1 Pit 3:22 - BAEBOLO ANZƐƐ BULUKU NWUANZANWUANZA

²² Yemɔ yɛɛ yehɔ anwuma na ɔde Nyamenle asa fema zo na Nyamenle soanvolɛma nee anwuma tumivolɛma nee mgbolema amuala sonle ye a.

1 Pit 3:22 ပူးပေါင်းရင်းမြစ်များ

Edwɛndolɛ Buluku ne 110:1

Ɛdɛnkɛma zele me Awulae kɛ, “Tɛnla me sa fema zo, kɔkpula kɛ menwɔva wɔ kpɔvolɛma amuala menwɔwula ɛ gyakɛ abo.” 1 Kɔl 15.25; Ɛfɛ 1.20-22; Kɔlɔ 3.1

Edwɛkpa ne kɛmɔ Mateyu hɛlɛle la 22:44

‘Awulae zele me Awulae kɛ: Tɛnla me sa fema zo ɛke, kɔkpula kɛ menwɔva wɔ kpɔvolɛma menwɔwula ɛ gyakɛ abo.’

Edwɛkpa ne kɛmɔ Mateyu hɛlɛle la 28:18

Gyisɛse bikyele bɛ na ɔzele bɛ kɛ, “Bɛva tumi muala mɔɔ wɔ anwuma nee aze la bɛmaa me.

Edwɛkpa ne kɛmɔ Maake hɛlɛle la 12:36

Devidi luale Sunsum Nwuanzanwuanza ne azo hanle kɛ, ‘Awulae zele me Awulae kɛ, tɛnla me fema zo ɛke, kɔkpula kɛ menwɔva wɔ agbɔvolɛ menwɔwula ɛ gyakɛ abo.’

Edwɛkpa ne kɛmɔ Maake hɛlɛle la 16:19

Awulae Gyisɛse nee ye ɛdoavolɛma ne dendɛle wiele la, bɛvale ye bɛhɔle anwuma na ɔhɔdɛnlanle Nyamenle asa fema zo.

Edwɛkpa ne kɛmɔ Luku hɛlɛle la 20:42

Ɔluakɛ Devidi mumua ne ka ye wɔ Edwɛndolɛ Buluku ne anu kɛ, ‘Awulae zele me Awulae kɛ, tɛnla me fema zo ɛke,

Dw 13:32

Na saa bɛdua me nwo zo bɛye Nyamenle anyunlunyia ne bɛkile a, Nyamenle ɔdaye ɔbaye medame Sonla Ra ne noko, me anyunlunyia ne yeahile, na ɔbayɛ ɛhye ndɛndɛ ne ala.

Ɛzoanvolɛma Gyima ne 1:11

“Galelima, duzu ati a bɛgyi ɛke na bɛ nye ɛha anwuma ɛ? Gyisɛse ɛhye mɔɔ bɛrava ye wɔ bɛ avinli ɛke bɛhɔ anwuma la bazia alua adenle zɔhane ala azo ara bieko, kɛmɔ bɛnwu ye kɛ ɔlɛkɔ la.”

Ɛzoanvolɛma Gyima ne 3:21

Ɔwɔ kɛ ɔtɛnla anwuma lɔ kɔkpula kɛ bɛkɛyɛ ninyɛne kɔsɔɔti fofolɛ, kɛmɔ Nyamenle ɛlua ye kpɔmanvolɛma nwuanzanwuanza ne mɔ anwo zo ɛha ye dɛba la.

Wulo 8:34

Nwane a kɛhola kɛbua bɛ fɔlɛ a? Asoo Kelaese Gyisɛse, mɔɔ wule, na bɛdwazole ye bɛrale ngoane nu, na ɔde Nyamenle asa fema zo ɛlɛsɛlɛ Nyamenle amaa yɛ la ɔ?

Wulo 8:38

Ɔluakɛ meze ye wienyi kɛ debie biala ɛnrɛhola ɛnrɛkpɔkye yɛ ɛnrɛvi Kelaese ɛhulolɛ ne anwo; ewule o, ngoane o, Nyamenle soanvolɛma o, anzɛɛ awozinli nu tumivolɛma biala, wɔ ɛnɛ edwɛkɛ mɔɔ bazi anzɛɛ kenlebie ɛdeɛ mɔɔ bara la anu,

1 Kɔl 15:24

Akee awieleɛ mekɛ ne bara na Kelaese bali mgbolema, tumivolɛma nee arelemgbunli kɔsɔɔti anwo zo konim, na yeava Belemgbunlililɛ ne yeawula Nyamenle Selɛ ne asa anu.

Kɔlɔ 3:1

Bɛdwazo bɛ nee Kelaese bɛra ngoane nu. Yemɔti bɛmaa bɛ ahonle ɛdoa ninyɛne mɔɔ wɔ anwuma lɔ, ɛleka mɔɔ Kelaese de ye belemgbunli ebia nu wɔ Nyamenle asa fema zo la abo zo.

Kɛlata mɔɔ bɛhɛlɛle bɛhɔmanle Hibuluma la 1:13

Nyamenle anga angile ye soanvolɛma ne mɔ bie kɛ, “Tɛnla me sa fema zo ɛke kɔkpula kɛ menwɔva wɔ agbɔvolɛ menwɔwula ɛ gyakɛ abo.”

Kɛlata mɔɔ bɛhɛlɛle bɛhɔmanle Hibuluma la 1:3

Gyisɛse kile kɛ Nyamenle anyunlunyia ne wienyi kpole si de la. Ɔle Nyamenle ɛsaso bɔkɔɔ, yɛɛ ɔfa ye tumi edwɛkɛ ne a ɔsɔ ewiade a. Ɔliele ɛtanefakyɛ ɔmanle sonla na ɔwiele la, ɔhɔle anwuma ɔhɔdɛnlanle Tumivolɛ Nyamenle Bedevinli ne asa fema zo.

Kɛlata mɔɔ bɛhɛlɛle bɛhɔmanle Hibuluma la 1:6

Noko mɔɔ Nyamenle bazoa ye belamunli Ralɛ ne wɔ ewiade la, ɔhanle kɛ, “Ɔwɔ kɛ Nyamenle soanvolɛma amuala sonle ye.”

Kɛlata mɔɔ bɛhɛlɛle bɛhɔmanle Hibuluma la 10:12

Kelaese bɔle ɛtanefakyɛ nwo azu kpalɛ ne mɔɔ yɛ nla la kokye, na ɔhɔdɛnlanle Nyamenle asa fema zo.

Kɛlata mɔɔ bɛhɛlɛle bɛhɔmanle Hibuluma la 12:2

Bɛmaa yɛnlea Gyisɛse angome ala, yemɔ yɛɛ ɔli yɛ nyunlu wɔ diedi nu na ɔmaa yɛ diedi di munli a. Ɔlua anyelielɛ mɔɔ ɛnee la ɔ nyunlu la ati, yeandwenle anyiemgba ewule ne mɔɔ ɔbawu meanubaka ne azo la anwo, na kɛkala ɔde Nyamenle belemgbunli ebia ne fema zo.

Kɛlata mɔɔ bɛhɛlɛle bɛhɔmanle Hibuluma la 4:14

Yemɔti, bɛmaa yɛzɔ diedi ne mɔɔ yɛnyia ye la anu ɛsesebɛ. Ɔluakɛ yɛlɛ Sɛlɛvolɛ Kpanyinli Kpole Kpalɛ mɔɔ ɛhɔ toonwo ɛhɔdwu Nyamenle anyunlu a; yemɔ a le Gyisɛse, mɔɔ le Nyamenle Ara ne.

Kɛlata mɔɔ bɛhɛlɛle bɛhɔmanle Hibuluma la 6:20

Ɛleka ɛhye yɛɛ Gyisɛse, ɔlua yɛdayɛ yɛ ti, yelumua lɔ, yehɔyɛ Sɛlɛvolɛ Kpanyinli, kɛmɔ Mɛlekezidɛke la a.

Kɛlata mɔɔ bɛhɛlɛle bɛhɔmanle Hibuluma la 8:1

Mɔɔ yɛlɛka la amuala, saa yɛbɔ ye kpɔkɛ ko a, yemɔ a le ɛhye: yɛlɛ Sɛlɛvolɛ Kpanyinli zɛhae, mɔɔ de Nyamenle Bedevinli ne Belemgbunli Ebia ne fema zo wɔ anwuma.

Kɛlata mɔɔ bɛhɛlɛle bɛhɔmanle Hibuluma la 9:24

Ɔluakɛ Kelaese angɔ Ɛzonlenlɛ Sua mɔɔ menli a ɛzi na ɔle anwuma lɔ ɛdeɛ ne sɔhovolɛ la anu. Yehɔ anwuma lɔ, na ɛkɛ ne yɛɛ ɔfinde Nyamenle anyunlu dahuu ɔkpa yɛ ti kyɛlɛ a.