1 Pit 1:21 - BAEBOLO ANZƐƐ BULUKU NWUANZANWUANZA

²¹ Ɔlua ɔ nwo zo yɛɛ bɛlie Nyamenle ne mɔɔ dwazole ye vile ewule nu na ɔmanle ye anyunlunyia la bɛli, na kɛkala bɛ diedi nee bɛ anyelazo ɛragyinla Nyamenle anwo zo a.

1 Pit 1:21 ပူးပေါင်းရင်းမြစ်များ

Edwɛndolɛ Buluku ne 42:5

O me ɛkɛla, duzu ati a nyane ɛha wɔ zɛhae ɛ, duzu ati a ɛ nwo mɔra ɛdu zɛhae ɛ? Nyia anyelazo wɔ Nyamenle anu, na mebaye ye ayɛlɛ bieko kɛ, ɔle me boavolɛ nee me Nyamenle.

Gyɛlɛmaya Buluku ne 17:7

“Nyilalɛ ɛha sonla ne mɔɔ kɛva ɔ rɛle kɛwula medame Ɛdɛnkɛma me nu la.

Edwɛkpa ne kɛmɔ Mateyu hɛlɛle la 28:18

Gyisɛse bikyele bɛ na ɔzele bɛ kɛ, “Bɛva tumi muala mɔɔ wɔ anwuma nee aze la bɛmaa me.

Dw 12:44

Gyisɛse manle ɔ ne zo hanle kɛ, “Sonla mɔɔ die me di la ɛnlie me ngome ɛnli na ɔdie mɔɔ zoanle me la noko ɔdi.

Dw 14:1

Gyisɛse zele bɛ kɛ, “Bɛmmamaa bɛ rɛle bɔ na bɛdi nyane. Bɛlie Nyamenle bɛli na bɛlie medame noko bɛli.

Dw 14:6

Gyisɛse buale ye kɛ, “Mame a mele adenle ne, nɔhalɛ ne, nee ngoane ne a; awie biala ɛnrɛhola Selɛ ne ɛkɛ ne kɔ kyesɛ ɔdua me nwo zo.”

Dw 17:1

Gyisɛse wiele ɛhye ka la, ɔnleanle anwuma na ɔhanle kɛ, “Egya, mekɛ ne ɛdwu. Wula Ɛ Ra anyunlunyia na maa Ralɛ ne ɛwula wɔ anyunlunyia.

Dw 17:24

“Egya! Wɔva bɛ wɔmaa me, na mekpondɛ kɛ bɛ nee me tɛnla ɛleka mɔɔ mewɔ la, amaa bɛanwu me anyunlunyia ne mɔɔ ɛvale ɛmanle me la, ɔluakɛ ɛhulole me kolaa na bɛabɔ ewiade ye.

Dw 17:5

Egya, fa me anyunlunyia maa me, anyunlunyia ne mɔɔ bɛkabɔ ewiade ye la ɛnee melɛ ye la, fa maa me wɔ ɛ nyunlu ɛke kɛkala.

Dw 3:34

Mɔɔ Nyamenle ɛzoa ye la ka Nyamenle anloa edwɛkɛ, ɔboalekɛ Nyamenle maa ye Sunsum ne yi ye tɛkɛɛ.

Ɛzoanvolɛma Gyima ne 2:24

Na Nyamenle dwazole ye vile mɔwuamra anu na ɔyele ye ɔvile ewule asa nu; ɔluakɛ ɔnle kɛ ewule di ɔ nwo zo konim.

Ɛzoanvolɛma Gyima ne 3:13

Ebileham, Ayezeke nee Gyekɔbo bɛ Nyamenle ne, nee yɛ nlenya mɔ Nyamenle ne yɛɛ ɛwula ye Sonvolɛ Gyisɛse anyunlunyia a. Bɛyele ye bɛmanle mgbanyima ne mɔ na bɛkpole ye wɔ Paelɛte anyunlu, wɔ mekɛ mɔɔ ɛnee Paelɛte mumua ne kulo kɛ ɔgyakyi ye la.

Ɛzoanvolɛma Gyima ne 3:15

Bɛhunle sonla ne mɔɔ maa ngoane la, na Nyamenle dwazole ye vile mɔwuamra anu; yɛ muala yɛdi ɛhye anwo daselɛ.

Ɛzoanvolɛma Gyima ne 4:10

ɛnee bɛdie bɛmaa ɔdo Yizilayɛma kɔsɔɔti kɛ, ɔlua Gyisɛse Kelaese mɔɔ vi Nazalɛte, mɔɔ bɛmɛ bɛbɔle ye meanubaka nu bɛhunle ye, na Nyamenle dwazole ye vile ewule nu la duma nu a ɛnɛ nrenya ɛhye gyi bɛ nyunlu ɛke kɛ yede kpɔkɛ bɔkɔɔ a.

Wulo 10:9

Ɔboalekɛ, saa bɛdie bɛto nu na bɛka ye bɛ nloa kɛ, “Gyisɛse le Awulae” na bɛdie bɛdi wɔ bɛ ahonle nu kɛ Nyamenle dwazole ye vile mɔwuamra anu a, bɛbanyia ngoane.

Wulo 4:24

Bɛhɛlɛle bɛmanle yɛdayɛ noko mɔɔ yɛdie mɔɔ dwazole yɛ Awulae Gyisɛse vile ewule nu la yɛdi la.

2 Kɔl 6:15

Kɛ ɔkɛyɛ na Kelaese nee Abɔnsam anloa azɛ bɛ nwo ɛ? Duzu a diedinli nee bozonle ɛzonlenlɛnli lɛ ye yɛ a?

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:15

Zɔhane ati sumunli kɛ mendele bɛ nganeɛ kɛ bɛlie Awulae Gyisɛse bɛli, nee bɛ ɛhulolɛ mɔɔ bɛlɛ ye wɔ Nyamenle menli muala anwo la,

Kɔlɔ 1:27

Nyamenle ngyehyɛlɛ ne a le kɛ ɔkɛye ye fealera nu kpɔkɛ ne mɔɔ ɔbɔle, mɔɔ anyunlunyia nee anwonyia ɛyi ye tɛkɛɛ, na ɔwɔ ɛkɛ ɔmaa maanle maanle kɔsɔɔti la ɔkɛhile ye menli ne. Fealera nu kpɔkɛ ɛhye a le kɛ Kelaese ne de bɛ nu, na ɔbamaa bɛanyia anyelazo kɛ kenle bie bɛbanyia Nyamenle anyunlunyia ne bie.

1 Tem 1:1

Medame Pɔɔlo, mɔɔ Nyamenle yɛ Ngoanedievolɛ ne nee Kelaese Gyisɛse yɛ anyelazo ne manle bɛyɛle me Kelaese ɛzoanvolɛ la a melɛkɛlɛ kɛlata ɛhye a.

1 Tem 3:16

Yɛka yɛto gua kɛ nɔhalɛ, awozinli nu debie mɔɔ wɔ yɛ nyamenlezonlenlɛ ne anu la yɛ nwanwane: Ɔrale ewiade kɛ sonla, noko Sunsum nu a ɔle saanwu. Nyamenle soanvolɛma nwunle ye, bɛbɔle ɔ nwo nolo wɔ maanle maanle kɔsɔɔti anu. Ewiade amra amuala liele ye lile, na bɛvale ye bɛhɔle anwuma anyu

Kɛlata mɔɔ bɛhɛlɛle bɛhɔmanle Hibuluma la 2:9

Na yɛnwu Gyisɛse mɔɔ mekɛ ekyi bie anu ɔdaye noko bɛyɛle ye ekyi bɛdɛlale Nyamenle soanvolɛma la, kɛ bɛwula ye anyunlunyia na bɛdi ye eni wɔ nyane ewule mɔɔ ɔwule la ati. Nyamenle luale ɔdaye ye ɛlolɛ zo yɛɛ ɔmanle ɔwule wɔ awie biala ati a.

Kɛlata mɔɔ bɛhɛlɛle bɛhɔmanle Hibuluma la 6:1

Zɔhane ati, bɛmaa yɛhɔ zolɛ yɛzukoa yɛyɛ mgbanyinli na yɛgyakyi Kelaese ɛdoavolɛ nwo ɛzukoalɛdeɛ ne mɔ mɔɔ lumua la. Tɛ bɔ zo mɔɔ eza yɛbɔ ɔ bo yɛazukoa kɛ ɔwɔ kɛ yɛfi ninyɛndane nwo na yɛdie Nyamenle yɛdi ɔ, anzɛɛ ngilehilelɛ mɔɔ fane ɛzɔnenlɛ ngakyile nwo,

Kɛlata mɔɔ bɛhɛlɛle bɛhɔmanle Hibuluma la 7:25

Ɛhye ati ɔkola kɛkala nee mekɛ biala ɔdie bɛdabɛ mɔɔ bɛdua ɔ nwo zo bɛba Nyamenle ɛkɛ ne la ngoane, ɔluakɛ ɔde aze na ɔdi bɛ ti mgbɔdalɛ wɔ Nyamenle ɛkɛ ne dahuu.

1 Pit 1:11

Bɛbɔle mɔdenle kɛ bɛkɛnwu sonla holɛ ko ne mɔɔ bara nee mekɛ holɛ ko ne mɔɔ ɔbava yeara la. Ɛhye a le mɔɔ ɛnee Kelaese Sunsum ne mɔɔ wɔ bɛ nu la ɛlɛkilehile bɛ na ɔka nyane mɔɔ ɔwɔ kɛ Kelaese nwu ye nee anyunlunyia mɔɔ li ɔ nzi la anwo bie ɔkile bɛ a.

1 Pit 1:3

Ayɛlɛyelɛ ɛha Nyamenle, yɛ Awulae Gyisɛse Kelaese ɔ Ze ne! Yelua ye ɛlolɛ kpole ne azo yedwazo Gyisɛse Kelaese yevi ewule nu na yemaa yɛnyia ngoane fofolɛ nwo anyelazo mɔɔ ɛnwu ɛlɛ a.

1 Pit 3:22

Yemɔ yɛɛ yehɔ anwuma na ɔde Nyamenle asa fema zo na Nyamenle soanvolɛma nee anwuma tumivolɛma nee mgbolema amuala sonle ye a.