1 Pit 2:24 - BAEBOLO ANZƐƐ BULUKU NWUANZANWUANZA

²⁴ Kelaese ɔdaye mumua ne ɔliele yɛ ɛtane ne mɔ wɔ ye sonlabaka ne anu ɔhɔle meanubaka ne azo, amaa yɛawu yɛamaa ɛtane na yɛadɛnla yɛamaa pɛlepɛlelilɛ. Bɛlua ye ɛbodalɛ nganlɛ ne mɔ azo a bɛyɛ bɛ ayile a.

1 Pit 2:24 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:6

Akee Ebileham vale ɛyɛne ne zoale ɔ ra Ayezeke na ɔdaye ɔvale senle ne nee dadeɛ ne. Na bɛ mu nwiɔ bɛzile nu kɛ bɛkɔ.

Edwɛndolɛ Buluku ne 147:3

Ɔkyekye mɔɔ arɛle ɛbɔ la arɛle, na ɔyɛ mɔɔ ɛboda la ayile.

Edwɛndolɛ Buluku ne 38:4

Ɔluakɛ me amumuyɛ ɛbo me nwo zo, bɛ ɛnlomboɛ ɛyɛ adesoa ɛbo me nwo zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:38

Aalɔn bɔ abɔtile ne a ɛnee ɔwɔ ɔ nwoma azo, amaa saa Yizilayɛma fa azubɔdeɛ nwuanzanwuanza ahyɛlɛ ninyɛne arɛlɛ me na bɛfo a yeali nwolɛ ɛzonle. Ɔwɔ kɛ ɔbɔ abɔtile ne dahuu, amaa azubɔdeɛ ne mɔ azɔ me nye na mealie.

Mrɛlɛbulɛ Buluku ne 20:30

Ahɛlɛ mɔɔ kpakye la nrinzi ɛtane, yɛɛ empele ɛlielɛ nrinzi sonla munli nu ɛtane biala.

Ayezaya Buluku ne 53:11

Ɔbanwu ye amaneɛnwunlɛ ne abo aleɛ na ɔ nye alie, na ɔlua me sonvolɛ tenlene ko ne anwo zo, bɛbava menli dɔɔnwo kɛ bɛle tenlenema; na ɔbazoa bɛ ɛtane ne mɔ anwo ndeanlɛ.

Sɛlɛ 16:22

Abɔnkye ne bazoa bɛ ɛtane ne nee bɛ amumuyɛ ne mɔ kɔsɔɔti ahɔ ɛleka solokoko wɔ fienemgbole ne anu, ɛleka mɔɔ awie biala ɛnle la.

Sɛlɛ 22:9

“Yemɔti bɛli me mɛla zo na anrɛɛ bɛkɛli ɛzonle na bɛkɛwu kɛ bɛvonle me mɛla ne a; medame a mele Ɛdɛnkɛma mɔɔ maa bɛ nwo te a.

Malakae Buluku ne 4:2

Na bɛmɛ mɔɔ bɛsulo me la, pɛlepɛle sɛnzɛne mɔɔ le ayile la badudu bɛ nwo zo. Na bɛbavinde wienyi nu na bɛawuluwulu kɛ nlankɛ mralɛ mɔɔ bɛye bɛ bɛvi tunli nu la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:22

Ɔvi ɛnɛ mɔɔ kɔ la, ɔnle kɛ Yizilayɛnli biala bikye Ndanlɛ Sua ne anwo na ɔyɛ ɛtane ɔtwe ewule ndeanlɛ ɔmaa ɔ nwo.

Edwɛkpa ne kɛmɔ Mateyu hɛlɛle la 27:26

Akee Paelɛte yele Balabase manle bɛ; ɔmanle bɛbilale Gyisɛse empele na ɔyele ye ɔmanle bɛ kɛ bɛhɔbɔ ye meanubaka nu.

Edwɛkpa ne kɛmɔ Mateyu hɛlɛle la 5:20

Meka meahile bɛ, kyesɛ bɛ tenleneyɛlɛ tɛla mɛla kilehilevolɛma nee Falasiima ne mɔ, anrɛɛ bɛnrɛnwu Anwuma Belemgbunlililɛ ne ɛlɛ.

Edwɛkpa ne kɛmɔ Mateyu hɛlɛle la 8:17

Ɔyɛle ɛhye amaa mɔɔ Nyamenle kpɔmanvolɛ Ayezaya hanle la ayɛ nɔhalɛ kɛ, “Ɔdaye mumua ne ɔzoale yɛ anwondolɛ nee yɛ nwo ewule ɔhɔle.”

Edwɛkpa ne kɛmɔ Maake hɛlɛle la 15:15

Paelɛte nyianle adwenle kɛ ɔyɛ mɔɔ menli dɔɔnwo ne kpondɛ la. Yemɔti ɔyele Balabase ɔmanle bɛ. Na akee ɔmanle bɛbilale Gyisɛse empele, na ɔvale ye ɔwulale sogyama ne mɔ asa anu kɛ bɛhɔbɔ ye meanubaka nu.

Edwɛkpa ne kɛmɔ Luku hɛlɛle la 4:18

“Awulae Sunsum ne wɔ me nwo zo, ɔboalekɛ yekpa nu yeye me kɛ menva Edwɛkpa ne membɛlɛ ehyianvolɛma. Yezoa me kɛ membɔ fanwodi nwo nolo mengile bɛdabɛ mɔɔ bɛhye bɛ nuokɛ la, na memaa anyenzinliravolɛma ɛnwu debie. Menye bɛdabɛ mɔɔ bɛlɛsisi bɛ la menvi anwongyelelɛ nu,

Dw 1:29

Aleɛ hyenle la Dwɔn nwunle kɛ Gyisɛse ɛlɛba ɛleka mɔɔ ɔwɔ la na ɔhanle kɛ, “Bɛnlea, Nyamenle Boaneralɛ ne mɔɔ ɔbava yeabɔ azu yeaye ewiade amra ɛtane yeahɔ la ɛne!

Dw 19:1

Paelɛte manle bɛbilale Gyisɛse empele.

Ɛzoanvolɛma Gyima ne 10:35

Awie biala mɔɔ sulo ye na ɔdi boɛ la ɔdie ye ɔto nu, yɛɛ ɔnnea ɛleka mɔɔ ɔvi nee maanle holɛ ko mɔɔ ɔvi nu la.

Ɛzoanvolɛma Gyima ne 10:39

Yɛdi mɔɔ ɔyɛle ye wɔ Yizilayɛ maanle ne anu nee Gyɛlusalɛm la amuala anwo daselɛ. Bɛbɔle ye meanubaka nu bɛhunle ye.

Ɛzoanvolɛma Gyima ne 13:29

Bɛwiele debie biala mɔɔ Nyamenle Edwɛkɛ ne kile ye wɔ ɔ nwo la amuala yɛ la, bɛyele ye wɔ meanubaka ne azo na bɛziele ye.

Ɛzoanvolɛma Gyima ne 5:30

Yɛ nlenya mɔ Nyamenle ne dwazole Gyisɛse mɔɔ bɛmɛ bɛbɔle ye meanubaka nu bɛhunle ye la vile ewule nu.

Wulo 6:11

Zɔhane ala yɛɛ ɔwɔ kɛ bɛdabɛ noko bɛdwenle bɛmaa bɛ nwo kɛ bɛwu bɛvi ɛtane tumi ne abo, na ɔlua Kelaese Gyisɛse ati bɛde aze bɛmaa Nyamenle.

Wulo 6:13

Eza ɔnle kɛ bɛtu bɛ sonlabaka ne ɛleka biala bɛmaa ɛtane kɛ bɛva bɛyɛ ninyɛndane biala. Bɛva bɛ nwo bɛmaa Nyamenle kɛ menli mɔɔ bɛye bɛ bɛvi ewule nu bɛra ngoane nu, na bɛdu bɛ nwo ɛleka biala bɛmaa Nyamenle kɛ ɔva ɔyɛ gyima mɔɔ sɔ ɔ nye la.

Wulo 6:16

Bɛdabɛ bɛze ye wienyi kɛ saa bɛbu bɛ nwo bɛmaa awie kɛ bɛsonle ye kɛ bɛle ahanra a, ɛnee bɛle ahanra bɛmaa ahenle ne mɔɔ bɛsonle ye la. Saa ɛtane a le bɛ menle a, bɛbanyia nwolɛ ewule, saa bɛtie Nyamenle noko a, bɛbalie bɛ bɛamaa bɛazɔ Nyamenle anye.

Wulo 6:2

Kyɛkyɛ! Saa ɛtane maa yɛwu a, ɛnee kɛ yɛsi yɛtɛnla ɛtane nu bieko ɛ?

Wulo 6:22

Na kɛkala, bɛye bɛ bɛvi ɛtane nu na bɛrayɛ Nyamenle ahanra, bɛ nvasoɛ a le bɛ ɛbɛla mɔɔ bɛte nwolɛ na bɛadu bɛ nwo bɔkɔɔ bɛamaa ye, na ɔlua zo bɛanyia ngoane mɔɔ ɛnlɛ awieleɛ la.

Wulo 6:7

Ɔluakɛ sonla wu a, ɛnee ɔnle ɛtane tumi bo bieko.

Wulo 7:6

Na kɛkala mɔɔ yɛnle mɛla ne tumi bo, na yɛwu yɛvi mɔɔ bɔle yɛ kpanwu la asa anu la, yɛnzonle kɛmɔ ɛnee yɛwɔ mɛla ne abo la. Yɛsonle wɔ adenle fofolɛ ne mɔɔ Sunsum Nwuanzanwuanza ne kile la anu.

1 Kɔl 15:3

Edwɛkɛ ne mɔɔ menvale membɛlɛle bɛ la le edwɛkɛ mɔɔ hyia kpalɛ. Yɛ ɛtane ti yɛɛ Kelaese wule a, kɛmɔ Nyamenle Edwɛkɛ ne kile la.

2 Kɔl 6:17

Yemɔti kɛ Awulae se la ɛne, “Bɛgyakyi bɛ na bɛhwe bɛ nwo bɛvi bɛ nwo. Bɛmmafa bɛ sa bɛka debie mɔɔ anwo ɛnde la, na menwɔlie bɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:13

Kelaese ɛralie ndeanlɛ muala, na yelie yɛ yevi munzule mɔɔ anrɛɛ mɛla ne fa yɛ ahɔ nu la anu, ɔluakɛ Nyamenle Edwɛkɛ ne se, “Mɔɔ bɛkɛhenda ye wɔ baka zo la munzule ɛha ye.”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:9

Ɔluakɛ wienyi nu yɛɛ kpalɛyɛlɛ, pɛlepɛlelilɛ nee nɔhalɛlilɛ dɔɔnwo vi ba a.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:11

Bɛzo nɔhalɛ ma kpalɛ ne mɔɔ Gyisɛse Kelaese ala a fa maa la na bɛmaa anyunlunyia nee ayɛlɛyelɛ ɛha Nyamenle.

Kɔlɔ 2:14

Ɔpɛle yɛ ɛtane nwo kakɛ biala mɔɔ maa mɛla ne kyekye yɛ la anu, ɔyele ye ɛkɛ ne na ɔvale ɔbɔle meanubaka ne azo.

Kɔlɔ 2:20

Saa bɛ nee Kelaese ɛwu na bɛnyia bɛ ti wɔ awozinli ewiade ye sunsum nu tumima ne mɔ asa anu a, ɛnee akee duzu ati a bɛbɔ bɛ ɛbɛla kɛ asɛɛ bɛde aze bɛmaa ewiade ɛ? Duzu ati a bɛdi mɛla anzɛɛ ngyehyɛlɛ mɔɔ le kɛ,

Kɔlɔ 3:3

Ɔluakɛ bɛwu na bɛva bɛ ngoane bɛboka Kelaese ɛdeɛ ne bɛvea Nyamenle anu.

Kɛlata mɔɔ bɛhɛlɛle bɛhɔmanle Hibuluma la 10:10

Ɔlua ɛhye ati, kɛmɔ Gyisɛse Kelaese yɛle mɔɔ Nyamenle kpondɛ la, ye azu ne mɔɔ ɔvale ɔ nwo ɔyɛle azubɔdeɛ ɔbɔle ye kokye ne ala la ɛde yɛ nwo bɔkɔɔ ɛvi ɛtane nwo.

Kɛlata mɔɔ bɛhɛlɛle bɛhɔmanle Hibuluma la 10:5

Ɔlua ɛhye ati mɔɔ Kelaese bara ewiade la, ɔzele Nyamenle kɛ, “Ɛmkpondɛ azubɔlɛ nee azubɔdeɛ noko wɔmaa me nwolɛ nwonane.

Kɛlata mɔɔ bɛhɛlɛle bɛhɔmanle Hibuluma la 12:13

Bɛlua ndenle kpalɛ nu, amaa bɛ agbɔkɛ ne mɔ mɔɔ ɛtuto la andwɔlɔdwɔlɔ, na bɛazianyizianyi.

Kɛlata mɔɔ bɛhɛlɛle bɛhɔmanle Hibuluma la 7:26

Sɛlɛvolɛ Kpanyinli mɔɔ le zɛhae la yɛɛ kola sɔ yɛ wɔ yɛ ɛhyianlɛ biala anu a, ɔluakɛ ɔle nwuanzanwuanza; ɛtane biala ɛnle ɔ nwo anzɛɛ ye nu. Bɛye ye bɛzie ahane bɛvi ɛtanevolɛma anu na bɛmaa ye zo bɛhɔ anwuma.

Kɛlata mɔɔ bɛhɛlɛle bɛhɔmanle Hibuluma la 9:28

Zɔhane ala yɛɛ bɛvale Kelaese ɔdaye noko bɛbɔle azu kokye ala kɛ ɔranunu menli dɔɔnwo ɛtane ne mɔ a. Ɔbara bieko, na tɛ kɛ ɔ nee ɛtane bali ɔ, na ɔbalie menli ne mɔɔ ɛlɛkendɛ ye la ngoane.

Gyemise Kɛlata ne 5:16

Yemɔti, bɛha bɛ ɛtane ne mɔ bɛhile bɛ nwo ngoko ngoko, na bɛzɛlɛ bɛmaa bɛ nwo ngoko ngoko, na bɛkɛde kpɔkɛ. Sonla tenlene biala nzɛlɛlɛ yɛ nla eza tumi wɔ nu.

1 Dw 2:29

Bɛze kɛ Kelaese le tenlenenli, yemɔti bɛnwu ye kɛ awie biala mɔɔ yɛ debie mɔɔ tenrɛ la le ɔ ra.

1 Dw 3:7

Me mra ngakula, bɛmmamaa awie bɛlɛbɛla bɛ! Awie biala mɔɔ yɛ mɔɔ tenrɛ la le tenlenenli, kɛmɔ Kelaese le tenlenenli la.

Yekile 22:2

ɔdua suakpole ne awɔdenle ne mɔɔ la sua ne avinli la azo. Ngoane baka ne ɛfifi azudenle ne anloa nwiɔ ne, na bɛso ma ngakyile fane bulu nee nwiɔ ɛvolɛ ko biala; siane ko biala ɔso ko, na bɛ nya ne mɔ maa maanle maanle ne mɔ ngoane.