1 Pit 2:6 - BAEBOLO ANZƐƐ BULUKU NWUANZANWUANZA

⁶ Nyamenle Edwɛkɛ ne se, “Mekpa nu meye bolɛ mɔɔ sonle bolɛ, kɛ mefa meayɛ bolɛ mɔɔ anwo hyia wɔ Zayɔn; mɔɔ kɛlie ye kɛli la anyunlu ɛnrɛgua aze ɛlɛ.”

1 Pit 2:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:24

Noko ye ɛda ɛdeɛ ne andɔ aze. Ɔ sa nu yɛle ɛsesebɛ wɔ Gyekɔbo Nyamenle Bedevinli ne tumi nu, Wɔ Mboaneneavolɛ Yizilayɛ Pepɛdievolɛ ne duma nu.

Edwɛndolɛ Buluku ne 40:14

Bɛdabɛ mɔɔ bɛkpondɛ me bɛahu me la, maa bɛbɔ anyiemgba na bɛ adwenle ɛha ɛbɔ nu; bɛdabɛ mɔɔ bɛkulo kɛ medi nyane la, maa bɛzia bɛ nzi na bɛ nyunlu ɛzi bile.

Edwɛndolɛ Buluku ne 89:19

Mɔmoane, ɛdendɛle ɛnyelɛzodeɛnwunlɛ nu ɛhilele wɔ nɔhalɛ sonvolɛ ne na ɛhanle kɛ, “Mezoa sonla mɔɔ le katakyie la belemgbunli kyɛlɛ, memaa sonla mɔɔ bɛkpa nu bɛye ye menli ne avinli la ɛyɛ kpole.

Ayezaya Buluku ne 28:16

Yemɔti kɛ Awulae Nyamenle ne se la ɛne, “Bɛnlea, melɛfa bolɛ meado adiabo wɔ Zayɔn. Ɔbayɛ bolɛ mɔɔ bɛzɔ bɛnlea, mgbɛnezo bolɛ mɔɔ sonle bolɛ kpalɛ wɔ adiabo kpundii nu, na meahɛlɛ zolɛ kɛ, ‘Mɔɔ die di la ɛnrɛpele ndɛ.’

Ayezaya Buluku ne 41:11

“Bɛnlea, menli mɔɔ ɛva bɛ nwo ɛya kpole la anyunlu bagua aze na bɛ adwenle aha abɔ nu. Bɛdabɛ mɔɔ bɛko bɛtia bɛ la ɛnrɛhola ɛhwee yɛ, yɛɛ bɛ bo zo baminli.

Ayezaya Buluku ne 42:1

Ɛdɛnkɛma se, “Bɛnlea me sonvolɛ ne mɔɔ sɔ me nye la, yemɔ a mekpa nu meye ye a; me nye die ɔ nwo. Meva me Sunsum ne mewula ye, ɔbava pɛlepɛlelilɛ yeara maanle maanle ne mɔ anu.

Ayezaya Buluku ne 46:13

Memaa bɛ ngoanelielɛ kenle ne ɛbikye, ɔnle moa fee, yɛɛ ɔnrɛhyɛ na me ngoanelielɛ ne ara. Mebalie Gyɛlusalɛm na meava anyunlunyia meamaa Yizilayɛ.”

Ayezaya Buluku ne 50:7

Ɔluakɛ Awulae Nyamenle ne boa me, yemɔti me rɛle ɛtɛbɔle. Zɔhane ati meyɛ me nyunlu kɛ ɛtwɛlɛboɔ; meze kɛ me nyunlu ɛnrɛgua aze;

Ayezaya Buluku ne 54:4

Mmasulo, ɔluakɛ ɛ nyunlu ɛnrɛgua aze; mmamaa wɔ ahonle tu, na awie ɛnrɛgua ɛ nyunlu aze, ɔluakɛ ɛ rɛle bavi wɔ mbɛlɛra nu anyiemgba ne, yɛɛ ɛnrɛhakye wɔ kunlanehyilɛ nyanenwunlɛ ne bieko.

Zɛkalaya Buluku ne 10:4

Bɛ nuhua yɛɛ menli vi bara arabu maanle ne, arayɛ maanle mgbanyima nee safohyenlema na bɛazie me menli ne a.

Edwɛkpa ne kɛmɔ Mateyu hɛlɛle la 12:18

“Bɛnlea, me sonvolɛ ne mɔɔ mekpa nu meye ye la ɛne, yemɔ a ɔle sonla mɔɔ mekulo ye na me nye die ɔ nwo a. Mebava me Sunsum meawula ye, na yeabɔ me ndɛnebualɛ ne nolo yeahile maanle maanle muala.

Edwɛkpa ne kɛmɔ Maake hɛlɛle la 12:10

Meze kɛ bɛgenga Nyamenle Edwɛkɛ ɛhye: ‘Bolɛ ko ne ala mɔɔ suasivoma ne kpole la ɛrayɛ bolɛ mɔɔ anwo hyia kpole kpalɛ kɛ sua mgbɛnezo sika la.

Edwɛkpa ne kɛmɔ Luku hɛlɛle la 20:17

Gyisɛse nleanle bɛ koonwu na ɔbizale bɛ kɛ, “Ɛnee akee kɛ Nyamenle Edwɛkɛ ɛhye abo se ɛ? ‘Bolɛ ne mɔɔ suasivoma ne kpole la, ɛrayɛ bolɛ mɔɔ anwo hyia kpole kpalɛ a.’

Edwɛkpa ne kɛmɔ Luku hɛlɛle la 23:35

Mekɛ mɔɔ menli ne gyi ɛkɛ ne ɛlɛnea la ɛnee Dwuu mgbanyima ne mɔ mɔɔ wɔ bɛ nu la ɛlɛsi ye amgbu kɛ, “Se ɔliele awie mɔ ngoane o; saa yemɔ a ɔle Mɛzaya ne mɔɔ Nyamenle ɛkpa nu ɛye ye la amgba a, bɛmaa ɔlie ɔ nwo ngoane ɔmaa yɛnlea!”

Dw 7:38

Kɛmɔ Nyamenle Edwɛkɛ ne se la, ‘Mɔɔ die me di la, ngoane azudenle vi ye ahonle nu baze.’ ”

Ɛzoanvolɛma Gyima ne 1:16

“Ayi mɔ, ɔwɔ kɛ Nyamenle Edwɛkɛ ne mɔɔ Sunsum Nwuanzanwuanza ne luale Belemgbunli Devidi anwo zo hanle dole ɛkɛ ne, mɔɔ fane Dwudase mɔɔ lile menli mɔɔ rahyele Gyisɛse la anyunlu la anwo la yɛ nɔhalɛ.

Wulo 10:11

Nyamenle Edwɛkɛ ne se, “Awie biala mɔɔ kɛlie ye kɛli la anyunlu ɛnrɛgua aze.”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:4

Nyamenle kpale nu yele yɛ ziele ɛkɛ manle Kelaese kolaa na yeabɔ ewiade, amaa yɛ nwo ade nwuanzaanwu mɔɔ fɔlɛlilɛ biala ɛnle yɛ nu wɔ ɔ nyunlu a. Ɔlua ye ɛhulolɛ ne ati

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:20

Bɛdabɛ noko a bɛle sua mɔɔ bɛlɛsi ye wɔ ɛzoanvolɛma nee Nyamenle kpɔmanvolɛma adiabo ne mɔɔ bɛwula la azo a, na Kelaese ɔdaye mumua ne a ɔle sua ne mgbɛnezo sika ne mɔɔ hyia kpole kpalɛ la a.

2 Tem 3:16

Bɛfa Nyamenle Sunsum a bɛkɛlɛ Nyamenle Edwɛkɛ ne a, na ɔle kpalɛ ɔmaa nɔhalɛ ne ɛhilehilelɛ, sonla nyunlu ɛhwilɛ, folɛdulɛ, yɛɛ menli ɛtetelɛ wɔ ɛbɛla kpalɛ ɛbɔlɛ nu,

1 Pit 2:4

Bɛrɛla Awulae ɛkɛ. Yemɔ a ɔle Tease Bolɛ ne mɔɔ ewiade amra kpole ye kɛ ɔle debie mgbane na Nyamenle noko ɛkpa nu ɛye ye kɛ ɔle bolɛ mɔɔ anwo hyia la a.

1 Pit 2:8

Eza Nyamenle Edwɛkɛ ne bie se, “Ɛhye le bolɛ mɔɔ bamaa menli adu koti a; ɔle bodane mɔɔ bamaa bɛadu bɛagua a.” Bɛtu koti, ɔboalekɛ bɛnlie edwɛkɛ ne bɛnli; Nyamenle ngyehyɛlɛ ne kɛ de la ɛne.

2 Pit 1:20

Mɔɔ lumua mɔɔ ɔwɔ kɛ bɛte ɔ bo la a le kɛ sonla ko biala ɛnrɛhola ɛnrɛva ɔdaye ɔ ngome ye adwenle ɛnrɛhilehile Nyamenle Edwɛkɛ ne mɔɔ Nyamenle kpɔmanvolɛma ɛha ɛdo ɛkɛ ne la abo.

2 Pit 3:16

Nɔhalɛ, ninyɛne ɛhye mɔ ala a ɔhɛlɛle bɛ nwo edwɛkɛ wɔ ye ngɛlata ne mɔ anu a. Ninyɛne bie noko mɔɔ bɛ bo ɛdelɛ ɛnla aze la wɔ ye ngɛlata ne mɔ anu. Bɛdabɛ mɔɔ bɛ adwenle ɛngyinla ɛleka ko na bɛnze ninyɛne ne mɔ anwo bie la kyibehyiba bɛ ɛtane ɛtane bie, kɛmɔ bɛva bɛyɛ Nyamenle Edwɛkɛ ne bie mɔ la. Bɛlua ɛhye azo bɛlɛsɛkye bɛ ngome bɛ nwo.