1 Pit 1:25 - BAEBOLO ANZƐƐ BULUKU NWUANZANWUANZA

²⁵ noko Awulae edwɛkɛ ne wɔ ɛkɛ ne dahuu.” Edwɛkɛ ɛhye a le Edwɛkpa ne mɔɔ bɛbɔle ye nolo bɛhilele bɛ la.

1 Pit 1:25 ပူးပေါင်းရင်းမြစ်များ

Edwɛndolɛ Buluku ne 102:12

Na wɔmɔ, O Ɛdɛnkɛma, ɛle belemgbunli dahuu; wɔ duma ne gyi ɛkɛ maa awolɛndoazo muala.

Edwɛndolɛ Buluku ne 102:26

Bɛ bo zo baminli, noko wɔmɔ, ɛwɔ ɛkɛ ne dahuu; bɛ muala bɛbatete kɛ adɛladeɛ. Ɛdi bɛ ngakyile kɛ ɛdanlɛ, na bɛse bɛkɔ,

Edwɛndolɛ Buluku ne 119:89

O Ɛdɛnkɛma, wɔ edwɛkɛ ne gyi kpundii wɔ anwuma lɔ dahuu.

Ayezaya Buluku ne 40:6

Ɛnelɛ bie se, “Tea nu bɔ nolo ne!” Membizale kɛ, “Duzu nolo a membɔ a?” Ɔzele kɛ, “Bɔ nolo kɛ menli kɔsɔɔti le kɛ ndile, bɛ kɛnlɛma kɔsɔɔti le kɛ ɛbɔ nu ndotolo.

Ayezaya Buluku ne 40:8

Ɛhɛe, ndile nwoso, ndotolo kɛnlɛma kpa, noko Nyamenle edwɛkɛ ne bagyinla ɛkɛ dahuu.”

Edwɛkpa ne kɛmɔ Mateyu hɛlɛle la 5:18

Nɔhalɛ, meka meahile bɛ kɛ anwuma nee aze baze ahɔ na mɛla ne anu kpɔkɛ nretee ko bɔbɔ ɛnrɛkpɔkye ɛnrɛdɔ kyesɛ mɔɔ wɔ nu la amuala ɛli munli.

Edwɛkpa ne kɛmɔ Luku hɛlɛle la 16:17

Na ɔnyɛ se kɛ anwuma nee aze kɛpɛ nu kɛze, tɛla kɛ mɛla ne anu edwɛkɛkpɔkɛ nretee ko kɛminli a.

Dw 1:1

Mekɛ mɔɔ bɛkabɔ ewiade la, ɛnee Edwɛkɛ ne wɔ ɛkɛ; Edwɛkɛ ne nee Nyamenle a wɔ ɛkɛ a, na Edwɛkɛ ne le Nyamenle.

Dw 1:14

Edwɛkɛ ne rayɛle sonla mɔɔ ɛlolɛ nee nɔhalɛ ɛyi ye tɛkɛɛ a, na ɔ nee yɛ dɛnlanle. Yɛnwunle ye anyunlunyia mɔɔ ɔnyianle ye kɛ ɔle Selɛ ne Ara kokye la.

1 Kɔl 2:2

Ɔluakɛ membɔle me ti anu kpɔkɛ kɛ me rɛle kɛvi debie biala wɔ mekɛ mɔɔ me nee bɛ de la na ɔkɛha Gyisɛse Kelaese angome nee ye meanubaka ne azo ewule ne ala,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:17

Yemɔti Kelaese rabɔle anzonudwolɛ nwo Edwɛkpa nolo ne hilele menli kɔsɔɔti; ɔbɔle ɔhilele bɛmɛ mɔɔ bɛnle Dwuuma, mɔɔ bɛwɔ moa moa la yɛɛ Dwuuma mɔɔ bikye ye la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:8

Mele Nyamenle menli ne anu kakula bɔkɔɔ, noko Nyamenle ɛmaa me adenle ɛhye kɛ membɔ Edwɛkpa ne mɔɔ fane Kelaese anwonyia ne mɔɔ ɛnlɛ neɛnleanu la anwo nolo mengile bɛdabɛ mɔɔ bɛnle Dwuuma la,

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:3

Mekɛ ne dwule la ɔvale nrɛlaleɛ ne ɔdole gua, na ɛhye yɛɛ yɛ Ngoanedievolɛ Nyamenle ne, ɛva ɛwula me sa nu kɛ membɔ ye nolo a.

Kɛlata mɔɔ bɛhɛlɛle bɛhɔmanle Hibuluma la 6:5

bɛze ye bɔkɔɔ kɛ Nyamenle Edwɛkɛ ne le kpalɛ, yɛɛ bɛnwu kɛ tumi ne mɔɔ bara la ɛzulolɛ si de la, noko bɛgyakyi bɛ diedi ne anu.

1 Pit 1:12

Nyamenle yele hilele ye kpɔmanvolɛma mɔɔ luale Sunsum Nwuanzanwuanza ne mɔɔ bɛzoanle ye vi anwuma rale la azo bɔle Edwɛkpa ɛhye nolo hilele bɛ, kɛ tɛ bɛdabɛ kpɔmanvolɛma bɛ ti yɛɛ bɛyɛle zɔhane gyima ne a, na bɛmɛ Kelaese ɛdoavolɛma bɛ ti ɔ. Ɛhye mɔ le ninyɛne mɔɔ Nyamenle soanvolɛma akunlu a anrɛɛ bɛde ɔ bo a.

1 Pit 1:23

Ɔluakɛ bɛlua tease Ɛdɛnkɛma Nyamenle ne edwɛkɛ zo bɛwo bɛ fofolɛ kɛ bɛle mralɛ mɔɔ ɛnwu ɛlɛ la na bɛnle menli mɔɔ wu la amra.

1 Pit 2:2

Bɛyɛ bɛ nwo kɛ nlɔma mɔɔ sunsum nu nyɛfonzule ɛhɔne ɛlɛku bɛ la, amaa saa bɛnyia ye bɛno a bɛanyi na bɛanyia ngoane.

2 Pit 1:19

Ɛhye maa yɛ adwenle si pi kpalɛ wɔ edwɛkɛ mɔɔ Nyamenle Kpɔmanvolɛma hanle la anwo. Ɔhyia kɛ bɛkɛdie ye boɛ, ɔluakɛ ɔle kɛ kɛnlaneɛ mɔɔ ɛlɛta ɛleka mɔɔ le awozinli la, kɔkpula kɛ Alehyenlɛ ne kɛra na aleɛbahye edole ne kɛdu bɛ ahonle ne mɔ anu.

1 Dw 1:1

Yɛlɛkɛlɛ bɛ wɔ ngoane Edwɛkɛ ne mɔɔ mɔlebɛbo ne ɛnee ɔwɔ ɛkɛ ne na yɛde, yɛnwu ye yɛ nye zo, yɛnlea ye kpalɛ, na yɛva yɛ sa yɛha ye la anwo.

1 Dw 1:3

Mɔɔ yɛnwu ye nee mɔɔ yɛde la yɛɛ yɛka yɛahile bɛdabɛ noko a, amaa bɛ nee yɛ adila agɔnwolɛ. Yɛ nee Selɛ ne nee ɔ Ra Gyisɛse Kelaese a ɛdila agɔnwolɛ ɛhye a.

Yekile 14:6

Eza menwunle kɛ Nyamenle soanvolɛ ko ɛdu faa lua anwomanyunlu, na ɔlɛ damɛnlangoate nrɛlaleɛ ne, mɔɔ le Edwɛkpa ne ɔlɛba yearabɔ ye nolo yeahile menli ngakyile, mbusua ekpunli ekpunli, aneɛ ngakyile, nee maanle maanle kɔsɔɔti mɔɔ wɔ aleɛabo la.