1 Pit 3:1 - BAEBOLO ANZƐƐ BULUKU NWUANZANWUANZA

¹ Bɛmɛ nwuvolɛ mraalɛ, bɛbɛlɛ bɛ nwo aze bɛmaa bɛ hu mɔ, amaa nuhua mɔɔ ɔ hu ɛnlie Nyamenle Edwɛkɛ ne ɛnli la, bɛalua bɛ nyɛleɛ zo bɛahwe ye bɛarɛlɛ Nyamenle, mɔɔ ɔnrɛhyia kɛ bɛkɛha edwɛkɛ kpɔkɛ ko bɔbɔ a,

1 Pit 3:1 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:16

Akee ɔzele raalɛ ne kɛ, “Mebamaa wɔade nyane kpalɛ wɔ awolɛ nu; ɛbade nyane wɔ wɔ ralɛ ɛwolɛ nu, noko ɛ nwo balɔ ɛ hu na yeazie wɔ.”

Mrɛlɛbulɛ Buluku ne 11:30

Ma mɔɔ tenlenenli so la le ngoane, na sonla mɔɔ to nzaka la kuhu menli.

Mrɛlɛbulɛ Buluku ne 18:19

Saa ɛboa adiema nrenya a ɔle kɛ suakpole mɔɔ bɛbɔ nwolɛ bane la, na saa ɛ nee ye di butule a ɔle kɛ wɔdo ɛ nwo efiade la.

Edwɛkpa ne kɛmɔ Mateyu hɛlɛle la 18:15

“Saa ɛ diema bie fo wɔ a, kɔ na ɛ nee ye bɛ mu nwiɔ bɛhɔha na kile ye deɛ mɔɔ yemɔti yevo la. Saa ɔtie wɔ edwɛkɛ a ɛnee ɛ sa ɛha ɛ diema ne.

Wulo 10:16

Noko tɛ bɛ muala a bɛlie Edwɛkpa ne bɛli a, ɔluakɛ Ayezaya hanle ye bɛ nwo kɛ, “Awulae, edwɛkɛ ne mɔɔ bɛdele bɛvile yɛ ɛkɛ ne la, nwane a liele lile a?”

Wulo 6:17

Yɛyɛ Nyamenle mo, ɔluakɛ mekɛ bie, ɛnee bɛle ahanra bɛmaa ɛtane, na kɛmɔ bɛvale bɛ ahonle muala bɛyɛle tieyɛ bɛmanle nɔhalɛ ne mɔɔ bɛnwunle ye wɔ ngilehilelɛ mɔɔ bɛnyianle ye la anu la ati

Wulo 7:2

Bɛnlea kɛ, raalɛ mɔɔ wɔ agyalɛ la, mɛla kyekye ye beta ɔ hu anwo wɔ mekɛ mɔɔ ɔ hu de ngoane nu la; na saa ɔ hu wu a, mɛla ɛnkyekye ye bieko.

1 Kɔl 11:3

Noko mekpondɛ kɛ bɛte ɔ bo kɛ nrenya biala amenle a le Kelaese, raalɛ biala amenle a le ɔ hu, yɛɛ Kelaese amenle a le Nyamenle.

1 Kɔl 14:34

mraalɛ ɛmua bɛ nloa wɔ asɔne nyianu ne mɔ anu. Bɛnlɛ adenle kɛ bɛkɛdendɛ, kɛmɔ Dwuuma mɛla ne se la, ɔwɔ kɛ bɛboa mrenya ne mɔ abo.

1 Kɔl 7:16

Kelaese ɛdoavolɛ raalɛ, saa wɔmɔ a ɛbalie ɛ hu ngoane a, asoo ɛze? Kelaese ɛdoavolɛ nrenya, saa wɔmɔ a ɛbalie ɛ ye ngoane a, asoo ɛze?

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:33

Noko ɔwɔ kɛ kunli biala kulo ɔ ye kɛ ɔdaye ɔ nwo, na yelɛ biala noko di ɔ hu eni.

Kɔlɔ 3:18

Yelɛma, bɛha bɛ nwo aze bɛmaa bɛ hu mɔ, na mɔɔ Kelaese ɛdoavolɛ biala ɔwɔ kɛ yɛ la ɛne.

Kɔlɔ 4:5

Bɛdabɛ mɔɔ bɛnlɛ diedi la, bɛ nee bɛ ɛzia nrɛlɛbɛ nu, na bɛdendɛ bɛhile bɛ wɔ mekɛ biala mɔɔ bɛkɛnyia nuhua adenle la.

2 Tɛs 1:8

kɛ ɔbadua bɛdabɛ mɔɔ bɛnze Nyamenle, nee bɛdabɛ mɔɔ bɛnli Edwɛkpa ne mɔɔ fane yɛ Awulae Gyisɛse anwo la azo la kakɛ la.

Kɛlata mɔɔ bɛhɛlɛle bɛhɔmanle Hibuluma la 11:8

Diedi zo yɛɛ ɔlua mɔɔ Ebileham diele Nyamenle ɛvɛlɛlɛ ne na ɔdule ɔhɔle maanle mɔɔ Nyamenle hilele ye kɛ ɔle ye ɛdeɛ la anu a. Ɔvi ye maanle ne anu ɔdule la, ɛnee ɔdaye mumua ne ɔnze ɛleka mɔɔ ɔlɛkɔ la.

Kɛlata mɔɔ bɛhɛlɛle bɛhɔmanle Hibuluma la 5:9

Mɔɔ bɛmanle ɔlile munli la, akee ɔrayɛle ngoanelielɛ mɔɔ ɛnlɛ awieleɛ la ɔmanle bɛdabɛ mɔɔ bɛtie ye la,

1 Pit 1:22

Kɛkala mɔɔ ɔlua bɛ tieyɛ wɔ nɔhalɛ ne anwo bɛde bɛ nwo bɛvi ninyɛndane nwo na bɛnyia ɛhulolɛ bɛmaa bɛ mediema diedima la, bɛmaa bɛ ɛhulolɛ ne ɛyɛ nɔhalɛ ɛhulolɛ mɔɔ vi bɛ ahonle nu a.

1 Pit 3:2

ɔboalekɛ bɛbanwu bɛ nwo enililɛ nee bɛ anwondelɛ wɔ bɛ nyɛleɛ nu.

1 Pit 3:7

Zɔhane ala yɛɛ bɛmɛ mrenya noko, saa bɛ nee bɛ ye mɔ de a ɔwɔ kɛ bɛnwu ye kɛ bɛle mraalɛ na bɛnlɛ anwosesebɛ a. Yemɔti bɛli bɛ eni, ɔboalekɛ bɛ nee bɛ bɛ muala a bɛbanyia Nyamenle ngoane ɛlolɛ ahyɛlɛdeɛ ne a. Bɛyɛ ɛhye, amaa debie biala andenda bɛ gyakɛ anu wɔ bɛ nzɛlɛlɛ nu.

1 Pit 4:17

Mekɛ ne ɛdwu mɔɔ ɔwɔ kɛ bɛbɔ ndɛnebualɛ ne abo a, na Nyamenle menli ne yɛɛ bɛbalumua bɛabua bɛ ndɛne a. Na saa ndɛnebualɛ ne bɔ ɔ bo wɔ yɛ nwo zo a, ɛnee kɛ ɔkɛzi ɔkɛwie ye wɔ menli mɔɔ ɛnlie Edwɛkpa ne mɔɔ vi Nyamenle ɛkɛ ne la ɛnli la anwo zo ɛ?