1 Pit 2:17 - BAEBOLO ANZƐƐ BULUKU NWUANZANWUANZA

¹⁷ Bɛli menli kɔsɔɔti eni. Bɛhulo bɛ gɔnwo mɔ diedima. Bɛzulo Nyamenle na bɛli Maanle Maanle Belemgbunli ne eni.

1 Pit 2:17 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 20:11

Ebileham buale kɛ, “Menyɛle ye zɔhane, ɔboalekɛ ɛnee medwenle kɛ ɛke amra ɛnzulo Nyamenle fee, na me ye ati bɛkɛhu me.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:12

Ɛdɛnkɛma soanvolɛ ne zele ye kɛ, “Mmafa ɛ sa ɛka kakula ne anzɛɛ mmayɛ ye debie. Ɔluakɛ kɛkala, menwu kɛ ɛsulo Nyamenle, ɔboalekɛ wɔanva ɛ ra kokye ne wɔanyɛ me abokɛ.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 42:18

Ye kenle nsa ne azo, Dwosefi zele ɔ mediema ne mɔ kɛ, “Bɛyɛ ɛhye na bɛkɛnyia bɛ ti, ɔluakɛ mele sonla mɔɔ mesulo Nyamenle a.

1 Edk 29:20

Akee Devidi zele ɛlɔne mɔɔ ɛyia la kɛ, “Bɛye Ɛdɛnkɛma bɛ Nyamenle ne ayɛlɛ.” Na menli ne amuala yeyɛle Ɛdɛnkɛma, bɛ nlenya mɔ Nyamenle ne. Bɛbɔle bɛ ti aze bɛzonlenle Ɛdɛnkɛma na bɛvale enililɛ bɛmanle belemgbunli ne.

Edwɛndolɛ Buluku ne 111:10

Ɛdɛnkɛma ɛzulolɛ le nrɛlɛbɛ bo ɛbɔlɛ; bɛdabɛ mɔɔ bɛlɛ ndelebɛbo kpalɛ la a le bɛdabɛ mɔɔ bɛyɛ tieyɛ la. Ye ayɛlɛyelɛ wɔ ɛkɛ ne dahuu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:12

“Bɛli bɛ ze mɔ nee bɛ nli mɔ eni, amaa bɛ mekɛ awa wɔ azɛlɛ ne mɔɔ medame Ɛdɛnkɛma bɛ Nyamenle ne melɛfa meamaa bɛ la azo.

Mrɛlɛbulɛ Buluku ne 1:7

Ɛdɛnkɛma ɛzulolɛ le adwenle nu ɛbukelɛ mɔlebɛbo, ahoasea kyi nrɛlɛbɛ edwɛkɛ nee ngilehilelɛ.

Mrɛlɛbulɛ Buluku ne 23:17

Mmamaa ɛ nye bolo menli mɔɔ di ɛtane la; kɔ zolɛ sulo Ɛdɛnkɛma alehyenlɛ biala.

Mrɛlɛbulɛ Buluku ne 24:21

Me ra nrenya, sulo Ɛdɛnkɛma na di belemgbunli eni, yɛɛ mmatu biala anloa ɛto,

Nolo 8:2

Di edwɛkɛ mɔɔ belemgbunli kɛha la azo, na mmamaa wɔ adwenle sɛkye kɛ wɔbɔ Nyamenle ɛwɔkɛ a.

Sɛlɛ 19:32

“Bɛnwu kpanyinli a bɛli ye eni, bɛdwazo enililɛ nu bɛmaa mɔɔ ati zo ɛdu la na bɛzulo bɛ Nyamenle ne; medame a mele Ɛdɛnkɛma a.

Zɛkalaya Buluku ne 11:14

Akee membubule me kpɔma ne mɔɔ tɔ zo nwiɔ, mɔɔ medo ye “Koyɛlɛ” la anu mengilele kɛ mezɛkye mediemayɛlɛ mɔɔ la Dwuda nee Yizilayɛ avinli la.

Edwɛkpa ne kɛmɔ Mateyu hɛlɛle la 22:21

Bɛzele kɛ, “Siza ɔ.” Gyisɛse zele bɛ kɛ, “Ɛnee bɛva mɔɔ le Siza ɛdeɛ la bɛmaa ye ɛ, na bɛva mɔɔ le Nyamenle ɛdeɛ noko la bɛmaa ye.”

Dw 13:35

Saa bɛkulo bɛ nwo ngoko ngoko a yɛɛ awie biala kɛnwu kɛ bɛle me ɛdoavolɛma a.”

Wulo 12:10

Bɛva mediema ɛhulolɛ bɛhulo bɛ nwo ngoko kɛ bɛle Kelaese ɛdoavolɛma, na bɛbɔ mɔdenle bɛpele bɛbu bɛ gɔnwo mɔ kpalɛ kpalɛ.

Wulo 13:7

Yemɔti, mɔɔ ɔwɔ kɛ bɛtua la, bɛdua; bɛdua bɛ maanle adwule ngakyile ne mɔ amuala, bɛbu mgbanyima ne mɔ na bɛli bɛ muala eni.

2 Kɔl 7:1

Ayi mɔ, ɛwɔkɛ mɔɔ Nyamenle ɛbɔ yɛ la ɛne. Yemɔti, bɛmaa yɛwowo debie biala mɔɔ wɔ yɛ nwo mɔɔ gua yɛ sonlabaka ye anzɛɛ yɛ ɛkɛla ne mɔ anwo evinli la yɛgua, yɛzulo Nyamenle, na yɛmaa yɛ ɛbɛlabɔlɛ nwo ɛde bɔkɔɔ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:21

Kɛmɔ bɛdi Kelaese eni la, bɛha bɛ nwo aze bɛmaa bɛ nwo ngoko ngoko.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:3

Bɛmmayɛ debie biala angomedi nu anzɛɛ adubɛnwo nu; dahuu bɛva anwoazehanlɛ bɛbu bɛ gɔnwo mɔ bɛdɛla bɛ nwo bɔbɔ.

1 Tem 6:1

Maa bɛdabɛ mɔɔ bɛle ngɛkɛlɛ la ɛbu bɛ menle mɔ kɛ bɛfɛta enililɛ wɔ adenle biala anu, amaa awie biala annyia edwɛkɛ ɛtane anga wɔ Nyamenle duma ne nee yɛ ngilehilelɛ ne anwo.

Kɛlata mɔɔ bɛhɛlɛle bɛhɔmanle Hibuluma la 13:1

Bɛhɔ zo bɛhulo bɛ nwo ngoko ngoko kɛ mediema mɔɔ nee Kelaese a lua la.

1 Pit 1:22

Kɛkala mɔɔ ɔlua bɛ tieyɛ wɔ nɔhalɛ ne anwo bɛde bɛ nwo bɛvi ninyɛndane nwo na bɛnyia ɛhulolɛ bɛmaa bɛ mediema diedima la, bɛmaa bɛ ɛhulolɛ ne ɛyɛ nɔhalɛ ɛhulolɛ mɔɔ vi bɛ ahonle nu a.

1 Pit 2:13

Awulae ati bɛha bɛ nwo aze bɛmaa menli mɔɔ lɛ tumi wɔ bɛ sa nu mɔɔ le kɛ Maanle Maanle Belemgbunli ne, mɔɔ yemɔ a maanle ne anu tumi wɔ ɔ sa nu la,

1 Pit 5:5

Zɔhane ala yɛɛ ɔwɔ kɛ bɛdabɛ ngakula mɔɔ bɛwɔ asɔne ne anu la noko bu mgbanyima ne mɔ na bɛka bɛ nwo aze bɛmaa bɛ a. Bɛ muala bɛva fɛlɛko nee ɛzelekɛ bɛzonle bɛ nwo ngoko ngoko, ɔluakɛ “Nyamenle kyi mɔɔ memaa ɔ nwo zo la, na ɔyila mɔɔ bɛlɛ ɔ nwo aze la.”

1 Sam 15:30

Sɔɔlo buale ye kɛ, “Meyɛ ɛtane ɛdeɛ, noko di me eni ekyii bɔbɔ wɔ me mgbanyima ne mɔ nee Yizilayɛma anyunlu. Ɛ nee me ɛhɔ Gelegale maa mengɔnzonle Ɛdɛnkɛma wɔ Nyamenle ne.”