1 Pit 3:14 - BAEBOLO ANZƐƐ BULUKU NWUANZANWUANZA

¹⁴ Na saa bɛnwu amaneɛ wɔ bɛ pɛlepɛlelilɛ ti bɔbɔ a, bɛbanyia nyilalɛ. Bɛmmasulo awie biala, yɛɛ bɛmmamaa bɛ ahonle tu.

1 Pit 3:14 ပူးပေါင်းရင်းမြစ်များ

Mrɛlɛbulɛ Buluku ne 3:25

Anyezota ba arɛlevilɛ nu a, mmasulo, yɛɛ saa amumuyɛma ɛzɛkyelɛ mekɛ ne dwu a, mmasulo,

Ayezaya Buluku ne 51:12

Ɛdɛnkɛma se, “Medame a mele Nyamenle mɔɔ kyekye bɛ rɛle a. Duzu ati a bɛsulo sonla mɔɔ ɛngyɛ na yeawu, mɔɔ ye ngoane le kɛ ndile la ɛ?

Gyɛlɛmaya Buluku ne 1:8

Mmasulo bɛ, ɔluakɛ me nee wɔ lua; mebalie wɔ. Medame Ɛdɛnkɛma a mese a.”

Gyɛlɛmaya Buluku ne 15:15

Menganle kɛ, “O Ɛdɛnkɛma, wɔmɔ, ɛze ninyɛne kɔsɔɔti. Kakye me na boa me. Die me ti na di menli mɔɔ yɛ me kpɔdekpɔde la nzenralɛ. Mmasi bɛ nwo abotane toonwo ɛmaa bɛku me; nwu ye kɛ ɔlua wɔmɔ ɛ ti yɛɛ bɛlɛbɔ me aholoba a.

Yizikeɛle Buluku ne 3:9

Memaa ɛ ti ayɛ se kpole kpalɛ adɛla ɛtwɛlɛboɔ. Yemɔti mmasulo bɛ, yɛɛ mmamaa bɛ anyehoanlɛ ne mɔ tu ɛ kunlu, ɔluakɛ bɛle menli mɔɔ ɛde atua a.”

Edwɛkpa ne kɛmɔ Mateyu hɛlɛle la 10:28

Bɛmmasulo bɛdabɛ mɔɔ bɛkola bɛku nwonane ne na bɛngola ɛkɛla ne ku la; bɛzulo Nyamenle mɔɔ kola nwonane ne nee ɛkɛla ne amuala ku, na ɔsɛkye bɛ wɔ ɛbolɔ senle nu la.

Edwɛkpa ne kɛmɔ Mateyu hɛlɛle la 10:31

Zɔhane ati bɛmmasulo, ɔluakɛ bɛsonle bolɛ kpole bɛtɛla nyamenleakatiba dɔɔnwo.

Edwɛkpa ne kɛmɔ Mateyu hɛlɛle la 10:39

Mɔɔ kɛpele ye ngoane nwo la kɛminli ye; na mɔɔ kɛminli ye ngoane wɔ me ti la kɛnyia ngoane mɔɔ ɛnlɛ awieleɛ.

Edwɛkpa ne kɛmɔ Mateyu hɛlɛle la 16:25

Ɔluakɛ awie biala mɔɔ kɛpele ye ngoane nwo la kɛminli ye, na mɔɔ kɛminli ye ngoane wɔ me ti la kɛlie ye ɛkɛla ngoane.

Edwɛkpa ne kɛmɔ Mateyu hɛlɛle la 19:29

Awie biala mɔɔ ɛgyakyi ye azua, ɔ mediema mrenya nee mraalɛ, ɔ mra, ɔ ze, ɔ nli anzɛɛ ye egyinli wɔ me ti la, banyia ye mɔnwo mɔnwo na yeanyia ngoane mɔɔ ɛnlɛ awieleɛ.

Edwɛkpa ne kɛmɔ Maake hɛlɛle la 10:29

Gyisɛse zele bɛ kɛ, “Ɔle zɔhane, noko bɛdie! Awie biala mɔɔ me ti, nee Edwɛkpa ne ati yegyakyi sua, mediema mrenya anzɛɛ mediema mraalɛ, ninli anzɛɛ selɛ, mralɛ anzɛɛ azɛlɛ la

Edwɛkpa ne kɛmɔ Maake hɛlɛle la 8:35

Awie biala mɔɔ pele ye ngoane nwo la minli ye; na awie biala mɔɔ kɛminli ye ngoane wɔ mame nee Edwɛkpa ne ati la kɛlie ye ɛkɛla ngoane.

Dw 14:1

Gyisɛse zele bɛ kɛ, “Bɛmmamaa bɛ rɛle bɔ na bɛdi nyane. Bɛlie Nyamenle bɛli na bɛlie medame noko bɛli.

Dw 14:27

“Anzonudwolɛ a mefa megyakyi bɛ a; medame me anzonudwolɛ a mefa megyakyi bɛ a. Menva memmaa bɛ kɛmɔ ewiade fa maa la. Bɛmmamaa bɛ rɛle bɔ na bɛdi nyane; bɛmmasulo noko.

Ɛzoanvolɛma Gyima ne 9:16

Na medame mebahile ye amaneɛ mɔɔ ɔbanwu ye wɔ me duma nu la.”

2 Kɔl 12:10

Kelaese ati, me kunlu dwo me nwo wɔ me bɛtɛɛyɛlɛ, aholoba ɛbɔlɛ, ngyegyelɛ, kpɔdekpɔdeyɛlɛ, yɛɛ munzule nu, ɔluakɛ mɔɔ menwɔyɛ bɛtɛɛ la ɛnee me nwo ɛyɛ se kpalɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:29

Nyamenle a ɛmaa adenle kɛ bɛlie Kelaese bɛli na bɛnwu amaneɛ wɔ ɔ ti a.

Gyemise Kɛlata ne 1:12

Nyilalɛ ɛha sonla ne mɔɔ kɛgyinla kpundii wɔ sɔnea nu la, ɔboalekɛ saa ɔko ɔtɔ zolɛ a ye ahatualɛ a le ngoane ne mɔɔ Nyamenle ɛva ɛbɔ menli mɔɔ kulo ye la ɛwɔkɛ la.

Gyemise Kɛlata ne 5:11

Bɛdabɛ mɔɔ bɛgyinlanle kpundii, bɛvale abotane bɛzɔle nyane bɛhɔle awieleɛ la yɛɛ yɛka kɛ Nyamenle ɛyila bɛ a. Se bɛde Dwobu ɔdaye ye abotane ɛdeɛ ne mɔɔ ɔnyianle ɔvale ɔgyinlanle kpundii ɔzɔle ye nyane ne la anwo bie, yɛɛ eza bɛze kɛ awieleɛ ne Nyamenle zile lole ye la. Nyamenle se anwunvɔne yɛɛ ɔ kunlu yelɛyela ye.

1 Pit 3:6

Ɛnee kɛ Sɛla de la ɛne; ɔyɛle tieyɛ ɔmanle ɔ hu Ebileham na ɔvɛlɛle ye ɔ menle. Kɛkala, saa bɛbɔ ɛbɛla kpalɛ na bɛammaa debie biala anwunlonwunla bɛ a, bɛle ɔ mra mraalɛ.