1 Pit 3:17 - BAEBOLO ANZƐƐ BULUKU NWUANZANWUANZA

¹⁷ Ɔluakɛ saa mɔɔ Nyamenle kpondɛ la a le kɛ yɛkɛli boɛ na yɛkɛnwu amaneɛ a, ɛnee ye zɔhane le kpalɛ, tɛla kɛ yɛkɛli ɛtane a.

1 Pit 3:17 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 26:39

Akee ɔhɔle ɔ nyunlu ekyii la ɔbutule mutule nu na ɔzele kɛ, “Egya, saa ɛyɛ na ɔkɛyɛ boɛ a, ye amaneɛnwunlɛ dwora ye fi me nloa! Noko tɛ kɛ mɔɔ mame mekulo la ɔ, na maa ɔyɛ kɛ mɔɔ wɔ ɛhulolɛ ne de la.”

Edwɛkpa ne kɛmɔ Mateyu hɛlɛle la 26:42

Gyisɛse ziale hɔle na ɔhɔzɛlɛle bieko kɛ, “Egya, saa bɛye amaneɛnwunlɛ dwora ɛhye me nloa a ɔnyɛ boɛ na ɔwɔ kɛ meno nu a, ɛnee wɔ ɛhulolɛdeɛ ɛyɛ ɛkɛ.”

Ɛzoanvolɛma Gyima ne 18:21

Ɔzele bɛ kɛ, “Saa ɔyɛ Nyamenle ɛhulolɛ a mebazia meara.” Na ɔvi Ɛfɛsɛse ɔvale ɛlɛne ɔhɔle.

Ɛzoanvolɛma Gyima ne 21:14

Yɛyɛle biala, na yeamkponle, yemɔti yɛgyakyile ye na yɛzele kɛ, “Awulae ɛhulolɛdeɛ ɛyɛ ɛkɛ.”

1 Pit 1:6

Ɛhye ati saa yera kɛ ɔwɔ kɛ bɛdi nyane wɔ mekɛ ekyi ye anu wɔ sɔnea nee amaneɛnwunlɛ ngakyile nu a, ɔwɔ kɛ bɛdi fɛlɛko wɔ ɛhye anwo.

1 Pit 2:15

Ɔluakɛ Nyamenle ɛhulolɛ a le kɛ bɛkɛva bɛ nyɛleɛ kpalɛ ne mɔ bɛkɛmaa ahɔnwɔne kɛgyakyi mgbane mgbane ɛhehanlɛ.

1 Pit 2:20

Ɔluakɛ duzu nvasoɛ yɛɛ bɛkɛnyia ye kɛ bɛkɛyɛ ɛtane na bɛkɛnyia nwolɛ ndeanlɛ a? Na saa bɛdi boɛ la ati bɛnwu nwolɛ amaneɛ na bɛsi nwolɛ abotane a, Nyamenle bayila bɛ.

1 Pit 3:14

Na saa bɛnwu amaneɛ wɔ bɛ pɛlepɛlelilɛ ti bɔbɔ a, bɛbanyia nyilalɛ. Bɛmmasulo awie biala, yɛɛ bɛmmamaa bɛ ahonle tu.

1 Pit 4:15

Noko akee bɛmmamaa bɛ biala nwu amaneɛ kɛ ɔle kɔdiawu, awule anzɛɛ yedo mɛla anzɛɛ yeva ɔ nloa yedo awie edwɛkɛ nu.

1 Pit 4:19

Zɔhane ati ɔwɔ kɛ bɛdabɛ mɔɔ Nyamenle ɛhulolɛ ti bɛnwu amaneɛ la bɔ ɛbɛla kpalɛ na bɛfa bɛ nwo bɛto bɛ Bɔvolɛ ne anwo zo, ɔluakɛ ɔdi ye ɛwɔkɛ zo dahuu.