1 Pit 3:9 - BAEBOLO ANZƐƐ BULUKU NWUANZANWUANZA

⁹ Bɛmmafa ɛtane bɛtua ɛtane kakɛ anzɛɛ bɛmmafa butule bɛyia butule. Bɛva nyilalɛ nee kosoɛ ɛyɛlɛ bɛdua ɛtane kakɛ, ɔluakɛ ɛhye ati yɛɛ Nyamenle vɛlɛle bɛ a, amaa bɛanyia nyilalɛ.

1 Pit 3:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 42:25

Dwosefi manle bɛvale abɛlɛ bɛguale bɛ ahodoku ne mɔ anu, eza ɔmanle bɛvale ko biala ezukoa bɛziale bɛwulale ye kodoku ne anu. Eza ɔmanle bɛmanle bɛ aleɛ mɔɔ bɛbali wɔ adenle nu la.

Mrɛlɛbulɛ Buluku ne 17:13

Sonla mɔɔ fa ɛtane tua kpalɛ kakɛ la, munzule ɛnrɛkpa ye awuke nu ɛlɛ.

Mrɛlɛbulɛ Buluku ne 20:22

Mmaka kɛ, “Mebali nzenralɛ;” kendɛ Ɛdɛnkɛma na ɔbaboa wɔ.

Mrɛlɛbulɛ Buluku ne 28:10

Sonla mɔɔ kɛbɛlɛbɛla sonlakpalɛ kɛmaa ɔkɛbɔ ɛbɛla ɛtane la badɔ ɔdaye ye kuma mɔɔ yevu la anu. Sonla mɔɔ ɛnli ɛzonle la banyia agyadeɛ kpalɛ.

Edwɛkpa ne kɛmɔ Mateyu hɛlɛle la 19:29

Awie biala mɔɔ ɛgyakyi ye azua, ɔ mediema mrenya nee mraalɛ, ɔ mra, ɔ ze, ɔ nli anzɛɛ ye egyinli wɔ me ti la, banyia ye mɔnwo mɔnwo na yeanyia ngoane mɔɔ ɛnlɛ awieleɛ.

Edwɛkpa ne kɛmɔ Mateyu hɛlɛle la 25:34

Na akee meaze menli mɔɔ wɔ me sa fema zo la kɛ, ‘Bɛmɛ mɔɔ Egya ɛyila bɛ a, bɛrɛla! Bɛ nee me ɛrali belemgbunli. Egya hyehyɛle manle bɛ kolaa na bɛabɔ ewiade ye.

Edwɛkpa ne kɛmɔ Mateyu hɛlɛle la 5:39

Noko mame, mese: Saa awie yɛ wɔ ɛtane a, mmasenra ye. Saa awie bɔ ɛ nzo fema ne anu a, kakyi bɛne ne ɔdaye maa ye.

Edwɛkpa ne kɛmɔ Mateyu hɛlɛle la 5:44

Noko mame, mese: Bɛhulo bɛ kpɔvolɛma na bɛzɛlɛ bɛmaa bɛdabɛ mɔɔ bɛyɛ bɛ kpɔdekpɔde la,

Edwɛkpa ne kɛmɔ Maake hɛlɛle la 10:17

Gyisɛse zile nu bieko kɛ ɔkɔ la, nrenya bie lɛ ɛnriandilɛ rahotole ɔ nyunlu ɛkɛ ne na ɔzele ye kɛ, “Kilehilevolɛ kpalɛ, duzu a menyɛ na meanyia ngoane mɔɔ ɛnlɛ awieleɛ a?”

Edwɛkpa ne kɛmɔ Luku hɛlɛle la 10:25

Mɛla kilehilevolɛ bie rale kɛ ɔbazɔ Gyisɛse yeanlea, na ɔbizale ye kɛ, “Kilehilevolɛ, duzu a menyɛ na meanyia ngoane mɔɔ ɛnlɛ awieleɛ a?”

Edwɛkpa ne kɛmɔ Luku hɛlɛle la 18:18

Dwuu kpanyinli bie bizale Gyisɛse kɛ, “Kilehilevolɛ kpalɛ, duzu a menyɛ na meanyia ngoane mɔɔ ɛnlɛ awieleɛ a?”

Wulo 12:14

Bɛzɛlɛ Nyamenle nyilalɛ bɛmaa menli mɔɔ yɛ bɛ kpɔdekpɔde la; ɛhɛe, bɛzɛlɛ nyilalɛ bɛmaa bɛ, bɛmmasɛlɛ ndeanlɛ.

Wulo 12:17

Saa awie yɛ bɛ ɛtane a, bɛmmadi ye nzenralɛ. Bɛbɔ mɔdenle bɛyɛ mɔɔ awie biala nea a ɛnee nwolɛ te la.

Wulo 8:28

Yɛze kɛ wɔ debie biala anu, Nyamenle maa debie biala yɛ kpalɛ maa bɛdabɛ mɔɔ bɛkulo ye la, meka bɛdabɛ mɔɔ yevɛlɛ bɛ, kɛmɔ ye ngyehyɛlɛ ne de la.

Wulo 8:30

Yemɔti bɛdabɛ mɔɔ Nyamenle ɛkpa nu ɛye bɛ la yɛɛ ɔfɛlɛ bɛ na ɔdielie bɛ ɔmaa bɛsɔ ɔ nye, na ɔ nee bɛ tɛnla anyunlunyia nu a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:14

Bɛhendanle Kelaese wɔ baka zo wɔ yɛmɛ yɛ ti, amaa ɔlua ɔ nwo zo bɛdabɛ mɔɔ bɛnle Dwuuma la bɛanyia nyilalɛ ne mɔɔ Nyamenle vale bɔle Ebileham ɛwɔkɛ la bie, na kɛmɔ yɛdie Kelaese yɛdi la ati yɛ muala yɛ sa aha ye Sunsum ne mɔɔ ɔvale ɔbɔle yɛ ɛwɔkɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:32

Bɛyɛ atiakunlukɛnlɛma na bɛze anwunvɔne, bɛva bɛ gɔnwo mɔ ɛtane bɛhyɛ bɛ, kɛmɔ Nyamenle ɛlua Kelaese anwo zo ɛva bɛ ɛtane ne mɔ ɛhyɛ bɛ la.

1 Tɛs 5:15

Bɛnlea kɛ awie ɛnrɛva ɛtane ɛnrɛdua ɛtane kakɛ. Dahuu bɛyɛ bɛ adwenle kɛ bɛkɛyɛ kpalɛ bɛkɛmaa bɛ nwo ngoko nee awie mɔ gyɛne.

Kɛlata mɔɔ bɛhɛlɛle bɛhɔmanle Hibuluma la 12:17

Bɛdabɛ bɛze kɛ nzinlii, ɛnee akee ɔkpondɛ ɔ ze nyilalɛ, na ɔzunle ɔhwinle monle, noko ɔ sa anga ye, ɔluakɛ yeannwu adenle mɔɔ ɔfa zolɛ a mɔɔ yeyɛ la ɔkɛhola ɔkɛhakyi ye a.

Kɛlata mɔɔ bɛhɛlɛle bɛhɔmanle Hibuluma la 6:14

Ɔse, “Mebɔ wɔ ɛwɔkɛ kɛ mebayila wɔ na meamaa ɛ bo zo amra ayɛ dɔɔnwo.”

1 Pit 5:10

Na saa bɛte nyane ne ekyii bɛwie a ɛlolɛ kɔsɔɔti Nyamenle ne, mɔɔ ɛvɛlɛ bɛ kɛ bɛ nee Kelaese ɛradɛnla ye anyunlunyia ne mɔɔ wɔ ɛkɛ ne dahuu la anu la, ɔdaye mumua ne ɔbaziezie bɛ yeamaa bɛ anwosesebɛ nee akɛnrasesebɛ, na yeamaa bɛagyinla kpundii.

1 Sam 26:11

Ɛdɛnkɛma ɛkpa ɛgua kɛ menwɔva me sa menwɔha sonla mɔɔ ɔdaye yeye ye yezie ye belemgbunli la. Maa yɛdu ye atwɛ ne mɔɔ gyi ɔ ti sɔlɔ la na yɛva ye nzule dwora ne yɛhɔ.”