1 Pit 2:23 - BAEBOLO ANZƐƐ BULUKU NWUANZANWUANZA

²³ Noko mɔɔ bɛbɔ ye aholoba la, yeambɔ bɛ bie, bɛgolo ɔ nwo la, yeandɛ ɔ nloa anu; mɔɔ ɔnwu amaneɛ bɔbɔ la, yeanwunlonwunla awie, na ɔvale ye anyelazo kɔsɔɔti ɔdole Nyamenle anwo zo kɛ yemɔ a ɔle pɛlepɛle Ndɛnebuavolɛ ne a.

1 Pit 2:23 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:25

Munzule ɛhɔ ɛbɔ nu, kɛ ɛkɛyɛ debie mɔɔ le zɛhae, na ɛkɛhu tenlenema ɛkɛboka amumuyɛma, na ɛkɛmaa tenlenema kɛwie ye kɛ amumuyɛma la. Ɛhye ɛmbɔnle ɛ nwo! Asoo azɛlɛ ye amuala ndɛnebuavolɛ ɛnrɛli pɛlepɛle?”

Edwɛndolɛ Buluku ne 10:14

Ɛdawɔ ɛnwu ye; ɛhɛe, ɛnwu amaneɛ nee nyane ne, ɛkola ɛsɔ ye ɛ sa mu nwiɔ; mɔɔ ɛnlɛ boavolɛ la fa ɔ nwo maa wɔ; wɔyɛ bɛdabɛ mɔɔ bɛnlɛ bɛ ze mɔ la boavolɛ.

Edwɛndolɛ Buluku ne 31:5

Ɛ sa nu yɛɛ mefa me sunsum mewula a; O Ɛdɛnkɛma, nɔhavo Nyamenle, wɔlie me ngoane.

Edwɛndolɛ Buluku ne 37:5

Fa ɛ nwo maa Ɛdɛnkɛma; fa ɛ rɛle wula ye nu, ɔbali yeamaa wɔ.

Edwɛndolɛ Buluku ne 7:11

Nyamenle le pɛlepɛle ndɛnebuavolɛ, ɔle Nyamenle mɔɔ ɛnli ɛtane nzi fee a.

Edwɛndolɛ Buluku ne 96:13

wɔ Ɛdɛnkɛma anyunlu, ɔluakɛ ɔlɛba, ɔlɛba yearabua ewiade amra ndɛne. Ɔbava tenleneyɛlɛ yeabua ewiade amra ndɛne, ɔbabua menli kɔsɔɔti ndɛne nɔhalɛ nu.

Ayezaya Buluku ne 53:7

Bɛsisile ye, na bɛhilele ye nyane, noko yeambuke ɔ nloa; ɔle kɛ boane ralɛ mɔɔ bɛ nee ye ɛlɛkɔ ahunleɛ, yɛɛ ɔle kɛ boane mɔɔ bɛhye ye bɛlɛpepɛ ɔ nwo enrinli la. Ɔdɔle mumule, yeambuke ɔ nloa.

Edwɛkpa ne kɛmɔ Luku hɛlɛle la 23:41

Na yɛmɛ yɛ ɛdeɛ ne le fɔɔnwo, ɔboalekɛ mɔɔ yɛyɛ la yɛɛ bɛlɛtua yɛ nwolɛ kakɛ a; na yemɔ, ɔtɛyɛle ɛtane biala.”

Edwɛkpa ne kɛmɔ Luku hɛlɛle la 23:46

Na Gyisɛse deanle nu kpole kɛ, “Egya! Me ɛkɛla wɔ ɛ sa nu!” Ɔhanle ɛhye na ɔwule.

Edwɛkpa ne kɛmɔ Luku hɛlɛle la 23:9

Yemɔti Hɛlɔdo bizebizale Gyisɛse edwɛkɛ dɔɔnwo, na Gyisɛse ambua ye.

Ɛzoanvolɛma Gyima ne 17:31

Ɔluakɛ yehile kenle mɔɔ ɔbalua sonla ne mɔɔ yedu ye yezie ɛkɛ ne la anwo zo yeabua aleɛabo amra kɔsɔɔti ndɛne a. Ɔdwazole sonla zɔhane ɔvile ewule nu ɔvale ɔzile edwɛkɛ ɛhye dawua ɔmanle awie biala.”

Ɛzoanvolɛma Gyima ne 4:29

Na Awulae, akee nea kɛ bɛlɛsi bɛanwunlonwunla yɛ a. Maa yɛ, wɔ ɛzoanvolɛma, akɛnrasesebɛ maa yɛhola yɛha wɔ Edwɛkpa ne.

Ɛzoanvolɛma Gyima ne 7:59

Mɔɔ bɛlɛsi Sitivin awolɛ la ɛnee ɔ ne la nu ɔlɛtea ɔfɛlɛ Awulae kɛ, “Awulae Gyisɛse, die me ɛkɛla!”

Ɛzoanvolɛma Gyima ne 9:1

Mekɛ ne anu ɛnee Sɔɔlo lɛ ye kɔdiawu adwenle ne tɛgyegye Awulae ɛdoavolɛma ne. Ɔhɔle Sɛlɛvolɛ Kpanyinli ne ɛkɛ

Wulo 2:5

Noko bɛmɛ bɛ nzo yɛ se kpalɛ, yɛɛ bɛsolo. Zɔhane ati bɛlɛmaa bɛ ndeanlɛ ayɛ kpole wɔ Kenle ne mɔɔ Nyamenle ɛya ne nee ye ndɛnebualɛ fɔɔnwo ne kɛdwu la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:9

Menlenlɛma, bɛdabɛ noko bɛyɛ zɔhane ala bɛmaa bɛ ngɛkɛlɛ ne mɔ, na bɛmmanwunlonwunla bɛ anzɛɛ bɛmmasisi bɛ. Bɛhakye kɛ bɛ nee bɛ ngɛkɛlɛ ne mɔ amuala wɔ Menlenlɛ ko ne ala mɔɔ wɔ anwuma la abo. Yemɔ, ɔnli mɔguazo wɔ ye ndɛnebualɛ nu.

2 Tɛs 1:5

Ɛhye mɔ amuala kile kɛ Nyamenle ndɛnebualɛ ne le fɔɔnwo, amaa bɛafɛta Nyamenle Belemgbunlililɛ ne, mɔɔ yemɔti bɛlɛnwu amaneɛ la.

2 Tem 1:12

Zɔhane ati yɛɛ menwu amaneɛ ɛhye mɔ a. Noko ɔnyɛ me nyiane, ɔluakɛ meze mɔɔ meva me rɛle mewula ye nu la, na medie medi kɛ ɔkɛhola ɔkɛzie mɔɔ meva mewula ɔ sa nu la gyɛlɛɛnye ɔkɛhɔkpula Awulae Kenle ne.

2 Tem 4:8

Na kɛkala konimlilɛ ahyɛlɛdeɛ ne, mɔɔ le fɔɔnwoma abɔtile ne, mɔɔ Awulae, Pɛlepɛle Ndɛnebuavolɛ ne bava amaa me wɔ Awulae Kenle ne la, wɔ ɛkɛ ne maa me, yɛɛ ɔnle ɛkɛ ɔmmaa me ngome, ɔwɔ ɛkɛ ne ɔmaa bɛdabɛ mɔɔ bɛlɛ ɛhulolɛ bɛlɛkendɛ ye ɛralɛ bieko la amuala.

Kɛlata mɔɔ bɛhɛlɛle bɛhɔmanle Hibuluma la 12:3

Bɛdwenle ɛkpɔlɛ mɔɔ Gyisɛse nyianle ye, nee kɛ ɔzile ɔgyinlanle kpundii wɔ ɛkpɔlɛ bebelebe ne anloa, wɔ ɛtanevolɛma asa nu la anwo, na bɛmmamaa bɛ rɛle bɔ anzɛɛ bɛ gyakɛ anzi tuto.

1 Pit 3:9

Bɛmmafa ɛtane bɛtua ɛtane kakɛ anzɛɛ bɛmmafa butule bɛyia butule. Bɛva nyilalɛ nee kosoɛ ɛyɛlɛ bɛdua ɛtane kakɛ, ɔluakɛ ɛhye ati yɛɛ Nyamenle vɛlɛle bɛ a, amaa bɛanyia nyilalɛ.

1 Pit 4:19

Zɔhane ati ɔwɔ kɛ bɛdabɛ mɔɔ Nyamenle ɛhulolɛ ti bɛnwu amaneɛ la bɔ ɛbɛla kpalɛ na bɛfa bɛ nwo bɛto bɛ Bɔvolɛ ne anwo zo, ɔluakɛ ɔdi ye ɛwɔkɛ zo dahuu.

Yekile 19:11

Akee menwunle kɛ anwuma ɛbuke, na nrenya bie de ɛkpɔnwɔ fufule zo gyi ɛkɛ. Nrenya ne mɔɔ de ɛkpɔnwɔ fufule ne azo la bɛfɛlɛ ye Diedinli nee Nɔhavo; ɔfa pɛlepɛle a ɔbua ndɛne, ɔko konle a.