1 Pit 2:25 - BAEBOLO ANZƐƐ BULUKU NWUANZANWUANZA

²⁵ Ɛnee bɛle kɛ mboane mɔɔ ɛminli la, na kɛkala bɛva bɛ bɛzia bɛra kɛ bɛrali Mboaneneavolɛ ne nee bɛ ɛkɛla sinzavolɛ ne anzi.

1 Pit 2:25 ပူးပေါင်းရင်းမြစ်များ

Edwɛndolɛ Buluku ne 119:176

Meminli kɛ boane; kpondɛ wɔ sonvolɛ abo zo, ɔluakɛ me rɛle ɛnvi wɔ mɛla ne mɔ.

Edwɛndolɛ Buluku ne 80:1

O Yizilayɛma anwo zo neavolɛ, tie yɛ, wɔmɔ, ɛhanle Dwosefi abo zo amra kɛ mboane na ɛlile bɛ nyunlu. Wɔmɔ mɔɔ wɔ belemgbunli ebia gyi tease abɔdeɛma azo a, ta bɛla,

Ayezaya Buluku ne 13:14

“Menli kɔsɔɔti bayɛ kɛ ahɛtɛboɛ mɔɔ bɛdoa bɛ bɛlɛkye bɛ, anzɛɛ mboane mɔɔ ɛbɔ asande na awie ɛnle ɛkɛ mɔɔ boɔboa bɛ nloa la. Awie biala banriandi ahɔ ye menli avinli wɔ ɔdaye ye maanle nu.

Ayezaya Buluku ne 40:11

Ɔbanlea ye menli ne boɛ kɛ mboaneneavolɛ yɛne nyɛmoa, ɔbaboɔboa mboane mralɛ ne anloa yeadedɛ bɛ ɔ sa zo. Ɔbavia bɛ ɔ kɛnra azo, na yeali mɔɔ lɛ mralɛ la anyunlu bɛtɛɛ.

Ayezaya Buluku ne 53:5

Noko yɛ mɛladonlɛ ne mɔ ati bɛbodɛbodale ye, bɛbodɛbodale ye wɔ yɛ ɛtane ne mɔ ati; bɛvale yɛ nwo ndeanlɛ bɛguale ɔ nwo zo, ye empele mɔɔ bɛbilale ye la ɛyɛ yɛ ayile.

Ayezaya Buluku ne 53:6

Yɛ muala yɛminli kɛ mboane la; yɛ nuhua biala ɔdaye yeva ye adenle ɛdeɛ zo; Ɛdɛnkɛma ɛva yɛ ɛtane ne mɔ amuala ɛgua ɔ nwo zo.

Gyɛlɛmaya Buluku ne 23:2

Ɛdɛnkɛma, Yizilayɛ Nyamenle ne ɛha mboaneneavolɛma mɔɔ nea ye mboane ne mɔ la anwo edwɛkɛ kɛ, “Bɛnnea me mboane ne mɔ boɛ, bɛvoa bɛ, bɛmaa bɛzande. Bɛnlea, mebadea bɛ wɔ bɛ ɛtane ne mɔ ati.

Yizikeɛle Buluku ne 34:6

Me mboane ne mɔ bɔle asande, bɛluoluale awoka mgbole nee ngyikyi ne mɔ azo; me mboane ne mɔ bɔle asande wɔ azɛlɛ ye azo amuala, na bɛannyia awie amkpondɛ bɛ anzɛɛ amkpo bɛ bo zo.

Yizikeɛle Buluku ne 37:24

Me sonvolɛ Devidi bali bɛ belemgbunli anlea bɛ nwo zo, na bɛ muala bɛanyia mboaneneavolɛ kokye. Bɛbali me ngyehyɛlɛ ne mɔ anzi na bɛanlea bɛali me mɛla ne mɔ azo.

Zɛkalaya Buluku ne 13:7

Tumivolɛ Ɛdɛnkɛma se, “Dwazo, konle dadeɛ, dwazo ku me mboaneneavolɛ ne, ku ahenle ne mɔɔ gyi me nwo ɛke la. Bɔ mboaneneavolɛ ne ku ye maa mboane ne mɔ ɛbɔ asande. Medame mebava me sa meazie ngyikyi ne mɔ anwo.

Edwɛkpa ne kɛmɔ Mateyu hɛlɛle la 18:12

“Na duzu a bɛdwenle kɛ awie mɔɔ lɛ mboane ɛya ko na nuhua ko kɛminli la kɛyɛ a? Ɔgyakyi abulahɔnla nee ngɔnla ne wɔ bɛ adidileka ne na ɔkɔkpondɛ ko ne mɔɔ ɛminli la.

Edwɛkpa ne kɛmɔ Mateyu hɛlɛle la 9:36

Ɔnwunle menli somaa ne la, alɔbɔlɛ hunle ye, ɔluakɛ bɛbɔ asande na bɛluolua nu mgbane mgbane kɛ mboane mɔɔ ɛnlɛ neavolɛ la.

Ɛzoanvolɛma Gyima ne 20:28

Bɛnlea bɛ nwo boɛ na bɛnlea mboane ne mɔ mɔɔ Sunsum Nwuanzanwuanza ne ɛva bɛ ɛwula bɛ sa nu la boɛ. Bɛnlea Nyamenle asɔne ne mɔɔ yeva ɔ Ra ne mogya a yekpondɛ la azo boɛ.

Kɛlata mɔɔ bɛhɛlɛle bɛhɔmanle Hibuluma la 13:20

Anzonudwolɛ Nyamenle ne mɔɔ dwazole yɛ Awulae Gyisɛse, mɔɔ le Mboaneneavolɛ Kpole ne, mɔɔ luale ye ewule azubɔlɛ zo zɔle ngyekyeleɛ ne mɔɔ bɛntulu ye ɛlɛ la anloa la vile ewule nu la,

Kɛlata mɔɔ bɛhɛlɛle bɛhɔmanle Hibuluma la 3:1

Me mediema Keleseɛnema, mɔɔ bɛdabɛ noko Nyamenle ɛvɛlɛ bɛ a! Bɛdwenle Gyisɛse, mɔɔ Nyamenle ɛzoa ye kɛ ɔrayɛ Sɛlɛvolɛ Kpanyinli wɔ diedi ye mɔɔ yɛlɛ nu la anwo.

Kɛlata mɔɔ bɛhɛlɛle bɛhɔmanle Hibuluma la 5:2

Kɛmɔ ɔdaye mumua ne ɔtɔ sinli wɔ ndenle dɔɔnwo anu la ati, ɔmaa ɔ nee bɛdabɛ mɔɔ bɛnze nwolɛ bie na bɛvo la di ye bɛtɛɛ.

1 Pit 3:20

Sunsum ɛhye mɔ a le bɛdabɛ mɔɔ bɛyɛle Nyamenle anwo anzosesebɛ wɔ mekɛ mɔɔ ɛnee Nyamenle ɛlɛkendɛ abotane nu ala yeamaa Nowa abobɔ ɛlɛne ne la. Bɛdabɛ ekyi ne ala, bɛle mɔtwɛ, mɔɔ ɛnee bɛwɔ ɛlɛne ne anu wɔ azule ne anye la yɛɛ bɛliele bɛ ngoane a.

1 Pit 5:4

amaa saa Mboaneneavolɛ Kpanyinli ne ba a bɛanyia anyunlunyia abɔtile ne mɔɔ ye kɛnlɛma ɛmkpa anzɛɛ ɛndu ɛlɛ la.