1 Pit 3:12 - BAEBOLO ANZƐƐ BULUKU NWUANZANWUANZA

¹² Ɔluakɛ Nyamenle anye wɔ pɛlepɛlelilɛma anwo zo, na ɔbuke ɔ nzo ɔtie bɛ nzɛlɛlɛ dahuu. Na bɛdabɛ mɔɔ bɛdi ɛtane la, Awulae kakyi ɔ nzi si bɛ.”

1 Pit 3:12 ပူးပေါင်းရင်းမြစ်များ

2 Edk 16:9

Ɔluakɛ Ɛdɛnkɛma fa ɔ nye bɔ ewiade ye anwo mgbɔlɔka, na ɔfa tumi ɔdie bɛdabɛ mɔɔ bɛdi nɔhalɛ bɛmaa ye la. Wɔli kɔnwɔne edwɛkɛ wɔ ɛhye anu, yemɔti ɔvi ɛnɛ mɔɔ kɔ la konle ɛnrɛkpa ɛ nwo ɛlɛ.”

2 Edk 7:15

Akee mebavede me nye meanlea Ɛzonlenlɛ Sua ɛhye kpalɛ na meabuke me nzo meadie nzɛlɛlɛ biala mɔɔ bɛbayɛ ye wɔ ɛke la.

Edwɛndolɛ Buluku ne 11:4

Ɛdɛnkɛma wɔ ye Ɛzonlenlɛ Sua nwuanzanwuanza ne anu, ye belemgbunli ebia wɔ anwuma; ɔnwu menli kɔsɔɔti, ɔsɔ bɛ ɔnea.

Edwɛndolɛ Buluku ne 33:18

Bɛnlea, Ɛdɛnkɛma anye wɔ bɛdabɛ mɔɔ bɛsulo ye, yɛɛ bɛdabɛ mɔɔ bɛ nye la ye ɛhulolɛ kpundii ne azo la anwo zo,

Edwɛndolɛ Buluku ne 65:2

Wɔmɔ mɔɔ ɛtie yɛ nzɛlɛlɛ la! Wɔ ɛkɛ ne yɛɛ menli kɔsɔɔti ba wɔ bɛ ɛtane ne mɔ ati a.

Edwɛndolɛ Buluku ne 80:16

Bɛpɛ ye bɛdo aze, bɛva senle bɛdo nu; twi bɛ nyunlu na bɔ bɛ bo zo.

Mrɛlɛbulɛ Buluku ne 15:29

Ɛdɛnkɛma nee amumuyɛma ɛmbɔ ɛweɛne, na ɔtie tenlenema nzɛlɛlɛ.

Mrɛlɛbulɛ Buluku ne 15:3

Ɛdɛnkɛma anye wɔ ɛleka biala, ɔnwu mɔɔ le kpalɛ nee mɔɔ le ɛtane la amuala.

Mrɛlɛbulɛ Buluku ne 15:8

Amumuyɛnli azubɔlɛ le kyibadeɛ maa Ɛdɛnkɛma; Ɛdɛnkɛma anye die sonla mɔɔ di pɛlepɛle la nzɛlɛlɛ nwo.

Gyɛlɛmaya Buluku ne 21:10

Ɔluakɛ meva me nye mezie suakpole ɛhye anwo kɛ memaa munzule ado bɛdabɛ mɔɔ bɛwɔ zolɛ la. Menrɛmaa kpalɛ ɛnrɛdo bɛ. Mebaye bɛ meamaa Babelonia belemgbunli ne na meamaa yeado senle zolɛ yeayela ye. Medame Ɛdɛnkɛma a mese a.”

Gyɛlɛmaya Buluku ne 39:12

“Kpondɛ Gyɛlɛmaya abo zo, nea ye boɛ gyɛlɛɛnye, mmafa ɛ sa ɛka ye, na yɛ debie biala mɔɔ ɔkɛbiza wɔ la maa ye.”

Yizikeɛle Buluku ne 15:7

Mebava me nye meawula bɛ nyunlu kpalɛ, mɔɔ saa bɛ bie mɔ nriandi fi senle ne anu bɔbɔ a, senle ala a bayela bɛ a, na bɛanwu kɛ medame a mele Ɛdɛnkɛma a, na mefa me nye mewula ɛ nyunlu a ɛnee meva me nye mewula ɛ nyunlu.

Sɛlɛ 17:10

“Saa Yizilayɛnli biala, anzɛɛ ɛyɛvolɛ biala mɔɔ wɔ bɛ avinli la di mogya a, mebahyi sonla zɔhane mɔɔ di mogya la, na meaye ye meavi ɔdaye ye menli avinli.

Sɛlɛ 20:3

Medame mumua ne mebava me nye meawula sonla zɔhane anyunlu, na meaye ye meavi ɔdaye ye menli avinli. Mebayɛ ɛhye, ɔboalekɛ yeva ɔ ra yebɔ azu yemaa bozonle Molɛke, yegua me Ɛzonlenlɛ Ɛleka nwuanzanwuanza ne anwo evinli na yezɛkye me duma.

Sɛlɛ 20:6

“Saa awie kɔbiza ɔ nwo wɔ sonla mɔɔ tendɛ nwomenle nloa azo la ɛkɛ, anzɛɛ ɔkɔ bayivolɛ bie ɛkɛ ɔkɔbiza ɔ nwo anzɛɛ ɔ nee bɛ kɔbɔ tuutuu ɛbɛla a, mebava me nye meazie ɔ nyunlu na meaye ye meavi ye menli ne avinli.

Sɛlɛ 26:17

Mebava me nye meawula bɛ nyunlu, meamaa bɛ kpɔvolɛma ali bɛ nwo zo konim. Menli ne mɔɔ kyi bɛ la bazie bɛ, na bɛbanriandi wɔ mekɛ mɔɔ awie ɛndoa bɛ la.

Zɛkalaya Buluku ne 4:10

Awie biala mɔɔ ɛkpo mekɛ mɔɔ ɛnee bɛlɛyɛ ninyɛne ngyikyi ngyikyi la bali fɛlɛko, na ɔbanwu kɛ Zɛlubabɛle gua zolɛ ɛlɛsi sua ne. “Ahɛnlaneɛ nsuu ɛhye mɔ a le Ɛdɛnkɛma anye ne mɔɔ ɔfa ɔnea ewiade amuala la.”

Dw 9:31

Yɛze kɛ Nyamenle ɛndie ɛtanevolɛma, ɔtie bɛdabɛ mɔɔ bɛbu ye bie na bɛyɛ mɔɔ ɔkpondɛ kɛ bɛyɛ la.

Mɛla 11:12

Ɔle azɛlɛ mɔɔ Ɛdɛnkɛma bɛ Nyamenle ne anye wɔ zo a. Dahuu biala ɔ nye wɔ zo, ɔvi ɛvolɛ ne mɔlebɛbo ɔkɔdwu ye awieleɛ.

Gyemise Kɛlata ne 5:16

Yemɔti, bɛha bɛ ɛtane ne mɔ bɛhile bɛ nwo ngoko ngoko, na bɛzɛlɛ bɛmaa bɛ nwo ngoko ngoko, na bɛkɛde kpɔkɛ. Sonla tenlene biala nzɛlɛlɛ yɛ nla eza tumi wɔ nu.