1 Pit 2:16 - BAEBOLO ANZƐƐ BULUKU NWUANZANWUANZA

¹⁶ Bɛdɛnla kɛ bɛdi bɛ ti anwo, noko bɛmmafa bɛ ti anwo ɛlilɛ ne bɛkedɛheda ɛtane zo. Bɛdɛnla kɛ bɛle Nyamenle ngɛkɛlɛ.

1 Pit 2:16 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 23:13

“Munzule ɛha bɛmɛ mɛla kilehilevolɛma nee Falasiima! Nabalabama! Bɛmɛ, bɛto Anwuma Belemgbunlililɛ anlenkɛ ne anu bɛmaa menli ne ka ɔ nzi; bɛmɛ a, bɛnrɛhɔ nu, yɛɛ akee noko bɛnrɛmaa bɛdabɛ mɔɔ bɛlɛbɔ mɔdenle bɛahɔ nu la adenle bɛnrɛmaa bɛnrɛhɔ nu. [

Dw 15:22

Saa meamba meammanga edwɛkɛ ne meangile bɛ a anrɛɛ bɛnli ɛtane nwo fɔlɛ; kɛkala, bɛnlɛ bɛ ɛtane nwo nyelebɛnloa biala.

Wulo 6:18

bɛliele bɛ bɛvile ɛtane nu na bɛrayɛle ahanra bɛmanle tenleneyɛlɛ.

Wulo 6:22

Na kɛkala, bɛye bɛ bɛvi ɛtane nu na bɛrayɛ Nyamenle ahanra, bɛ nvasoɛ a le bɛ ɛbɛla mɔɔ bɛte nwolɛ na bɛadu bɛ nwo bɔkɔɔ bɛamaa ye, na ɔlua zo bɛanyia ngoane mɔɔ ɛnlɛ awieleɛ la.

1 Kɔl 7:22

Ɔluakɛ akɛlɛ mɔɔ Awulae ɛvɛlɛ ye la ɛyɛ dehelɛ wɔ Awulae anu; zɔhane ala yɛɛ mɔɔ le dehelɛ na bɛvɛlɛ ye la, le akɛlɛ maa Kelaese a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:1

Yɛlɛ fanwodi; Kelaese ɛraye yɛ kɔme kpomgbolo. Yemɔti, bɛgyinla kpundii kɛ bɛdi bɛ ti anwo, na bɛmmamaa adenle bɛmaa bɛyɛ bɛ ngɛkɛlɛ bieko.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:13

Na bɛmɛ me mediema, Nyamenle ɛvɛlɛ bɛ, ɛye bɛ kɔme kpomgbolo. Yemɔti bɛmmadi bɛ atiakunluwɔzo nzi na bɛfa bɛ fanwodi ne bɛyɛ mɔɔ bɛdabɛ bɛkulo la. Bɛva ɛhulolɛ bɛzonle bɛ nwo ngoko.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:6

Tɛ ɛnyelɛ zo yɛkile nu ɔ, na bɛva ahonle kpalɛ bɛyɛ mɔɔ Nyamenle kpondɛ la; bɛyɛ ye kɛ bɛle Kelaese ngɛkɛlɛ,

Kɔlɔ 3:24

Bɛhakye kɛ Awulae a bamaa bɛ nwolɛ ahatualɛ ne mɔɔ yeva yezie ɛkɛ yemaa ye menli la a. Ɔluakɛ Awulae Kelaese a le Menlenlɛ ne mɔɔ bɛsonle ye la.

1 Tɛs 2:5

Bɛdabɛ bɛze ye wienyi kɛ yɛanva huhudi ɛdendɛlɛ kɛnlɛma yɛangeda anyebolo zo, Nyamenle di yɛ daselɛ wɔ ɛhye anwo.

Gyemise Kɛlata ne 1:25

Na awie mɔɔ neɛnlea fanwodi mɛla ne mɔɔ di munli la anu, na ɔsɔ nu dwaa ɔfa ɔbɔ ye ɛbɛla, na ɔndie ye mgbane ala ɔmmaa ɔ rɛle ɛnvi, na ɔyɛ gyima mɔɔ ɔwɔ kɛ ɔyɛ la, yemɔ yɛɛ Nyamenle kɛyila ye wɔ ye ɛbɛlabɔlɛ nu a.

Gyemise Kɛlata ne 2:12

Bɛdendɛ na bɛbɔ bɛ ɛbɛla kɛ menli mɔɔ bɛbava fanwodi mɛla ne bɛabua bɛ ndɛne la.

2 Pit 2:19

Bɛfa fanwodi bɛbɔ ɛwɔkɛ, wɔ mekɛ mɔɔ bɛdabɛ mumua ne bɛle subane ɛtane nwo ahanra la. Sonla biala mɔɔ kɛmaa debie kɛvo ɔ nwo zo la le kanranli maa deɛ zɔhane.

Dwuudu Kɛlata ne 1:4

Ɔluakɛ menli bie mɔɔ ɛnze Nyamenle na bɛyɛ bɛ nzonlɛ bɛdo ɛkɛ dɛba kɛ bɛbazɛkye bɛ la ɛpe adenle bie azo ɛravea yɛ avinli. Menli ɛhye mɔ kakyi yɛ ɛlolɛ ne mɔɔ Nyamenle ɛva ɛlo yɛ mgbane la adwɔmanebɔlɛ, yɛɛ eza bɛkpo Gyisɛse Kelaese mɔɔ le yɛ Menle nee yɛ Awulae kokye la.