1 Pit 1:7 - BAEBOLO ANZƐƐ BULUKU NWUANZANWUANZA

⁷ Ninyɛne ɛhye mɔ wɔ ɛkɛ kɛ bɛfa bɛazɔ bɛ diedi bɛanlea saa ɔgyi kpundii a. Ezukoa nvutuke bɔbɔ mɔɔ sɛkye la, bɛfa senle a bɛnea kɛ ɔle kpalɛ a; zɔhane ala yɛɛ ɔwɔ kɛ bɛ diedi ne mɔɔ hyia tɛla ezukoa nvutuke la bɛsɔ ye bɛnea a, amaa yeava ayɛlɛyelɛ, anyunlunyia, yɛɛ enililɛ yearɛlɛ bɛ wɔ Kenle ne mɔɔ Gyisɛse bara la.

1 Pit 1:7 ပူးပေါင်းရင်းမြစ်များ

Dwobu Buluku ne 23:10

Noko yemɔ, ɔze adenle mɔɔ mefa zo la; saa ɔsɔ me ɔnea a, mebavi kɛ ezukoa nvutuke.

Dwobu Buluku ne 28:1

“Kuma wɔ ɛkɛ mɔɔ bɛtu dwɛtɛ fufule nu, yɛɛ ɛleka wɔ ɛkɛ mɔɔ bɛtu ezukoa nvutuke nu a.

Edwɛndolɛ Buluku ne 17:3

Saa ɛsɔ me ɛnea, saa ɛba me nwo nɔɔzo, saa ɛneɛnlea me nu a, ɛkɛnwu kɛ menle amumuyɛ; menva me nloa menga ɛtane.

Mrɛlɛbulɛ Buluku ne 16:16

Ɛze nrɛlɛbɛ a ɔle kpalɛ ɔtɛla kɛ ɛlɛ ezukoa nvutuke, yɛɛ ɛlɛ ndelebɛbo a ɔle kpalɛ ɔtɛla dwɛtɛ fufule.

Mrɛlɛbulɛ Buluku ne 17:3

Bɛfa senle a bɛsɔ dwɛtɛ fufule nee ezukoa nvutuke bɛnea a, yɛɛ Ɛdɛnkɛma a sɔ ahonle kɔsɔɔti nea a.

Mrɛlɛbulɛ Buluku ne 8:19

Meso ma a ɔsonle bolɛ ɔtɛla ezukoa nvutuke tagyee, me nzoleɛ sonle bolɛ tɛla dwɛtɛ fufule tagyee.

Nolo 5:14

Ɔyɛ ezukoa ne mgbane mgbane ɔmaa ɔ muala fi ɔ sa; ɔle selɛ, ɔlɛ ɔ ra nrenya, noko ɔ sa nu fuenyi.

Ayezaya Buluku ne 48:10

Bɛnlea, mede bɛ nwo, noko bɛ nee dwɛtɛ fufule ɛnzɛ; meva nyanenwunlɛ mokyea medu bɛ nuhua.

Gyɛlɛmaya Buluku ne 48:36

“Yemɔti medi nyane me ahonle nu memaa Mowabema yɛɛ medi nyane me ahonle nu memaa Kɛɛ Hilɛzema, ɔluakɛ anwonyia mɔɔ bɛnyianle la amuala ɛminli.

Gyɛlɛmaya Buluku ne 9:7

Yemɔti Tumivolɛ Ɛdɛnkɛma se, “Bɛnlea, mebadu bɛ nu evinli ne na meazɔ bɛ meanlea, ɔluakɛ duzu bieko a ɔwɔ kɛ meyɛ a? Bɛle me menli.

Zɛkalaya Buluku ne 13:9

Ekpunli ko ne mɔɔ tɔ zolɛ nsa bɔbɔ la, mebagua bɛ senle nu meadu bɛ nuhua, kɛmɔ bɛtu dwɛtɛ fufule nu la, na meazɔ bɛ meanlea, kɛmɔ bɛsɔ ezukoa nvutuke bɛnea la. Bɛbabɔ me duma bɛavɛlɛ me, na mebalie bɛ zo. Mebaha kɛ, ‘Bɛle me menli’ na bɛbaha kɛ, ‘Ɛdɛnkɛma le me Nyamenle.’ ”

Malakae Buluku ne 3:3

Ɔbadɛnla aze kɛ dwinvolɛ mɔɔ tu dwɛtɛ fufule nu la. Ɔbadu Livaema anu na yeabolo bɛ nwo kɛ ezukoa nvutuke anzɛɛ yeahwi bɛ nwo kɛ dwɛtɛ fufule, kɔdwu mekɛ mɔɔ bɛkɛva nɔhalɛ azubɔlɛ ninyɛne bɛkɛmaa Ɛdɛnkɛma la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:28

Na saa ɔtɛyɛle ɛtane biala a, amonle ne ɛndo ye, yɛɛ ɔnyia ɛkolɛ ɔbɔ ɛdane.

Edwɛkpa ne kɛmɔ Mateyu hɛlɛle la 19:28

Gyisɛse zele bɛ kɛ, “Meka meahile bɛ, saa medame Sonla Ra, metɛnla me anyunlunyia belemgbunli ebia ne anu wɔ Ewiade fofolɛ ne anu a, bɛdabɛ bulu nee nwiɔ ye mɔɔ bɛle me ɛdoavolɛma la, bɛkɛdɛnlɛdɛnla arelemgbunli mbia zo na bɛkɛbua Yizilayɛ mbusua bulu nee nwiɔ ne ndɛne.

Edwɛkpa ne kɛmɔ Mateyu hɛlɛle la 25:21

Ɔ menle ne zele ye kɛ, ‘Mo, wɔbɔ mɔdenle bɔkɔɔ; ɛle sonvolɛ kpalɛ mɔɔ di nɔhalɛ a! Wɔbɔ mɔdenle wɔnlea ezukoa ekyi ye azo boɛ, yemɔti mebava wɔ meazie ninyɛne mgbole nloa. Bɛla balie ɛ nye wɔ me nwo ɛke!’

Edwɛkpa ne kɛmɔ Mateyu hɛlɛle la 25:23

Ɔ menle ne zele ye kɛ, ‘Mo, wɔbɔ mɔdenle somaa; ɛle sonvolɛ mɔɔ di nɔhalɛ a! Wɔbɔ mɔdenle wɔnlea ezukoa ekyi ye azo boɛ, yemɔti mebava wɔ meazie ninyɛne dɔɔnwo anloa. Bɛla na balie ɛ nye wɔ me nwo ɛke!’

Edwɛkpa ne kɛmɔ Luku hɛlɛle la 12:33

Bɛdɔne mɔɔ bɛlɛ la amuala na bɛva ezukoa ne bɛmaa ehyianvolɛma. Bɛyɛ gya ahodoku mɔɔ ɛnzɛkye ɛlɛ la bɛmaa bɛ nwo, na bɛva bɛ anwonyia bɛzie ɛleka mɔɔ ɔnrɛminli ɛlɛ la, ɔboalekɛ awule asa ɛnrɛha ye, yɛɛ ɛlɛtɛba ɛnrɛhola ɛnrɛzɛkye ye.

Edwɛkpa ne kɛmɔ Luku hɛlɛle la 17:30

Zɔhane ala yɛɛ kenle mɔɔ medame Sonla Ra, mebara la ɔbayɛ a.

Dw 12:26

Awie mɔɔ kpondɛ kɛ ɔsonle me la ɔwɔ kɛ toa me bo zo, amaa ɛleka mɔɔ mewɔ la, me sonvolɛ ne ɔdaye yeara ɛkɛ ne, yɛɛ Egya bawula mɔɔ sonle me la anyunlunyia.

Dw 5:44

Bɛkpondɛ kɛ bɛkanvo bɛ ngome bɛ nwo ngoko ngoko, na bɛmpele bɛnlie nganvolɛ bɛnvi Nyamenle kokye ne ɛkɛ ne, na ɛnee kɛ ɔkɛyɛ na bɛalie me bɛali ɛ?

Ɛzoanvolɛma Gyima ne 8:20

Na Pita buale ye kɛ, “Abule ɛbu wɔ nee wɔ ezukoa ne amuala, kɛ ɛkɛdwenle kɛ bɛfa ezukoa a bɛtɔ Nyamenle ahyɛlɛdeɛ a!

Wulo 2:10

Nyamenle bava anyunlunyia, enililɛ nee anzonudwolɛ amaa bɛdabɛ mɔɔ bɛdi boɛ la, Dwuuma lumua yɛɛ bɛdabɛ noko mɔɔ bɛnle Dwuuma la doa bɛ.

Wulo 2:29

Dwuunli kpalɛ ne a le sonla ne mɔɔ sunsum nu yeyɛ ye ahonle nu mrenyanu nzonlɛ na ɔnyɛ ye nwonane nu debie la. Sonla ɛhye nyia ye nganvolɛ fi Nyamenle ɛkɛ, ɔnnyia ye ɔnvi menli lɔ.

Wulo 2:7

Menli bie wɔ ɛkɛ mɔɔ bɛmɛ, abotane nee kpalɛyɛlɛ ala a bɛli ɔ nzi a, na bɛkpondɛ anyunlunyia, enililɛ nee ngoane mɔɔ ɛnlɛ awieleɛ la. Na bɛmɛ noko ala yɛɛ Nyamenle bamaa bɛ ngoane mɔɔ ɛnlɛ awieleɛ a.

Wulo 8:19

Abɔdeɛ muala ɛlɛkendɛ anwolɔlɛ kpole nu kɛ Nyamenle kɛye ɔ mra kɛhile.

1 Kɔl 3:13

Na kɛ awie biala gyima si de la bala ali wienyi wɔ Kenle ne mɔɔ Kelaese bara la. Kenle zɔhane senle ne bamaa awie biala gyima ala ali; senle ne bazɔ awie biala gyima mɔɔ yeyɛ la anlea na yeaye ye kɛ ɔde la yeahile.

1 Kɔl 4:5

Yemɔti bɛmmabua awie biala ndɛne kɔkpula Kenle ne mɔɔ Awulae kɛra bieko la. Awieleɛ ndɛnebualɛ ne wɔ Awulae asa anu, yemɔ yɛɛ ɔbaraye ninyɛne mɔɔ vea awozinli nu nee ahonle nu nzuzulɛ muala yeavinde wienyi nu a. Zɔhane mekɛ ne awie biala asa baha ye moyɛlɛ mɔɔ fɛta la avi Nyamenle ɛkɛ.

Gyemise Kɛlata ne 1:12

Nyilalɛ ɛha sonla ne mɔɔ kɛgyinla kpundii wɔ sɔnea nu la, ɔboalekɛ saa ɔko ɔtɔ zolɛ a ye ahatualɛ a le ngoane ne mɔɔ Nyamenle ɛva ɛbɔ menli mɔɔ kulo ye la ɛwɔkɛ la.

1 Pit 1:13

Zɔhane ati, bɛzie bɛ adwenle koonwu, bɛyɛ bɛ nye gyɛlɛmgbɛɛnye na bɛmaa bɛ nye ɛla nyilalɛ ne mɔɔ bɛbanyia ye wɔ mekɛ mɔɔ Gyisɛse Kelaese kɛra la azo.

1 Pit 1:5

Zɛhae nyilalɛ ne le bɛdabɛ mɔɔ ɔlua bɛ diedi ti Nyamenle tumi ne dielie bɛ gyɛlɛɛnye na bɛbaye ngoanelielɛ ne bɛahile bɛ wɔ mekɛ ne mɔɔ li amozi la ɛdeɛ.

1 Pit 2:4

Bɛrɛla Awulae ɛkɛ. Yemɔ a ɔle Tease Bolɛ ne mɔɔ ewiade amra kpole ye kɛ ɔle debie mgbane na Nyamenle noko ɛkpa nu ɛye ye kɛ ɔle bolɛ mɔɔ anwo hyia la a.

1 Pit 2:7

Bolɛ ɛhye sonle bolɛ kpole kpalɛ maa bɛdabɛ mɔɔ bɛdie bɛdi la, na bɛdabɛ mɔɔ bɛnlie bɛnli la, Nyamenle Edwɛkɛ ne se, “Bolɛ ko ne ala mɔɔ suatovoma ne kpole kɛ ɔle debie mgbane la, yemɔ ala a ɔrayɛle bolɛ mɔɔ anwo hyia kpalɛ la a.”

1 Pit 4:12

Ayi mɔ, bɛmmamaa amaneɛnwunlɛ kpole mɔɔ bara bɛ nwo zo arazɔ bɛ anlea la yɛ bɛ azibɛnwo kɛ asɛɛ debie ɛzulolɛ bie ɛrado bɛ.

1 Pit 4:13

Bɛli fɛlɛko kɛ bɛ nee Kelaese ɛlɛnwu amaneɛ a, amaa saa bɛye ye bɛkile anyunlunyia nu a bɛali fɛlɛko kpole.

1 Pit 5:1

Medame, mele asɔne mgbanyima ne mɔ bie. Mele Kelaese amaneɛnwunlɛ ne anwo dasevolɛ, yɛɛ mebanyia anyunlunyia ne mɔɔ bara la bie. Yemɔti mesɛlɛ bɛdabɛ asɔne mgbanyima mɔɔ wɔ bɛ avinli la kɛ,

2 Pit 1:1

Kɛlata ɛhye vi medame Saemɔn Pita, mɔɔ mele Gyisɛse Kelaese akɛlɛ nee ye ɛzoanvolɛ la ɛkɛ. Melɛ mekamaa bɛdabɛ mɔɔ ɔlua Nyamenle nee Dievolɛ Gyisɛse Kelaese pɛlepɛlelilɛ ti bɛnyia diedi mɔɔ sonle bolɛ kɛ yɛdayɛ la.

2 Pit 1:4

Ɔlua zo yebɔ yɛ ɛwɔkɛ mgbole dɔɔnwo mɔɔ sonle bolɛ, amaa ɔlua ɛwɔkɛ ɛhye mɔ azo bɛavi ɛtane nu wɔ ewiade ye anu, na bɛanyia ye Nyamenle su ne bie.

2 Pit 3:14

Zɔhane ati, ayi mɔ, kɛmɔ bɛlɛkendɛ ɛhye mɔ la, bɛbɔ mɔdenle, amaa Awulae ba a yeanwu kɛ bɛ nwo te mɔɔ nvonleɛ biala ɛnle bɛ nu na bɛ nee ye bɛ nloa sɛ bɛ nwo a.

Dwuudu Kɛlata ne 1:24

Nyamenle mɔɔ kola sɔ bɛ mɔɔ bɛndɔ aze, na ɔfa bɛ kɔlɔnwo fɛlɛko nu ɔkɔ ɔdaye ye anyunlunyia ne anu,

Yekile 1:7

Bɛnlea, ɔlua amungu ne mɔ anu ɔlɛba! Awie biala banwu ye, yɛɛ bɛdabɛ mɔɔ bɛwɔle ɔ nvenle foa atwɛ la banwu ye. Ɔdaye ɔ ti, menli ngakyile kɔsɔɔti mɔɔ wɔ ewiade la bazu aye awolɛ. Nɔhalɛ, ɔle zɔhane. Amen.

Yekile 2:10

Mmasulo debie biala mɔɔ bɛbayɛ wɔ la. Tie, Abɔnsam ne bamaa bɛagua bɛ bie mɔ efiade, bɛazɔ bɛ bɛanlea, na bɛanwu amaneɛ dedee kenle bulu. Noko di nɔhalɛ maa me, bɔbɔ kɔdwu ewule nu, na mebabɔ wɔ ngoane abɔtile.

Yekile 3:10

Kɛmɔ wɔli me edwɛkɛ zo, wɔnyia abotane la, ngyegyelɛ kpole ne mɔɔ ɛlɛba ewiade arazɔ menli kɔsɔɔti mɔɔ wɔ azɛlɛ ye azo anlea la, mebaye wɔ meavi nu.

Yekile 3:18

Ɛhye ati metu wɔ folɛ kɛ badɔ ezukoa nvutuke kpalɛ mɔɔ bɛva senle bɛdu nuhua la fi me ɛkɛ, amaa wɔanyia ɛ nwo. Badɔ adɛladeɛ fufule wula keda wɔ amumuyɛ nee wɔ anyiemgba mɔɔ ɛla ali la azo. Badɔ ayile gua ɛ nye zo, amaa wɔanwu debie.

1 Sam 2:30

Zɔhane ati, medame, Yizilayɛ Ɛdɛnkɛma Nyamenle, mese: membɔle ɛwɔkɛ kɛ wɔ abusua ne nee ɛ bo zo amra bayɛ me sɛlɛvolɛma dahuu ɛdeɛ na kɛkala, mese wɔ kɛ ɔnrɛyɛ zɔhane bieko. Mebali menli mɔɔ di me eni la eni; na menrɛbu bɛdabɛ mɔɔ bɛkpo me la ɛhwee.