1 Pit 2:18 - BAEBOLO ANZƐƐ BULUKU NWUANZANWUANZA

¹⁸ Bɛmɛ ngɛkɛlɛ, bɛbɛlɛ bɛ nwo aze bɛmaa bɛ menle mɔ; bɛmmabu mɔɔ atiakunlu le kɛnlɛma la angome, na bɛbu mɔɔ ati yɛ se la noko.

1 Pit 2:18 ပူးပေါင်းရင်းမြစ်များ

Edwɛndolɛ Buluku ne 101:4

Menrɛbikye adalɛma fee, yɛɛ me nee ɛtanema ɛnrɛdu.

Mrɛlɛbulɛ Buluku ne 10:32

Tenlenema ze mɔɔ bɛka a menli die to nu la, na amumuyɛma ka mɔɔ futu ahonle la.

Mrɛlɛbulɛ Buluku ne 11:20

Ɛdɛnkɛma kyi menli mɔɔ lɛ adwenle ɛtane la, na ɔ nye die bɛdabɛ mɔɔ bɛdi boɛ la anwo.

Mrɛlɛbulɛ Buluku ne 3:32

ɔluakɛ Ɛdɛnkɛma kyi sonla mɔɔ ɛnli boɛ la, na ɔmaa mɔɔ di boɛ la nwu ye ngyehyɛlɛ ne.

Mrɛlɛbulɛ Buluku ne 8:13

Ɛdɛnkɛma ɛzulolɛ le ɛtane ɛhyilɛ. Mekyi adubɛnwo, mekyi mgbanyizonle, mekyi ɛdendɛlɛ adalɛ.

2 Kɔl 10:1

Medame Pɔɔlo, mesɛlɛ bɛ, bɛse mewɔ bɛ nwo lɔ a menle awie, na saa menle bɛ nwo lɔ a, ɛnee me nloa yɛ se wɔ bɛ nwo. Kelaese ati, melɛ bɛtɛɛyɛlɛ nee atiakunlukɛnlɛma mebodo bɛ,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:22

Nyamenle Sunsum ne ma a le ɛhye mɔ: ɛhulolɛ, anyelielɛ, anzonudwolɛ, abotane, atiakunlukɛnlɛmayɛlɛ, kpalɛyɛlɛ, nɔhalɛlilɛ,

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:2

Ka kile bɛ kɛ bɛmmaka awie anwo edwɛkɛ ɛtane anzɛɛ bɛmmadi butule, na bɛva anzonudwolɛ nee agɔnwolɛyɛlɛ bɛdɛnla na bɛli awie biala eni.

Gyemise Kɛlata ne 3:17

Nrɛlɛbɛ ne mɔɔ vi anwuma lɔ la anwo te, mɔɔ lumua la ɛne. Eza ɔle anzonudwolɛ, ɔka ɔ nwo aze, ɔlɛ ndelebɛbo; anwunvɔnezelɛ ɛyi ye tɛkɛɛ yɛɛ ɔso nyɛleɛ kpalɛ biala ma. Ɔndwenle adwenle ɛtane, yɛɛ ɔmbɔ adalɛ.