1 Pit 3:13 - BAEBOLO ANZƐƐ BULUKU NWUANZANWUANZA

¹³ Saa bɛpele bɛdi boɛ a, nwane yɛɛ kɛhola kɛyɛ bɛ debie a?

1 Pit 3:13 ပူးပေါင်းရင်းမြစ်များ

Edwɛndolɛ Buluku ne 38:20

Bɛdabɛ mɔɔ bɛfa ɛtane bɛtua me kpalɛyɛlɛ kakɛ la le me kpɔvolɛma, ɔboalekɛ medi kpalɛ nzi.

Mrɛlɛbulɛ Buluku ne 12:21

Munzule ɛndo tenlenenli biala, na amumuyɛnli anwo lɛ edwɛkɛ ngome.

Mrɛlɛbulɛ Buluku ne 15:9

Amumuyɛma adenle ne le kyibadeɛ maa Ɛdɛnkɛma, na ɔkulo mɔɔ di pɛlepɛle nzi la.

Mrɛlɛbulɛ Buluku ne 16:7

Saa sonla ndenle mɔɔ ɔlua nu la sɔ Ɛdɛnkɛma anye a, ɔmaa ye kpɔvolɛma bɔbɔ nee ye yɛ ko.

Gyɛlɛmaya Buluku ne 39:12

“Kpondɛ Gyɛlɛmaya abo zo, nea ye boɛ gyɛlɛɛnye, mmafa ɛ sa ɛka ye, na yɛ debie biala mɔɔ ɔkɛbiza wɔ la maa ye.”

Wulo 13:3

Ɔluakɛ ɔnle kɛ awie biala mɔɔ di boɛ la sulo menli mɔɔ maanlebulɛ ne wɔ bɛ sa nu la kyesɛ menli mɔɔ di ɛtane la ala. Bɛmkpondɛ kɛ bɛsulo sonla mɔɔ tumi wɔ ɔ sa nu la ɔ? Ɛnee bɛbɔ ɛbɛla kpalɛ, na ɔkɛhanvo bɛ.

Wulo 8:28

Yɛze kɛ wɔ debie biala anu, Nyamenle maa debie biala yɛ kpalɛ maa bɛdabɛ mɔɔ bɛkulo ye la, meka bɛdabɛ mɔɔ yevɛlɛ bɛ, kɛmɔ ye ngyehyɛlɛ ne de la.

1 Kɔl 14:1

Bɛkpondɛ ɛhulolɛ bo zo na bɛmaa bɛ nye ɛbolo bɛkpondɛ sunsum nu ahyɛlɛdeɛ ne mɔ, titile, Nyamenle edwɛkɛ ne nolobɔlɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:1

Bɛle Nyamenle amra mɔɔ ɔkulo bɛ a, yemɔti bɛbɔ mɔdenle kɛ bɛkɛyɛ kɛ ɔdaye ala la.

1 Tɛs 5:15

Bɛnlea kɛ awie ɛnrɛva ɛtane ɛnrɛdua ɛtane kakɛ. Dahuu bɛyɛ bɛ adwenle kɛ bɛkɛyɛ kpalɛ bɛkɛmaa bɛ nwo ngoko nee awie mɔ gyɛne.

1 Tem 5:10

yɛɛ ye nyɛleɛ kpalɛ ti bɛbɔ ye duma kpalɛ kɛ ɔle raalɛ mɔɔ tetele ɔ mra kpalɛ, ɔliele nyɛvolɛ, ɔwowole anwondelɛma agyakɛ anwo, ɔboale bɛdabɛ mɔɔ bɛ nwo hyelele bɛ, na ɔdule ɔ nwo ɔmanle gyima kpalɛ biala ɛyɛlɛ la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

3 Dw 1:11

Ayi, mmasukoa ɛyɛ mɔɔ le ɛtane la, sukoa yɛ mɔɔ le kpalɛ la. Awie biala mɔɔ yɛ mɔɔ le kpalɛ la le Nyamenle ɛdeɛ, yɛɛ awie biala mɔɔ di ɛtane la ɛtɛnwunle Nyamenle.