1 Pit 2:11 - BAEBOLO ANZƐƐ BULUKU NWUANZANWUANZA

¹¹ Ayi mɔ, mesɛlɛ bɛ, bɛle nyɛvolɛ nee adendulɛma wɔ ewiade! Bɛmmadi nwonane atiakunluwɔzo ne mɔ mɔɔ dahuu nee bɛ ɛkɛla ko la anzi fee.

1 Pit 2:11 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 21:34

Na Ebileham dɛnlanle Filisitia maanle nu hyɛle kpalɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 23:4

“Mele ɛyɛvolɛ a mede bɛ avinli ɛke a; bɛmaa me azɛlɛ mendɔ menyɛ me azie menzie me funli wɔ zolɛ.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 47:9

Gyekɔbo buale kɛ, “Meli ɛvolɛ ɛya ko abulasa; me ngoane mekɛ ne le ekyi bie ala, ɔndwu egya mɔ ɛdeɛ ne mɔɔ bɛlile la, noko nuhua le ɛvɛlɛ ngome.”

1 Edk 29:15

O Ɛdɛnkɛma, ɛdawɔ ɛze kɛ yɛle nyɛvolɛ wɔ ɛbɛla ɛsɛlɛ ye azo na yɛle kɛ menli mɔɔ ɛra nlɔnu wɔ azɛlɛ ye azo a, kɛmɔ yɛ nlenya mɔ yɛle la. Yɛ mekɛ wɔ azɛlɛ ye azo le kɛ ɛlawolɛ mɔɔ ɛlɛse, ɔngyɛ ɛnee yepɛ nuhua.

Edwɛndolɛ Buluku ne 119:19

Mele ɛyɛvolɛ wɔ azɛlɛ ye azo; mmafa wɔ mɛla ne mɔ ɛfea me.

Edwɛndolɛ Buluku ne 119:54

Meva wɔ mɛla ne mɔ meyɛ me edwɛne wɔ me ɛbɛlabɔlɛ adendulɛ nu.

Edwɛndolɛ Buluku ne 39:12

O Ɛdɛnkɛma, tie me nzɛlɛlɛ, na gyele ɛ nzo tie me ɛzunlɛ; mmamaa me monle ɛhwinlɛ yɛ mgbane ɛ nyunlu. Ɔluakɛ mele wɔ ɛyɛvolɛ mɔɔ ɛlɛpɛ nu aze, adendulɛnli, kɛ yɛ nlenya mɔ la.

Sɛlɛ 15:18

Saa nrenya nee raalɛ da na ɔ nwo ba a, ɔwɔ kɛ bɛ mu nwiɔ bɛbia, yɛɛ bɛ nwo ɛnrɛde toonwo nɔsolɛ.

Sɛlɛ 25:23

“Ɔnle kɛ bɛtɔne azɛlɛ biala bɔkɔɔ, ɔluakɛ azɛlɛ ne le Nyamenle ɛdeɛ; yɛɛ bɛle nyɛvolɛ nee adendulɛma mɔɔ nee me de a.

Edwɛkpa ne kɛmɔ Luku hɛlɛle la 21:34

“Bɛnlea bɛ nwo boɛ! Bɛmmamaa anyelielɛ dɔɔnwo, nza ɛbolɛ nee ɛbɛla ye anu ɛvɛlɛvɛlɛ di bɛ adwenle somaa, anrɛɛ Ndɛnebualɛ Kenle ne ɛralɛ kɛli bɛ nvunu kɛhye bɛ kɛ ɛhane;

Ɛzoanvolɛma Gyima ne 15:20

Bɛmaa yɛhɛlɛ kɛlata yehɔmaa bɛ kɛ bɛhwe bɛ nwo bɛvi ninyɛne mɔɔ anwo ɛnde, mɔɔ le kɛ aleɛ mɔɔ bɛva bɛkpa munzule anzɛɛ bɛva bɛzɔ amonle la anwo, nee ninyɛne mɔɔ le kɛ adwɔmane ɛbɔlɛ nee nane mɔɔ bɛlofo ye bɛhu ye na bɛampɛ ɔ kɔme la ɛlilɛ nee mogya nwo.

Ɛzoanvolɛma Gyima ne 15:29

Bɛmmadi aleɛ mɔɔ bɛva bɛkpa munzule anzɛɛ bɛva bɛzɔ amonle la; bɛmmadi mogya; bɛmmadi nane mɔɔ bɛlofo ye na bɛampɛ ɔ kɔme la, na bɛhwe bɛ nwo bɛvi adwɔmane ɛbɔlɛ nwo. Saa bɛtwe bɛ nwo bɛfi ɛhye mɔ anwo a ɛnee bɛlua adenle fɔɔnwo ne anu. Yɛbiza bɛ ahye.”

Wulo 12:1

Zɔhane ati me mediema, Nyamenle anwunvɔnezelɛ bebelebe ne mɔɔ ɔse yɛ la ati, mesɛlɛ bɛ, bɛva bɛ sonlabaka ne mɔ bɛbɔ azu mɔɔ anwo te na ɔsɔ ɛnyelɛ la bɛmaa Nyamenle. Ɛhye a le sunsum nu ɛzonlenlɛ kpalɛ mɔɔ ɔwɔ kɛ bɛfa bɛsonle ye a.

Wulo 7:23

Na menwu mɛla fofolɛ bie wɔ me sonlabaka ye nvɛyeba ne mɔ amuala anu. Mɛla ɛhye ko tia mɔɔ me adwenle kulo kɛ ɔyɛ la, na ɔmaa meyɛ kanranli memaa ɛtane mɛla ne mɔɔ ɛlɛdi gyima wɔ me sonlabaka ne anu la.

Wulo 8:13

Ɔluakɛ saa bɛtɛnla bɛmaa bɛ sonlabaka ne a, bɛbawu; na saa bɛtɛnla bɛmaa Sunsum ne a, bɛbahu nyɛleɛ ɛtane ne mɔɔ wɔ bɛ nu la, na bɛanyia ngoane.

2 Kɔl 5:20

Yɛle Kelaese agyakɛ anu gyinlavolɛma, na ɔlua yɛ nwo zo Nyamenle ɛlɛtu folɛ. Zɔhane ati yɛgyi Kelaese agyakɛ anu yɛbodo yɛsɛlɛ bɛ kɛ bɛmaa Nyamenle adenle bɛmaa ɔhakyi bɛ kɛ bɛnle agbɔvolɛ na bɛle ɔ gɔnwo mɔ.

2 Kɔl 6:1

Kɛmɔ yɛ nee Kelaese bɔ nu yɛ gyima la, yɛbodo yɛsɛlɛ bɛ kɛ bɛmmamaa Nyamenle ɛlolɛ ne mɔɔ bɛ sa ɛha ye la yɛ mgbane.

2 Kɔl 7:1

Ayi mɔ, ɛwɔkɛ mɔɔ Nyamenle ɛbɔ yɛ la ɛne. Yemɔti, bɛmaa yɛwowo debie biala mɔɔ wɔ yɛ nwo mɔɔ gua yɛ sonlabaka ye anzɛɛ yɛ ɛkɛla ne mɔ anwo evinli la yɛgua, yɛzulo Nyamenle, na yɛmaa yɛ ɛbɛlabɔlɛ nwo ɛde bɔkɔɔ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:24

Bɛmɛ mɔɔ bɛle Kelaese Gyisɛse ɛdeɛ la, ɛbɔ bɛ su dɛba ne nee bɛ nwonane ne atiakunluwɔzo mgbane mgbane ne mɔ amuala meanubaka nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:19

Yemɔti, bɛmɛ mɔɔ bɛnle Dwuuma la bɛnle nyɛvolɛ anzɛɛ maanle zo amra bieko; kɛkala bɛle mandimase wɔ Nyamenle menli ne avinli na bɛbɔ Nyamenle abusua eku ne bie.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:1

Zɔhane ati, mesɛlɛ bɛ, meze kɛ Awulae ɛzonlenlɛ ne ati mela efiade bɔbɔ ɛdeɛ, noko bɛbɔ ɛbɛla mɔɔ fɛta Nyamenle ɛvɛlɛlɛ ne mɔɔ yemɔti yevɛlɛ bɛ la.

2 Tem 2:22

Yemɔti kpo wɔ mgbavolɛ nu atiakunluwɔzo ne mɔ na ɛ nee bɛdabɛ mɔɔ bɛfa ahonle mɔɔ nuhua te bɛfɛlɛ Awulae la ɛpele ɛkpondɛ pɛlepɛlelilɛ, diedi, ɛhulolɛ, nee anzonudwolɛ bo zo.

Kɛlata mɔɔ bɛhɛlɛle bɛhɔmanle Hibuluma la 11:13

Diedi nu yɛɛ menli ɛhye mɔ amuala wule a. Bɛ sa anga ɛwɔkɛ ne mɔ mɔɔ Nyamenle bɔle bɛ la, noko bɛnwunle ye bɛ adwenle nu wɔ moa moa na bɛliele bɛdole nu kɛ bɛle nyɛvolɛ mɔɔ ɛra nlɔnu wɔ azɛlɛ ɛhye azo a.

Kɛlata mɔɔ bɛhɛlɛle bɛhɔmanle Hibuluma la 6:9

Noko ayi mɔ, saa yɛtendɛ zɛhae bɔbɔ a, yɛ adwenle si pi wɔ bɛ nwo. Yɛze kɛ nyilalɛ kpalɛ bie wɔ ɛkɛ mɔɔ beta ngoanelielɛ nwo a.

Gyemise Kɛlata ne 4:1

Duzu a twehwe konle ba a, yɛɛ duzu a fa butule ba bɛ avinli a? Asoo tɛ bɛdabɛ bɛ angomedi atiakunluwɔzo ne mɔ a dahuu nee bɛ ko bɛ nuhua la?

1 Pit 1:1

Kɛlata ɛhye vi medame Pita, mɔɔ mele Gyisɛse Kelaese ɛzoanvolɛ la ɛkɛ. Melɛ mekamaa Nyamenle menli ne mɔɔ yekpa nu yeye bɛ na bɛha maanɔne wɔ Pɔntɛse, Galeehyea, Kapɛdosea, Ehyea, yɛɛ Baetenea maanzinli ne mɔ anu la amuala.

1 Pit 1:17

Bɛyɛ nzɛlɛlɛ a bɛfɛlɛ Nyamenle ne mɔɔ ɔnnea sonla nyunlu na ɔbua menli kɔsɔɔti ndɛne, kɛmɔ biala nyɛleɛ si de la bɛ Ze. Zɔhane ati, bɛva Nyamenlezulolɛ bɛbɔ bɛ ɛbɛla wɔ mekɛ mɔɔ bɛwɔ nlɔnu la.

1 Pit 4:12

Ayi mɔ, bɛmmamaa amaneɛnwunlɛ kpole mɔɔ bara bɛ nwo zo arazɔ bɛ anlea la yɛ bɛ azibɛnwo kɛ asɛɛ debie ɛzulolɛ bie ɛrado bɛ.

1 Pit 4:2

Na ɔvi mekɛ ne anu mɔɔ kɔ la, ɔmaa Nyamenle ɛhulolɛ ne dielie ye wɔ ye ɛbɛlabɔlɛ mɔɔ ɛha amozi la anu na ɔgyakyi ye atiakunluwɔzo nzi ɛlilɛ.

2 Pit 3:1

Ayi mɔ, kɛlata mɔɔ tɔ zo nwiɔ mɔɔ melɛkɛlɛ mearɛlɛ bɛ la ɛne. Wɔ bɛ mu nwiɔ anu, mebɔ mɔdenle kɛ mekakyehakye bɛ adwenle,