1 Pit 3:4 - BAEBOLO ANZƐƐ BULUKU NWUANZANWUANZA

⁴ Bɛmaa bɛ nyamenlezo anwofɛlɛko ne mɔɔ wɔ bɛ nu la ɛvinde. Nyamenlezo anwofɛlɛko ɛhye vea bɛ ahonle ne mɔ anu, na yemɔ a le bɛ bɛtɛɛyɛlɛ nee bɛ koonwuyɛlɛ subane ne. Ɛhye a le kɛnlɛma na ɔsɔ Nyamenle anye a.

1 Pit 3:4 ပူးပေါင်းရင်းမြစ်များ

Edwɛndolɛ Buluku ne 131:2

Na medo me rɛle azule nu, meyɛ koonwu kɛ kakula mɔɔ la ɔ nli akɛnra nu la; me ɛkɛla ɛyɛ koonwu kɛ kakula la.

Edwɛndolɛ Buluku ne 147:6

Ɛdɛnkɛma kpogya mɔɔ le bɛlɛvo la zo, ɔfuandi amumuyɛnli ne ɔto aze.

Edwɛndolɛ Buluku ne 149:4

Ɛdɛnkɛma anye die ye menli ne anwo; ɔmaa mɔɔ le bɛlɛvo la di konim.

Edwɛndolɛ Buluku ne 25:9

Ɔfa mɔɔ le bɛlɛvo la ɔdua adenle kpalɛ nu, na ɔkilehile ye ye adenle ne.

Edwɛndolɛ Buluku ne 45:13

Belemgbunli ara raalɛ ne wɔ ye sua ne akunlu, ɔwula ezukoanzule adɛladeɛ.

Edwɛndolɛ Buluku ne 51:6

Nea, ɛkpondɛ nɔhalɛ mɔɔ wɔ sonla nu la; yemɔti kile me nrɛlɛbɛ.

Ayezaya Buluku ne 11:4

Ɔbabua ehyianvolɛma ndɛne pɛlepɛle nu, na yeabua awienvolɛma ndɛne pɛpɛ; ɔbava ɔ nloa yeayɛ baka yeadea azɛlɛ ye azo ɛtanema, yeava ɔ nloa edwɛkɛ yeahu amumuyɛma.

Ayezaya Buluku ne 29:19

Sonla mɔɔ le bɛlɛvo la banyia anyelielɛ fofolɛ bie wɔ Ɛdɛnkɛma ati, na Yizilayɛ Nwuanzanwuanza Ko ne ati, ehyianvolɛma mɔɔ wɔ menli avinli la ali fɛlɛko.

Ayezaya Buluku ne 57:15

Ɔluakɛ anwuma nee Nwuanzanwuanza Ko ne mɔɔ de ɛkɛ mekɛ mɔɔ ɛnlɛ awieleɛ, mɔɔ ye duma a le Nwuanzanwuanza la se, “Mede anwuma lɔ nee ɛleka nwuanzanwuanza, yɛɛ eza me nee mɔɔ nu ɔ nwo na ɔle bɛlɛvo la tɛnla, kɛ memaa mɔɔ ɛnlu ɔ nwo la anyia anyelazo.

Ayezaya Buluku ne 61:1

Awulae Nyamenle ne Sunsum ne wɔ me nwo zo, Ɔboalekɛ Ɛdɛnkɛma ɛkpa nu ɛye me Kɛ menva amaneɛ fɛlɛko membambɔ menli mɔɔ ɛlɛnwu amaneɛ la; Yezoa me kɛ membankyekye menli mɔɔ arɛle ɛbɔ la arɛle, Membɔ nolo kɛ bɛgyakyi bɛdabɛ mɔɔ bɛhye bɛ nuokɛ la, Na menye menli mɔɔ gua efiade la.

Gyɛlɛmaya Buluku ne 51:59

Belemgbunli Zɛdikaya lile Dwuda ebia ne la, ye ɛvolɛ nna ne anu, Nyamenle Kpɔmanvolɛ Gyɛlɛmaya hanle edwɛkɛ hilele Sɛlaya. Sɛlaya le Zɛdikaya abɔlɔba. Ɔle Masaya anlɔnra yɛɛ ɔ ze a le Nilaya. Ɛnee Sɛlaya nee Belemgbunli Zɛdikaya ɛlɛkɔ Babelonia.

Edwɛkpa ne kɛmɔ Mateyu hɛlɛle la 11:29

Bɛva me gyɛnvayile ne bɛdo bɛ kɔme zo na bɛzukoa mɔɔ meyɛ la, ɔluakɛ mele bɛtɛɛ, yɛɛ memmemaa me nwo zo, na bɛ ɛkɛla ne mɔ anwo kɛdɔ bɛ.

Edwɛkpa ne kɛmɔ Mateyu hɛlɛle la 21:5

“Ka kile suakpole Zayɔn kɛ, Nea, wɔ belemgbunli ne ɛlɛba ɛ nwo. Ɔle bɛlɛvo na ɔde asoaso nee asoaso ralɛ zo.”

Edwɛkpa ne kɛmɔ Mateyu hɛlɛle la 23:26

Falasiima anyenzinliravolɛma! Bɛlumua bɛnrinzi kanrɛlɛ ne anu na nwolɛ noko kɛyɛ bɔkɔbɔkɔ!

Edwɛkpa ne kɛmɔ Mateyu hɛlɛle la 5:5

“Nyilalɛ ɛha bɛdabɛ mɔɔ bɛle bɛlɛvo la; Azɛlɛ ye bayɛ bɛ ɛdeɛ!

Edwɛkpa ne kɛmɔ Luku hɛlɛle la 11:40

Ahɔnwɔne! Asoo tɛ Nyamenle mɔɔ yɛle nwolɛ ne la a yɛle ɔ kunlu ne noko a?

Edwɛkpa ne kɛmɔ Luku hɛlɛle la 16:15

Gyisɛse zele bɛ kɛ, “Bɛmɛ, bɛle menli bie mɔɔ bu bɛ nwo wɔ menli nyunlu kɛ asɛɛ bɛdi pɛlepɛle, noko Nyamenle ze bɛ ahonle ne mɔ anu. Ɔluakɛ mɔɔ menli dwenle a ɔsonle bolɛ wɔ bɛ nye zo la le debie mgbane wɔ Nyamenle anye zo.

Wulo 1:23

kɛ bɛkɛzonle damɛnlangoate Nyamenle ne la, bɛsonle ninyɛne mɔɔ bɛdabɛ bɛnwo, mɔɔ le kɛ sonla, nloma, nane anzɛɛ nwɔlɛ la.

Wulo 2:29

Dwuunli kpalɛ ne a le sonla ne mɔɔ sunsum nu yeyɛ ye ahonle nu mrenyanu nzonlɛ na ɔnyɛ ye nwonane nu debie la. Sonla ɛhye nyia ye nganvolɛ fi Nyamenle ɛkɛ, ɔnnyia ye ɔnvi menli lɔ.

Wulo 6:6

Yɛze kɛ yɛ su dɛba ne bɛhunle ye bɛbokale Kelaese anwo wɔ meanubaka ne azo, amaa bɛazɛkye yɛ su ɛtane ne tumi ne na yɛanyɛ ɛtane ngɛkɛlɛ bieko.

Wulo 7:22

Wɔ me nuhua a ɛnee me nye die Nyamenle mɛla ne anwo kpalɛ.

2 Kɔl 10:1

Medame Pɔɔlo, mesɛlɛ bɛ, bɛse mewɔ bɛ nwo lɔ a menle awie, na saa menle bɛ nwo lɔ a, ɛnee me nloa yɛ se wɔ bɛ nwo. Kelaese ati, melɛ bɛtɛɛyɛlɛ nee atiakunlukɛnlɛma mebodo bɛ,

2 Kɔl 4:16

Ɔlua ɛhye ati yɛmkpo aze. Saa yɛ nwonane ɛlɛwie bɔbɔ a, Nyamenle kakyi yɛ sunsum nu nwonane ne alehyenlɛ biala.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:23

mɛlɛbɛnwoaze, yɛɛ bɛ nwo zo ɛhomolɛ. Ɛhye mɔ, mɛla biala ɛnle ɛkɛ mɔɔ tia bɛ a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:2

Dahuu bɛbɛlɛ bɛ nwo aze, bɛyɛ bɛtɛɛ na bɛnyia abotane. Bɛde bɛmaa bɛ gɔnwo mɔ ngoko ngoko wɔ ɛhulolɛ nu.

Kɔlɔ 3:12

Bɛle Nyamenle menli mɔɔ yehulo bɛ na yekpa nu yeye bɛ kɛ ɔdaye ye ɛdeɛ na bɛ nwo te a. Yemɔti bɛze anwunvɔne, bɛyɛ atiakunlukɛnlɛma, bɛbɛlɛ bɛ nwo aze, bɛyɛ bɛtɛɛ na bɛzi abotane wɔ debie biala anu.

Kɔlɔ 3:3

Ɔluakɛ bɛwu na bɛva bɛ ngoane bɛboka Kelaese ɛdeɛ ne bɛvea Nyamenle anu.

1 Tɛs 4:11

Bɛva bɛzie bɛ nyunlu kɛ bɛkɛbɔ ɛbɛla mɔɔ le bɛtɛɛ a, bɛdwenle bɛ nwo na bɛbɔ ɛbɛla mɔɔ kɛmaa bɛkɛhola bɛ nwo nea a, kɛmɔ yɛhanle yɛhilele bɛ la.

2 Tɛs 3:12

Yɛka yɛahile menli mɔɔ le zɛhae la kɛ yɛlua Awulae Gyisɛse Kelaese duma nu, yɛbɔ bɛ kɔkɔ anzɛɛ yɛkakye bɛ kɛ, bɛbɔ ɛbɛla mɔɔ maa anzonudwolɛ la na bɛyɛ gyima mɔɔ kɛmaa bɛ sa kɛhɔ bɛ nloa dahuu la.

1 Tem 2:2

Yɛ nzɛlɛlɛ ne bie maa arelemgbunli nee menli mɔɔ tumi wɔ bɛ sa nu la amuala, amaa yɛ nwo adɔ yɛ na yɛanyia anzonudwolɛ yɛabɔ yɛ ɛbɛla, na yɛanyia adenle yɛazonle yɛ Nyamenle ne, yɛali ye eni, kɛmɔ ɔfɛta la.

2 Tem 2:25

Ɔwɔ kɛ ɔto ɔ rɛle azule nu ɔkilehile bɛdabɛ mɔɔ bɛ nee ye ɛnga la, ɔluakɛ saa ɔyɛ Nyamenle ɛhulolɛ a ɔbamaa bɛ mekɛ kpalɛ yeamaa bɛanlu bɛ nwo na bɛaranwu nɔhalɛ ne.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:2

Ka kile bɛ kɛ bɛmmaka awie anwo edwɛkɛ ɛtane anzɛɛ bɛmmadi butule, na bɛva anzonudwolɛ nee agɔnwolɛyɛlɛ bɛdɛnla na bɛli awie biala eni.

Gyemise Kɛlata ne 1:21

Yemɔti bɛvuandi subane ɛtane nee nyɛleɛ ɛtane kɔsɔɔti bɛgua na bɛdo bɛ nwo aze bɛmaa Nyamenle, bɛlie edwɛkɛ ne mɔɔ yelua ye wɔ bɛ ahonle nu la bɛdo nu, na yemɔ yɛɛ ɔkola ɔdie bɛ ngoane a.

1 Pit 1:23

Ɔluakɛ bɛlua tease Ɛdɛnkɛma Nyamenle ne edwɛkɛ zo bɛwo bɛ fofolɛ kɛ bɛle mralɛ mɔɔ ɛnwu ɛlɛ la na bɛnle menli mɔɔ wu la amra.

1 Pit 3:15

Bɛzulo Kelaese wɔ bɛ ahonle nu kɛ ɔle bɛ Awulae. Dahuu bɛziezie bɛ nwo, amaa saa awie biza bɛ bɛ anyelazo ne mɔɔ bɛlɛ ye la anwo edwɛkɛ a bɛahola bɛaye ɔ nloa,

1 Sam 16:7

Na Ɛdɛnkɛma zele ye kɛ, “Mmanea ɔ nyunlu anzɛɛ ye anyinlima ne anwo, ɔboalekɛ tɛ yemɔ yɛɛ meye ye a, ɔluakɛ mennea sonla kɛmɔ dasanli si nea ye la. Dasanli nea sonla ɛnyelɛ zo ala, na mame, menea sonla ahonle nu.”