɔ kɛ bɛdabɛ noko bɛnwu ye kɛ bɛbanwu amaneɛ; ɔboalekɛ mɔɔ kɛnwu amaneɛ wɔ nwonane nu la ɛnyɛ ɛtane bieko.

1 Pit 4:1 ပူးပေါင်းရင်းမြစ်များ

Ayezaya Buluku ne 1:16

Bɛbia bɛyɛ bɛ nwo bɔkɔbɔkɔ, bɛye ɛtane biala mɔɔ wɔ bɛ ɛbɛla nu la bɛvi me nye zo. Bɛgyakyi ɛtaneyɛlɛ,

Yizikeɛle Buluku ne 16:41

Bɛbayela bɛ azua ne mɔ na bɛadea bɛ wɔ mraalɛ dɔɔnwo anyunlu. Mebamaa bɛagyakyi bɛ tuutuulilɛ ne, na bɛagyakyi ahyɛlɛ ninyɛne ne mɔ mɔɔ bɛfa bɛbɔ mrenya ɛkpa la.

Edwɛkpa ne kɛmɔ Maake hɛlɛle la 3:3

Gyisɛse zele nrenya ne mɔɔ asa ko ɛdwe la kɛ, “Dwazo bagyinla yɛ nyunlu ɛke.”

Wulo 6:11

Zɔhane ala yɛɛ ɔwɔ kɛ bɛdabɛ noko bɛdwenle bɛmaa bɛ nwo kɛ bɛwu bɛvi ɛtane tumi ne abo, na ɔlua Kelaese Gyisɛse ati bɛde aze bɛmaa Nyamenle.

Wulo 6:2

Kyɛkyɛ! Saa ɛtane maa yɛwu a, ɛnee kɛ yɛsi yɛtɛnla ɛtane nu bieko ɛ?

Wulo 6:7

Ɔluakɛ sonla wu a, ɛnee ɔnle ɛtane tumi bo bieko.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:20

Me nee Kelaese a bɛhunle yɛ wɔ meanubaka ne azo a, yemɔti saa mede ngoane nu a ɛnee tɛ medame ɔ, na Kelaese mɔɔ de me nu la ɔ. Ngoane ɛhye mɔɔ mede nu la, mede ye kɛ medie Nyamenle Ara ne mɔɔ hulole me na ɔdole ye ngoane aze ɔmanle me la medi la ati ɔ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:24

Bɛmɛ mɔɔ bɛle Kelaese Gyisɛse ɛdeɛ la, ɛbɔ bɛ su dɛba ne nee bɛ nwonane ne atiakunluwɔzo mgbane mgbane ne mɔ amuala meanubaka nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:13

Zɔhane ati bɛwula Nyamenle konle tɛladeɛ ne amuala, amaa saa kenle ɛtane ne ba a, bɛahola bɛagyinla kpɔvolɛ ne anyunlu, amaa mɔɔ konle ne kawie la ɛnee bɛgyi bɛ gyakɛ anu kpundii.

Mɛla 27:10

Zɔhane ati ɔwɔ kɛ bɛtie Ɛdɛnkɛma bɛ Nyamenle ne ane na bɛdi ye mɛla nee ye ngyehyɛlɛ ne mɔ mɔɔ melɛfa meamaa bɛ ɛnɛ demua ye la azo.”

Pɔɔlo Kɛlata mɔɔ ɔhɛlɛle ɔhɔmanle Felepaema la 2:5

Bɛmaa zɛhae subane ne mɔɔ ɛnee Kelaese Gyisɛse lɛ la ɛvinde bɛ ɛbɛla nu.

Kɛlata mɔɔ bɛhɛlɛle bɛhɔmanle Hibuluma la 12:3

Bɛdwenle ɛkpɔlɛ mɔɔ Gyisɛse nyianle ye, nee kɛ ɔzile ɔgyinlanle kpundii wɔ ɛkpɔlɛ bebelebe ne anloa, wɔ ɛtanevolɛma asa nu la anwo, na bɛmmamaa bɛ rɛle bɔ anzɛɛ bɛ gyakɛ anzi tuto.

Kɛlata mɔɔ bɛhɛlɛle bɛhɔmanle Hibuluma la 4:10

Ɔluakɛ awie mɔɔ kɛnyia ɛnwomenlelielɛ ne mɔɔ Nyamenle ɛva ɛbɔ ɛwɔkɛ la die ye ɛnwomenle wɔ ɔdaye ye gyima nwo, kɛmɔ Nyamenle liele ye ɛnwomenle wɔ ye gyima nwo la.

1 Pit 2:21

Bɛdabɛ bɛ ti Kelaese mumua ne nwunle amaneɛ vale yɛle ndonwo manle bɛ. Na ɛhye noko ala ati yɛɛ Nyamenle ɛvɛlɛ bɛ a, amaa bɛava ɔ gyakɛ.

1 Pit 3:18

Ɔluakɛ Kelaese mumua ne wule kokye wɔ awie biala ɛtane ti. Ɔle sonlakpalɛ, noko ɔwule ɔmanle ɛtanevolɛma, amaa yealie yɛ yeahɔmaa Nyamenle. Bɛhunle ye wɔ nwonane nu, noko bɛdwazole ye wɔ sunsum nu,