1 Pit 2:19 - BAEBOLO ANZƐƐ BULUKU NWUANZANWUANZA

¹⁹ Saa bɛfa Nyamenle ɛhulolɛ bɛsie bɛ nyunlu, na ɔlua yemɔti bɛnwu amaneɛ mɔɔ ɛnfɛta la, na bɛsi nwolɛ abotane a, ɔbayila bɛ.

1 Pit 2:19 ပူးပေါင်းရင်းမြစ်များ

Dwobu Buluku ne 21:27

“Nea, meze bɛ adwenle, nee me nwo adwenle ɛtane mɔɔ bɛlɛ la,

Edwɛndolɛ Buluku ne 119:86

Wɔ mɛla ne amuala gyi kpundii; bɛfa adalɛ bɛyɛ me kpɔdekpɔde; boa me!

Edwɛndolɛ Buluku ne 35:19

Mmamaa adalɛma mɔɔ kpɔ me la si me nwo zo agole, yɛɛ mmamaa me kpɔvolɛma mɔɔ mgbane gyɛne ne ala kpɔ me la fedevede bɛ nye kile me.

Edwɛndolɛ Buluku ne 38:19

Bɛdabɛ mɔɔ mgbane gyɛne ne ala bɛkpɔ me la anwo yɛ se, yɛɛ bɛdabɛ mɔɔ mgbane gyɛne ne ala bɛkyi me la zonle.

Edwɛndolɛ Buluku ne 69:4

Bɛdabɛ mɔɔ bɛkpɔ me mgbane gyɛne la zonle tɛla me ti enrinli; menli mɔɔ kpondɛ ahu me la anwo yɛ se, yɛɛ adalɛ ala a bɛbɔ ye me nwo a. Debie mɔɔ meanwua la, ɔwɔ kɛ metua ɔ?

Edwɛkpa ne kɛmɔ Luku hɛlɛle la 6:32

“Na saa bɛkulo menli mɔɔ kulo bɛ la angome a, ɛnee duzu nyilalɛ a bɛnyia ye a? Ɛtanevolɛma bɔbɔ kulo menli mɔɔ kulo bɛ la.

Dw 15:21

Bɛbayɛ bɛ ɛhye mɔ amuala ɔboalekɛ bɛmɛ, bɛle me ɛdeɛ, na ɛtane ewiade ɛnze mɔɔ zoanle me la.

Ɛzoanvolɛma Gyima ne 11:23

Mɔɔ ɔhɔdwule na ɔnwunle kɛ Nyamenle ɛzi ɛlo menli ne la, ɔlile fɛlɛko na ɔzile bɛ kɛnra kɛ bɛva bɛ ahonle muala bɛzɔ diedi ne anu kpalɛ na bɛli nɔhalɛ bɛmaa Awulae.

Wulo 13:5

Ɛhye ati ɔwɔ kɛ bɛtie na bɛyɛ mɔɔ menli mɔɔ tumi anzɛɛ maanlebulɛ ne wɔ bɛ sa nu la kɛze bɛ la, tɛ kɛ Nyamenle kɛdea bɛ la ati ɔ, na bɛ adwenle nu te wienyi la ati ɔ.

1 Kɔl 15:10

Noko ɔlua Nyamenle ɛlolɛ ne ati, merayɛ kɛmɔ mede la. Ye ɛlolɛ ne mɔɔ ɔvale ɔlole me la anyɛ gyɛne, ɔluakɛ meyɛ gyima kpalɛ medɛla ɛzoanvolɛma mɔɔ ɛha la amuala, noko tɛ medame me mɔdenlebɔ ɔ, Nyamenle ɛlolɛ ne mɔɔ wɔ me nwo zo la ɔ.

2 Kɔl 1:12

Mɔɔ yɛfa yɛtu yɛ nwo la a le ɛhye: yɛ ti kanrɛlɛ ne di daselɛ kɛ yɛlua Nyamenle nwuanzanwuanzayɛlɛ nee nɔhalɛlilɛ, nee Nyamenle ɛlolɛ ne tumi zo yɛɛ yɛfa yɛbɔ yɛ ɛbɛla wɔ ewiade ye anu a, bɔbɔ wɔ bɛ avinli, na tɛ ewiade nrɛlɛbɛ zo a yɛlua a.

2 Kɔl 8:1

Mediema, yɛkpondɛ kɛ bɛnwu gyima mɔɔ Nyamenle ɛlolɛ ne ɛli wɔ asɔne ne mɔ mɔɔ wɔ Masidonea la anu la.

2 Tem 1:12

Zɔhane ati yɛɛ menwu amaneɛ ɛhye mɔ a. Noko ɔnyɛ me nyiane, ɔluakɛ meze mɔɔ meva me rɛle mewula ye nu la, na medie medi kɛ ɔkɛhola ɔkɛzie mɔɔ meva mewula ɔ sa nu la gyɛlɛɛnye ɔkɛhɔkpula Awulae Kenle ne.

Kɛlata mɔɔ bɛhɛlɛle bɛhɔmanle Hibuluma la 10:2

Saa azubɔlɛ ne te menli mɔɔ sonle Nyamenle la anwo bɔkɔɔ a, anrɛɛ bɛ adwenle ɛnyɛ bɛ kesee kɛ bɛnli ɛtane nwo fɔlɛ bieko, yɛɛ eza anrɛɛ bɛgyakyi azu ne ɛbɔlɛ.

1 Pit 2:20

Ɔluakɛ duzu nvasoɛ yɛɛ bɛkɛnyia ye kɛ bɛkɛyɛ ɛtane na bɛkɛnyia nwolɛ ndeanlɛ a? Na saa bɛdi boɛ la ati bɛnwu nwolɛ amaneɛ na bɛsi nwolɛ abotane a, Nyamenle bayila bɛ.

1 Pit 4:15

Noko akee bɛmmamaa bɛ biala nwu amaneɛ kɛ ɔle kɔdiawu, awule anzɛɛ yedo mɛla anzɛɛ yeva ɔ nloa yedo awie edwɛkɛ nu.