1 Pit 2:12 - BAEBOLO ANZƐƐ BULUKU NWUANZANWUANZA

¹² Ɔwɔ kɛ bɛmaa bɛ nyɛleɛ wɔ maanlema avinli yɛ kɛnlɛma, amaa saa bɛsi bɛ amgbu kɛ bɛnle kpalɛ bɔbɔ a, ɛnee kɛmɔ bɛnwu bɛ nyɛleɛ kpalɛ ne la ati bɛaye Nyamenle ayɛlɛ wɔ Kenle ne mɔɔ Awulae bara la.

1 Pit 2:12 ပူးပေါင်းရင်းမြစ်များ

Edwɛndolɛ Buluku ne 37:14

Amumuyɛma twe dadeɛ na bɛkpo bɛ ɛda ne mɔ, kɛ bɛku ehyianli ne nee mɔɔ ɛhyia la, kɛ bɛku bɛdabɛ mɔɔ bɛdi pɛlepɛle la;

Edwɛndolɛ Buluku ne 50:23

Mɔɔ kɛva moyɛlɛ kɛra kɛ ye azubɔdeɛ la di me eni; mɔɔ kɛva adenle kpalɛ zo la, mebahile ye Nyamenle ngoanelielɛ ne!”

Ayezaya Buluku ne 10:3

Saa Nyamenle ndeanlɛ mekɛ ne dwu na ahumu ne mɔɔ vi moa nehane bara la dwazo a duzu a bɛkɛyɛ a? Nienwu yɛɛ bɛbabɔ bɛ ti a, yɛɛ nienwu a bɛbagyakyi bɛ anwonyia ne mɔ a?

Daneɛle Buluku ne 6:4

Mgbanyima ne nee amɛnladoma ne mɔ bɔle kpɔkɛ kɛ bɛnea Daneɛle maamulɛ ne anu boɛ bɛakpondɛ nvonleɛ bie bɛatia ye, na bɛannyia ɛzonle biala bɛando Daneɛle anwo zo, ɔboalekɛ ɔdi nɔhalɛ; bɛannwu ɛtane anzɛɛ nvonleɛ wɔ ye maamulɛ nu.

Edwɛkpa ne kɛmɔ Mateyu hɛlɛle la 10:25

Ɔwɔ kɛ ɛdoavolɛ biala yɛ kɛ ɔ menle la, yɛɛ ɔwɔ kɛ akɛlɛ yɛ kɛ ɔ menle la. Saa bɛvɛlɛ sua menle ne Biyɛlezɛbɛle a, ɛnee ye sua nu ɛkɛ ne amra ɛdeɛ bɛkɛvɛlɛ bɛ aluma dɔɔnwo kpalɛ.

Edwɛkpa ne kɛmɔ Mateyu hɛlɛle la 5:11

“Nyilalɛ ɛha bɛ kɛ bɛle me ɛdoavolɛma la ati bɛbɔ bɛ aholoba, bɛyɛ bɛ kpɔdekpɔde na bɛsoa ɛzonle ngakyile muala bɛgua bɛ nwo zo la.

Edwɛkpa ne kɛmɔ Mateyu hɛlɛle la 5:16

Zɔhane ala yɛɛ bɛmaa bɛ ɛbɛla kpalɛ ne ɛyɛ kɛ kɛnlaneɛ na ɔda wɔ menli nu a, amaa bɛanwu bɛ gyima kpalɛ ne mɔɔ bɛyɛ la na bɛaye bɛ Ze mɔɔ wɔ anwuma la ayɛlɛ.

Edwɛkpa ne kɛmɔ Mateyu hɛlɛle la 9:8

Menli ne mɔ nwunle ye zɛhae la, ɛzulolɛ hanle bɛ, na bɛyele Nyamenle ayɛlɛ kɛ yeva tumi mɔɔ le zɛhae la yemaa sonla a.

Edwɛkpa ne kɛmɔ Luku hɛlɛle la 1:68

“Bɛmaa yɛye Awulae, Yizilayɛ Nyamenle ne ayɛlɛ! Yeraboa ye menli na yekpɔne bɛ.

Edwɛkpa ne kɛmɔ Luku hɛlɛle la 19:44

Bɛbagologolo wɔ bɛagua na bɛazɛkye menli mɔɔ wɔ zolɛ la amuala; bɛnrɛgyakyi bolɛ ko bɔbɔ wɔ ɔ bo zo ne, ɔboalekɛ wɔannwu mekɛ ne mɔɔ Nyamenle rale kɛ ɔbalie wɔ ngoane la.”

Edwɛkpa ne kɛmɔ Luku hɛlɛle la 6:22

“Nyilalɛ ɛha bɛ, wɔ mekɛ mɔɔ menli kɛkpo bɛ, kɛyɛ bɛ aholoba, na bɛkɛze bɛ kɛ bɛle musuofoɔ, wɔ mame Sonla Ra me ti la!

Dw 13:31

Dwudase vindele la, Gyisɛse hanle kɛ, “Akee bɔ zo mɔɔ medame Sonla Ra, me anyunlunyia ne ɛla ali a; bɛbalua me nwo zo bɛaye Nyamenle anyunlunyia ne bɛahile.

Ɛzoanvolɛma Gyima ne 15:14

Saemɔn ɛha ɛhile nu kɛkala kɛ ɔzile ɔyɛle mɔɔ Nyamenle anye hɔle bɛdabɛ mɔɔ bɛnle Dwuuma la anwo zo na ɔyele menli wɔ bɛ avinli ɔrayɛle ye ɛdeɛ bɔkɔɔ la.

Ɛzoanvolɛma Gyima ne 24:13

Bɛngola bɛnzi bɛ ɛzonledonlɛ ne pi bɔbɔ.

Ɛzoanvolɛma Gyima ne 25:7

Mɔɔ Pɔɔlo rale la, Dwuuma mɔɔ vi Gyɛlusalɛm rale la radonle ye ɛzonle mgbole bie mɔɔ akee bɛdabɛ bɔbɔ bɛngola bɛngilehile nu a.

Ɛzoanvolɛma Gyima ne 28:22

Na yɛkulo kɛ yɛtie wɔ adwenle. Mɔɔ yɛze ye ɛke la a le kɛ, zɛhae fane ye mɔɔ ɛwɔ nu la, awie biala tendɛ tia ye.”

Wulo 12:17

Saa awie yɛ bɛ ɛtane a, bɛmmadi ye nzenralɛ. Bɛbɔ mɔdenle bɛyɛ mɔɔ awie biala nea a ɛnee nwolɛ te la.

Wulo 13:13

Bɛmaa yɛli yɛ nwo eni, na yɛbɔ yɛ ɛbɛla kpalɛ kɛ menli mɔɔ wɔ alehyenlɛ nu la, mɔɔ anwondɛlɛ mgbane mgbane, nzabolɛ, adwɔmanebɔlɛ, anzɛɛ huhunli ɛbɛla ɛbɔlɛ, konle anzɛɛ nungule ɛhwenlɛ biala ɛnle nu a.

Wulo 14:18

Awie biala mɔɔ sonle Kelaese wɔ zɛhae adenle zo la yɛɛ Nyamenle anye die ɔ nwo na ɔsɔ menli nye a.

Wulo 15:9

na yeamaa bɛdabɛ mɔɔ bɛnle Dwuuma la aye Nyamenle ayɛlɛ wɔ ye anwunvɔnezelɛ ne ati. Ɔluakɛ Nyamenle Edwɛkɛ ne se, “Zɔhane ati mebaye wɔ ayɛlɛ wɔ menli mɔɔ ɛnle Dwuuma la avinli. Mebado ayɛlɛyelɛ edwɛne meayeyɛ wɔ”

1 Kɔl 14:25

aye ɔ ti anu edwɛkɛ ahile ye, na yeamaa yeabɔ ɔ ti aze yeazonle Nyamenle, na yeaha yeado gua kɛ, “Amgba Nyamenle nee bɛ de!”

2 Kɔl 1:12

Mɔɔ yɛfa yɛtu yɛ nwo la a le ɛhye: yɛ ti kanrɛlɛ ne di daselɛ kɛ yɛlua Nyamenle nwuanzanwuanzayɛlɛ nee nɔhalɛlilɛ, nee Nyamenle ɛlolɛ ne tumi zo yɛɛ yɛfa yɛbɔ yɛ ɛbɛla wɔ ewiade ye anu a, bɔbɔ wɔ bɛ avinli, na tɛ ewiade nrɛlɛbɛ zo a yɛlua a.

2 Kɔl 13:7

Yɛsɛlɛ Nyamenle kɛ bɛnrɛyɛ ɛtane, tɛ kɛ amaa bɛanwu kɛ yɛho yɛdɔ zolɛ ɔ, na amaa yɛmɛ, saa ɔzɔho kɛ yɛkpo aze bɔbɔ a, bɛmɛ bɛayɛ mɔɔ le fɔɔnwo la.

2 Kɔl 8:21

Debie titile mɔɔ gyi yɛ nye zo la a le kɛ yɛkɛyɛ mɔɔ tenrɛ wɔ Nyamenle nee menli nyunlu la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:3

Nɔhalɛ, ɛnee yɛdayɛ noko yɛle kɛ bɛdabɛ ala la; yɛbɔle ɛbɛla mɔɔ yɛdayɛ yɛkulo la, yɛyɛle mɔɔ yɛ nwonane ne atiakunluwɔzo nee yɛ adwenle zele yɛ la, na ɔlua zo yɛhanle Nyamenle ɛya kɛ awie biala la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:22

Zɔhane ati, bɛdu bɛ su dɛba ne mɔɔ manle bɛbɔle ɛbɛla mɔɔ bɛdabɛ bɛkulo na ɔvale ye atiakunluwɔzo ɛtane ne ɔzɛkyele bɛ la bɛgua.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:27

Bɛmaa bɛ ɛbɛlabɔlɛ wɔ menli nu ɛfɛta mɔɔ Kelaese anwo Edwɛkpa ne kilehile la, amaa saa meba bɛ nwo lɔ o, menle lɔ o, meade kɛ bɛlɛ koyɛlɛ nee adwenle ko bɛgyi kpundii kɛ menli mɔɔ wɔ afoa na bɛlɛko kɛ menli kɛzɔ diedi ne anu.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:8

Me mediema, mɔɔ meka meadwula me edwɛkɛ ne la a le kɛ, bɛdwenle ninyɛne mɔɔ le nɔhalɛ, mɔɔ lɛ duma, ninyɛne mɔɔ le fɔɔnwo, mɔɔ anwo te, mɔɔ le kɛnlɛma, mɔɔ sɔ ɛnyelɛ, nee mɔɔ di munli na ayɛlɛyelɛ wɔ nwolɛ la anwo.

1 Tɛs 4:12

Saa bɛyɛ ye zɔhane na bɛanva bɛ rɛle bɛanzɔ awie a, bɛdabɛ mɔɔ bɛwɔ amozi na bɛnle diedima la kɛbu bɛ bie.

1 Tem 2:2

Yɛ nzɛlɛlɛ ne bie maa arelemgbunli nee menli mɔɔ tumi wɔ bɛ sa nu la amuala, amaa yɛ nwo adɔ yɛ na yɛanyia anzonudwolɛ yɛabɔ yɛ ɛbɛla, na yɛanyia adenle yɛazonle yɛ Nyamenle ne, yɛali ye eni, kɛmɔ ɔfɛta la.

1 Tem 4:12

Mmamaa awie bu wɔ kakula; maa wɔ ɛdendɛlɛ nee wɔ nyɛleɛ, wɔ ɛhulolɛ, wɔ diedi nee wɔ anwondelɛ ɛyɛ ndonwo ɛmaa diedima ne amuala.

1 Tem 5:10

yɛɛ ye nyɛleɛ kpalɛ ti bɛbɔ ye duma kpalɛ kɛ ɔle raalɛ mɔɔ tetele ɔ mra kpalɛ, ɔliele nyɛvolɛ, ɔwowole anwondelɛma agyakɛ anwo, ɔboale bɛdabɛ mɔɔ bɛ nwo hyelele bɛ, na ɔdule ɔ nwo ɔmanle gyima kpalɛ biala ɛyɛlɛ la.

Kɛlata mɔɔ bɛhɛlɛle bɛhɔmanle Hibuluma la 13:18

Bɛhɔ zolɛ bɛzɛlɛ bɛmaa yɛ. Yɛsi pi kɛ yɛ adwenle nu le wienyi, ɔboalekɛ yɛkpondɛ kɛ dahuu yɛyɛ mɔɔ le kpalɛ la.

Kɛlata mɔɔ bɛhɛlɛle bɛhɔmanle Hibuluma la 13:5

Bɛye ezukoa nwo anyebolo bɛvi bɛ ɛbɛla nu, na bɛmaa bɛ kunlu ɛdwo mɔɔ bɛlɛ ye la anwo. Ɔluakɛ Nyamenle ɛha ye kɛ, “Menrɛgyakyi bɛ ɛlɛ, yɛɛ me rɛle ɛnrɛvi bɛ fee.”

Gyemise Kɛlata ne 3:13

Bɛ nuhua boni a ze nrɛlɛbɛ na ɔlɛ ndelebɛbo a? Bɛmaa ɔva ye ɛbɛlabɔlɛ kpalɛ ɔpɛ kilemunli ɔhile nyɛleɛ kpalɛ mɔɔ bɛfa mɛlɛbɛnwoaze nee nrɛlɛbɛ bɛyɛ la.

1 Pit 2:15

Ɔluakɛ Nyamenle ɛhulolɛ a le kɛ bɛkɛva bɛ nyɛleɛ kpalɛ ne mɔ bɛkɛmaa ahɔnwɔne kɛgyakyi mgbane mgbane ɛhehanlɛ.

1 Pit 3:16

noko anrɛɛ bɛva bɛtɛɛyɛlɛ amaa saa awie mɔ keha bɛ nwo edwɛkɛ ɛtane ɛtane a, bɛ subane kpalɛ ne, kɛmɔ bɛle Kelaese ɛdoavolɛma na bɛdi boɛ la agua menli zɔhane mɔ anyunlu aze.

1 Pit 4:11

Sonla ne mɔɔ ka Nyamenle edwɛkɛ la ɛnlea ɛha Nyamenle edwɛkɛ ne; mɔɔ sonle noko la ɛva ye anwosesebɛ mɔɔ Nyamenle ɛva ɛmaa ye la amuala ɛzonle, amaa debie biala mɔɔ bɛyɛ la anu menli ava ayɛlɛyelɛ alua Gyisɛse Kelaese anwo zo amaa Nyamenle. Yemɔ yɛɛ anyunlunyia nee tumi le ye ɛdeɛ dahuu a. Amen.

2 Pit 3:11

Na saa bɛbazɛkye ewiade ye amuala wɔ adenle zɛhae anu a, ɛnee bɛdabɛ bɛnea a duzu menli a ɔwɔ kɛ bɛyɛ a? Ɔwɔ kɛ bɛyɛ menli mɔɔ bɛ ɛbɛla nwo te saanwu na bɛtu bɛ nwo bɛmaa Nyamenle,

Wulu 3:14

Yemɔti Wulutu lale ɔ gyakɛ anu ɛkɛ ne na ɔdwazole nwonlomɔ mangyee ne ala mɔɔ ɛnee maanle nu ɛtɛtetele la kɛ ɔkɔ. Bowaze zele ye kɛ, “Mmamaa awie biala te kɛ raalɛ rale ɛleka mɔɔ bɛkpogya ma ye la.”