1 Pit 1:6 - BAEBOLO ANZƐƐ BULUKU NWUANZANWUANZA

⁶ Ɛhye ati saa yera kɛ ɔwɔ kɛ bɛdi nyane wɔ mekɛ ekyi ye anu wɔ sɔnea nee amaneɛnwunlɛ ngakyile nu a, ɔwɔ kɛ bɛdi fɛlɛko wɔ ɛhye anwo.

1 Pit 1:6 ပူးပေါင်းရင်းမြစ်များ

Edwɛndolɛ Buluku ne 119:28

Nyane ngome maa me ɛkɛla minli me nwo, wɔ edwɛkɛ ne ati, maa me anwosesebɛ!

Edwɛndolɛ Buluku ne 119:75

O Ɛdɛnkɛma, meze kɛ wɔ ndɛnebualɛ ne mɔ le fɔɔnwo, na wɔdea me nɔhalɛ nu.

Edwɛndolɛ Buluku ne 34:19

Sonlakpalɛ nwu amaneɛ dɔɔnwo, noko Ɛdɛnkɛma ye ye fi ɔ muala anu.

Edwɛndolɛ Buluku ne 35:10

Me sonlabaka ne baha kɛ, “O Ɛdɛnkɛma, nwane a le kɛ ɛdawɔ a? Wɔmɔ a ɛdie mɔɔ ɛnlɛ anwosesebɛ la. ɛfi mɔɔ anwo yɛ se tɛla ye la asa anu, na ɛdie ehyianli nee mɔɔ ɛnlɛ anwosesebɛ la ɛfi awule asa anu a.”

Edwɛndolɛ Buluku ne 69:20

Aholoba ne akee ɛbo me nwo zo, akee meyɛ ɛhwee a ɔnyɛ boɛ. Memkpondɛle anwunvɔnezelɛ, na meannyia bie; memkpondɛle arɛlekyekyelɛ, na meannyia bie.

Edwɛndolɛ Buluku ne 9:14

amaa meadwu Gyɛlusalɛm anlenkɛ kpole ne anloa, na meado ayɛlɛyelɛ edwɛne meadia ninyɛne mɔɔ ɛmaa me nye ɛlie la, na me nye alie wɔ ngoanelielɛ ne anwo.

Edwɛndolɛ Buluku ne 95:1

O bɛrɛla, bɛmaa yɛdo edwɛne yɛmaa Ɛdɛnkɛma; bɛmaa yɛva anyelielɛ yɛyeyɛ yɛ ngoanelielɛ bodane ne!

Ayezaya Buluku ne 61:10

Ɛdɛnkɛma ati me nye balie kpole, Me ɛkɛla bali fɛlɛko wɔ me Nyamenle ne ati, Ɔluakɛ yeva ngoanelielɛ ɛdanlɛ yeheda me, Yeva pɛlepɛleyɛlɛ tɛladeɛ yewula me, Yeziezie me kɛ atɔfolɛ nrenya fa ndotolo kɔtɔlɔba siezie ɔ nwo, Anzɛɛ kɛ atɔfolɛ raalɛ fa anwoneɛ siezie ɔ nwo la.

Ayezaya Buluku ne 61:3

Yezoa me kɛ membankyekye Zayɔnoma arɛle Kɛ bɛgyakyi nyanelilɛ na bɛli fɛlɛko. Bɛgyakyi bɛ ti zo nzonle ɛbɔlɛ, Na bɛbɔ ndotolo kɔtɔlɔba abɔtile. Bɛdo ayɛlɛyelɛ edwɛne na bɛgyakyi nyanelilɛ; Amaa bɛavɛlɛ bɛ tenleneyɛlɛ mbaka ɛsesebɛ, Mɔɔ Ɛdɛnkɛma ɛlua, amaa bɛawula ye anyunlunyia.

Edwɛkpa ne kɛmɔ Mateyu hɛlɛle la 11:28

“Bɛdabɛ mɔɔ bɛzo ɛnlomboɛ na bɛvɛ la, bɛ muala bɛrɛla me nwo ɛke, na menwɔmaa bɛ ɛnwomenlelielɛ.

Edwɛkpa ne kɛmɔ Mateyu hɛlɛle la 26:37

Na ɔvale Pita nee Zɛbɛdi amra nwiɔ ne ɔbokale ɔ nwo bɛhɔle. Alɔbɔlɛ nee nyane hanle ye kpole

Edwɛkpa ne kɛmɔ Mateyu hɛlɛle la 5:12

Bɛmaa bɛ nye ɛlie na bɛli fɛlɛko, ɔluakɛ bɛlɛ nwolɛ ahatualɛ kpole wɔ anwuma. Zɔhane ala yɛɛ bɛyɛle Nyamenle kpɔmanvolɛma ne mɔ mɔɔ lumua la a.

Edwɛkpa ne kɛmɔ Luku hɛlɛle la 1:47

yɛɛ me sunsum di fɛlɛko wɔ Nyamenle, me Ngoanedievolɛ ne ati,

Edwɛkpa ne kɛmɔ Luku hɛlɛle la 10:20

Noko bɛmmadi fɛlɛko kɛ sunsum ɛtane ne mɔ tie bɛ a; bɛli fɛlɛko kɛ bɛhɛlɛ bɛ aluma wɔ anwuma.”

Edwɛkpa ne kɛmɔ Luku hɛlɛle la 2:10

Nyamenle soanvolɛ ne zele bɛ kɛ, “Bɛmmasulo! Melɛ amaneɛ kpalɛ melɛbɛlɛ bɛ, mɔɔ bamaa fɛlɛkolilɛ kpole aha menli kɔsɔɔti a.

Dw 16:22

Zɔhane ala yɛɛ ɔle ɔmaa bɛ a; kɛkala alɔbɔlɛ ɛha bɛ, na mebaranwu bɛ bieko na fɛlɛkolilɛ bayi bɛ ahonle nu tɛkɛɛ, fɛlɛkolilɛ mɔɔ awie biala ɛnrɛhola bɛ sa die ɛlɛ a.

Dw 16:33

Meha ɛhye mehile bɛ amaa saa bɛmeta me nwo a bɛanyia anzonudwolɛ. Ɛtane ewiade ɛhye bamaa bɛali nyane, noko bɛgyinla kpundii. Meli ɛtane ewiade ɛhye anwo zo konim!”

Ɛzoanvolɛma Gyima ne 14:22

Bɛmanle diedima ne mɔ anwosesebɛ na bɛzele bɛ kɛ bɛzɔ diedi ne anu kpundii. Bɛhilehilele bɛ kɛ ɔwɔ kɛ yɛnwu amaneɛ dɔɔnwo na yɛanwu Nyamenle Belemgbunlililɛ ne.

Wulo 12:12

Bɛmaa bɛ anyelazo ɛmaa bɛ nye ɛlie, bɛzi abotane wɔ bɛ amaneɛnwunlɛ nu, na bɛyɛ nzɛlɛlɛ dahuu.

Wulo 5:11

Noko tɛ ɔ muala ɛ. Yɛdua Awulae Gyisɛse Kelaese anwo zo yɛdi fɛlɛko wɔ Nyamenle anu, ɔluakɛ yeyɛ yɛ Nyamenle agɔnwo mɔ.

Wulo 5:2

Gyisɛse lua yɛ diedi zo ɛva yɛ ɛra Nyamenle ɛlolɛ ne mɔɔ ɛnɛ yɛde nu la abo. Yemɔti yɛdi fɛlɛko anyelazo nu kɛ yɛbanyia Nyamenle anyunlunyia ne.

Wulo 9:2

yɛɛ ɔze nyane mɔɔ melɛdi wɔ me ahonle nu

2 Kɔl 4:17

Nyane sikalɛ ekyi ɛhye mɔɔ yɛlɛnwu ye la bava anyunlunyia mɔɔ ɛnlɛ awieleɛ na ɔle kpole kpalɛ ɔtɛla nyane ɛhye la arɛlɛ yɛ.

2 Kɔl 6:10

Saa bɛbɔ yɛ rɛle a, yɛ nye die yɛ nwo dahuu; ɔzɔho kɛ yɛle ehyianvolɛma, noko yɛyɛ menli dɔɔnwo sukoavolɛma; ɔzɔho kɛ yɛnlɛ bie, noko nɔhalɛ, yɛlɛ debie biala.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:22

Nyamenle Sunsum ne ma a le ɛhye mɔ: ɛhulolɛ, anyelielɛ, anzonudwolɛ, abotane, atiakunlukɛnlɛmayɛlɛ, kpalɛyɛlɛ, nɔhalɛlilɛ,

Pɔɔlo Kɛlata mɔɔ ɔhɛlɛle ɔhɔmanle Felepaema la 2:26

Ɔ nwo ɛlɛdɔ bɛ muala, na ɔlɛdi nyane kɛ bɛdele ye anwonyane nganeɛ a.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:3

Yɛmɛ a yɛnyia nɔhalɛ mrenyanu nzonlɛyɛlɛ ne a, na tɛ bɛmɛ ɔ, ɔluakɛ yɛdua Nyamenle Sunsum ne azo a yɛsonle a, na yɛdi fɛlɛko kɛ yɛnyia Kelaese Gyisɛse wɔ yɛ ɛbɛla nu. Yɛnva yɛ rɛle yɛnwula ewiade amaamuo nu.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:4

Bɛmaa bɛ nye ɛlie dahuu kɛ bɛle Awulae ɛdeɛ a; mesi zo bieko: bɛmaa bɛ nye ɛlie!

1 Tɛs 1:6

Bɛzukoale yɛ nee Awulae; yemɔti bɛnwunle amaneɛ dɔɔnwo, na bɛvale anyelielɛ ne mɔɔ vi Sunsum Nwuanzanwuanza ne anu ba la bɛliele nrɛlaleɛ ne.

Gyemise Kɛlata ne 1:2

Me mediema, saa sɔnea ngakyile dɔɔnwo ba bɛ nwo zo a bɛli nwolɛ fɛlɛko;

Gyemise Kɛlata ne 1:9

Keleseɛnenli biala mɔɔ anrɛɛ di ehyia na Nyamenle ɛmaa ye zo la ɛli fɛlɛko,

Gyemise Kɛlata ne 4:9

Bɛli nyane na bɛzu; bɛmaa bɛ ɛzelekɛ ɛyɛ ɛzunlɛ na bɛ fɛlɛkolilɛ ɛyɛ alɔbɔlɛ.

1 Pit 3:17

Ɔluakɛ saa mɔɔ Nyamenle kpondɛ la a le kɛ yɛkɛli boɛ na yɛkɛnwu amaneɛ a, ɛnee ye zɔhane le kpalɛ, tɛla kɛ yɛkɛli ɛtane a.

1 Pit 4:7

Ninyɛne kɔsɔɔti awieleɛ ɛbikye. Ɛhye ati bɛzɔ bɛ nwo kpalɛ na bɛyɛ bɛ nye gyɛlɛmgbɛɛnye, na bɛahola bɛayɛ nzɛlɛlɛ.

1 Pit 5:10

Na saa bɛte nyane ne ekyii bɛwie a ɛlolɛ kɔsɔɔti Nyamenle ne, mɔɔ ɛvɛlɛ bɛ kɛ bɛ nee Kelaese ɛradɛnla ye anyunlunyia ne mɔɔ wɔ ɛkɛ ne dahuu la anu la, ɔdaye mumua ne ɔbaziezie bɛ yeamaa bɛ anwosesebɛ nee akɛnrasesebɛ, na yeamaa bɛagyinla kpundii.

1 Sam 2:1

Hana zɛlɛle zele kɛ: “Ɛdɛnkɛma ɛmaa me nye ɛlie; Ɛdɛnkɛma ɛmaa me anwosesebɛ kpole! Na yemaa mezele me kpɔvolɛma, me nye ɛlie somaa, ɔboalekɛ wɔboa me.