1 Pit 3:11 - BAEBOLO ANZƐƐ BULUKU NWUANZANWUANZA

¹¹ Ɔwɔ kɛ ɔtwe ɔ nwo ɔfi ɛtane nwo na ɔyɛ kpalɛ; ɔwɔ kɛ ɔkpondɛ anzonudwolɛ bo zo na ɔdi ɔ nzi.

1 Pit 3:11 ပူးပေါင်းရင်းမြစ်များ

Dwobu Buluku ne 1:1

Ɛnee nrenya bie wɔ Ɛɛze maanle nu. Bɛfɛlɛ ye Dwobu. Nrenya ɛhye anwo ɛnlɛ dɛne biala yɛɛ ɔle sonla fɔɔnwo, ɔdi nɔhalɛ ɔmaa Nyamenle, yɛɛ ɔkyi ɛtane.

Dwobu Buluku ne 2:3

Ɛdɛnkɛma zele Seetan kɛ, “Wɔnwu me sonvolɛ Dwobu, awie biala mɔɔ le kɛ ɔdaye la ɛnle aleɛabo, ɛtane biala ɛnle ɔ nwo, ɔdi nɔhalɛ, ɔsulo Nyamenle na ɔtwe ɔ nwo ɔfi ɛtane nwo. Wɔyɛ anrɛɛ ɛmaa meazɛkye ye, wɔ mekɛ mɔɔ ɔtɛyɛle ɛhwee la, noko wɔnwu ye wienyi kɛ Dwobu gyi ɔ gyakɛ anu kpundii.”

Dwobu Buluku ne 28:28

“Na ɔzele sonla kɛ, ‘Nrɛlɛbɛ a le kɛ ɛkɛzulo Awulae; yɛɛ ndelebɛbo a le kɛ ɛkɛhwe ɛ nwo ɛkɛvi ɛtane nwo!’ ”

Edwɛndolɛ Buluku ne 125:4

O Ɛdɛnkɛma, yɛ kpalɛ maa bɛdabɛ mɔɔ bɛle kpalɛ, nee bɛdabɛ mɔɔ bɛ ahonle nu te la.

Edwɛndolɛ Buluku ne 34:14

Twe ɛ nwo fi ɛtane nwo, na di boɛ; kpondɛ anzonudwolɛ na di ɔ nzi.

Edwɛndolɛ Buluku ne 37:27

Twe ɛ nwo fi ɛtane nwo na di boɛ, na wɔadɛnla aze wɔahyɛ.

Mrɛlɛbulɛ Buluku ne 16:17

Sonlakpalɛ adenle kpolomgbolo ne ɛngyea ɛngɔ ɛleka mɔɔ munzule wɔ la; awie biala mɔɔ sinza ɔ nwo wɔ ye adenle nu la lɛ ngoane.

Mrɛlɛbulɛ Buluku ne 16:6

Sonla mɔɔ di nɔhalɛ na ɔyɛ tieyɛ la, bɛdi ɔ ti mgbɔdalɛ, yɛɛ sonla mɔɔ sulo Ɛdɛnkɛma la ɛnyɛ ɛtane.

Mrɛlɛbulɛ Buluku ne 3:7

Mmabu ɛ nwo kɛ ɛze nrɛlɛbɛ, sulo Ɛdɛnkɛma na twe ɛ nwo fi ɛtane nwo;

Edwɛkpa ne kɛmɔ Mateyu hɛlɛle la 5:45

amaa bɛayɛ bɛ Ze mɔɔ wɔ anwuma la amra. Ɔluakɛ yemɔ, ɔmaa ye ezule tɔ na ye ewia fi maa ɛtanevolɛma nee kpalɛyɛlɛma amuala.

Edwɛkpa ne kɛmɔ Mateyu hɛlɛle la 5:9

“Nyilalɛ ɛha bɛdabɛ mɔɔ bɛpele bɛkpondɛ anzonudwolɛ la; Nyamenle bavɛlɛ bɛ ɔ mra!

Edwɛkpa ne kɛmɔ Mateyu hɛlɛle la 6:13

Mmamaa yɛkɔ ngyegyelɛ nu, Ye yɛ fi munzule nu.’

Edwɛkpa ne kɛmɔ Maake hɛlɛle la 14:7

Bɛmɛ, bɛ nee ehyianvolɛma de dahuu, yɛɛ mekɛ biala mɔɔ bɛkulo la, bɛkola bɛboa bɛ; na mame, me nee bɛ ɛnrɛdɛnla dahuu.

Edwɛkpa ne kɛmɔ Luku hɛlɛle la 1:79

ye wienyi ne bada bɛdabɛ mɔɔ bɛde awozinli nu nee bɛdabɛ mɔɔ bɛlɛkɔ ewule nu la anwo zo, na yealie yɛ yeava anzonudwolɛ adenle ne azo.”

Edwɛkpa ne kɛmɔ Luku hɛlɛle la 6:35

Kyɛkyɛ! Bɛhulo menli mɔɔ kpɔ bɛ la na bɛyɛ kpalɛ bɛmaa bɛ, bɛbɔ bɛ bosea, noko bɛmmamaa bɛ nye da kɛ bɛ sa kɛha ye, na Anwuma Anwuma Nyamenle ne bamaa bɛ nwolɛ ahatualɛ kpole, na yeavɛlɛ bɛ ɔ mra, ɔluakɛ ɔyɛ nyele ɔmaa anzeayɛlɛma nee angomedima amuala.

Edwɛkpa ne kɛmɔ Luku hɛlɛle la 6:9

Gyisɛse zele bɛ kɛ, “Mebiza bɛ, duzu a yɛ mɛla ne maa nwolɛ adenle kɛ yɛyɛ wɔ Ɛnwomenlelielɛ Kenle ne a? Yɛyɛ ahunlunyele anzɛɛ yɛli ɛtane? Yɛlie sonla ngoane anzɛɛ yɛzɛkye ye?”

Dw 17:15

Membiza kɛ ɛye bɛ ɛvi ewiade ye anu, mesɛlɛ kɛ ɛkɛzie bɛ gyɛlɛɛnye ɛkɛvi amumuyɛnli Seetan asa anu.

Wulo 12:18

Bɛbɔ mɔdenle kɛ bɛ nee menli kɔsɔɔti kɛdɛnla anzonudwolɛ nu.

Wulo 14:17

Ɔluakɛ Nyamenle Belemgbunlililɛ ne, tɛ yemɔ a le nlidi nlidi anzɛɛ nono nono, na yemɔ a le pɛlepɛlelilɛ, anzonudwolɛ nee anyelielɛ ne mɔɔ Sunsum Nwuanzanwuanza ne fa maa la.

Wulo 14:19

Zɔhane ati, ɔwɔ kɛ kenle biala yɛyɛ ninyɛne mɔɔ fa anzonudwolɛ ba na ɔboa yɛ nee yɛ gɔnwo mɔ na ɔmaa yɛ anwosesebɛ la.

Wulo 5:1

Kɛmɔ ɔlua diedi zo yɛzɔ Nyamenle anye la, yɛlua Awulae Gyisɛse Kelaese anwo zo yɛnyia yɛ ti wɔ Nyamenle ɛkɛ.

Wulo 7:19

Mengola menyɛ kpalɛ ne mɔɔ mekulo kɛ meyɛ la, na ɛtane ne mɔɔ mengulo kɛ meyɛ la yɛɛ meyɛ a.

Wulo 7:21

Yemɔti ɛnee menwu kɛ mɛla ɛhye ɛlɛyɛ gyima wɔ me nu. Mɔɔ mekulo kɛ meyɛ kpalɛ la, ɛnee ɛtane ala a gyi me nye zo a.

Wulo 8:6

Saa ɛmaa nwonane nu adwenleadwenle keda ɛ nwo zo a, ɔwie ewule; yɛɛ saa ɛmaa Sunsum nu adwenleadwenle keda ɛ nwo zo a, ɔwie ngoane nee anzonudwolɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:22

Nyamenle Sunsum ne ma a le ɛhye mɔ: ɛhulolɛ, anyelielɛ, anzonudwolɛ, abotane, atiakunlukɛnlɛmayɛlɛ, kpalɛyɛlɛ, nɔhalɛlilɛ,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:10

Zɔhane ati, kenle biala mɔɔ mekɛ kɛra kɛ ɔwɔ kɛ yɛyɛ nyele la, bɛmaa yɛyɛ yɛmaa awie biala, bɔbɔ bɛdabɛ mɔɔ yɛ nee bɛ yɛ muala yɛlɛ diedi ko la.

Kɔlɔ 3:15

Bɛmaa Kelaese anzonudwolɛ ne mɔɔ ɔmaa bɛ la ɛvinde bɛ kpɔkɛbɔlɛ nu, ɔluakɛ Nyamenle ɛvɛlɛ bɛ muala wɔ asɔne ye anu kɛ bɛdɛnla anzonudwolɛ nu. Bɛnwu nyele.

1 Tem 6:18

Ɔwɔ kɛ bɛyɛ nyele, bɛkɔ zolɛ bɛyɛ nyɛleɛ kpalɛ, bɛfa atiakunlukɛnlɛma nee ɛhulolɛ bɛkyɛ debie.

Kɛlata mɔɔ bɛhɛlɛle bɛhɔmanle Hibuluma la 12:14

Bɛbɔ mɔdenle kɛ bɛ nee menli kɔsɔɔti kɛdɛnla anzonudwolɛ nu na bɛmaa bɛ ɛbɛla nwo ɛde nwuanzaanwu, ɔboalekɛ mɔɔ anyɛ ye zɔhane la ɔyɛ se kɛ ɔkɛnwu Nyamenle.

Kɛlata mɔɔ bɛhɛlɛle bɛhɔmanle Hibuluma la 13:16

Bɛmmamaa bɛ rɛle fi kɛ bɛkɛyɛ kpalɛ na bɛkɛboa bɛ nwo ngoko ngoko, ɔboalekɛ ɛhye a le azubɔlɛ mɔɔ sɔ Nyamenle anye a.

Gyemise Kɛlata ne 4:17

Yemɔti, sonla ne mɔɔ ze debie kpalɛ mɔɔ ɔwɔ kɛ ɔyɛ na yeanyɛ la, ɔle ɛtane ɔmaa ye.

1 Pit 3:12

Ɔluakɛ Nyamenle anye wɔ pɛlepɛlelilɛma anwo zo, na ɔbuke ɔ nzo ɔtie bɛ nzɛlɛlɛ dahuu. Na bɛdabɛ mɔɔ bɛdi ɛtane la, Awulae kakyi ɔ nzi si bɛ.”

3 Dw 1:11

Ayi, mmasukoa ɛyɛ mɔɔ le ɛtane la, sukoa yɛ mɔɔ le kpalɛ la. Awie biala mɔɔ yɛ mɔɔ le kpalɛ la le Nyamenle ɛdeɛ, yɛɛ awie biala mɔɔ di ɛtane la ɛtɛnwunle Nyamenle.

Maanlebuvolɛma Buluku ne 11:14

Gyɛfeta eza zoanle menli bieko wɔ Amɔnoma belemgbunli ne ɛkɛ ne kɛ,