1 Pit 1:2 - BAEBOLO ANZƐƐ BULUKU NWUANZANWUANZA

² Nyamenle Selɛ ne luale ye bodane ne azo kpale nu yele bɛ na ɔluale ye Sunsum ne azo ɔyɛle bɛ menli mɔɔ anwo te la, kɛ bɛyɛ tieyɛ bɛmaa Gyisɛse Kelaese na ye mogya ne ade bɛ nwo. Nyamenle ɛlo bɛ na ɔmaa bɛ anzonudwolɛ molozo.

1 Pit 1:2 ပူးပေါင်းရင်းမြစ်များ

Ayezaya Buluku ne 55:7

bɛmaa amumuyɛnli ne ɛgyakyi ɛtaneyɛlɛ, na mɔɔ ɛndwenle kpalɛ nwo la ɛgyakyi; bɛmaa ɔzia ɔrɛla Ɛdɛnkɛma ɛkɛ, amaa Ɛdɛnkɛma aze ye anwunvɔne, bɛmaa ɔzia ɔrɛla yɛ Nyamenle ne ɛkɛ, na Nyamenle bava ye ɛtane ahyɛ ye.

Ayezaya Buluku ne 65:22

Bɛnrɛsisi azua na awie mɔ gyɛne adɛnlɛdɛnla nu; bɛnrɛlua na awie mɔ gyɛne ali. Kɛ baka si kyɛ na yeawu la, zɔhane ala yɛɛ me menli ne bahyɛ a, na me menli ne mɔɔ mekpa nu meye bɛ la badidi bɛ sa anloa gyima nwo bɛ nye alie ahyɛ.

Ayezaya Buluku ne 65:9

Mebava Gyekɔbo abo zo amra ne meara na meamaa Dwudama bie mɔ aradɛnla me awoka ne mɔ azo. Menli ne mɔɔ mekpa nu meye bɛ, menli ne mɔɔ sonle me la badɛnla awoka ne mɔ azo.

Daneɛle Buluku ne 4:1

Belemgbunli Nɛbukadenɛza vale nrɛlaleɛ hɔmanle maanle maanle ne mɔ anu amra mɔɔ ka aneɛ ngakyile la kɛ, “Anzonudwolɛ kpole ɛha bɛ!

Daneɛle Buluku ne 6:25

Belemgbunli Dalayɛse hɛlɛle hɔmanle maanle maanle nee menli ngakyile mɔɔ bɛ aneɛ le ngakyile la kɛ, “Anzonudwolɛ dɔɔnwo ɛha bɛ!

Sɛlɛ 1:5

Akee ahenle ne ɛhu ɛnlankɛ ne wɔ Ɛdɛnkɛma anyunlu ɛkɛ na Aalɔn amra sɛlɛvolɛma ne ɛva mogya ne ɛmaa Ɛdɛnkɛma, na bɛdo bɛgua azukponle ne mɔɔ gyi Ɛdɛnkɛma Ndanlɛ Sua ne anlenkɛ ne anloa la anwo amuala.

Edwɛkpa ne kɛmɔ Mateyu hɛlɛle la 24:22

Na Awulae ɛnlea ye menli ne mɔɔ yekpa nu yeye bɛ la ati yede mekɛ ne azo, saa tɛ ye zɔhane a anrɛɛ sonla ko bɔbɔ ɛnrɛha.

Edwɛkpa ne kɛmɔ Mateyu hɛlɛle la 24:24

Ɔluakɛ Mɛzayama adalɛ nee Nyamenle kpɔmanvolɛma alane dɔɔnwo bara; bɛbayɛ nwanwane ninyɛne mgbole mɔɔ yɛ ɛzulolɛ la dɔɔnwo, na saa bɛyɛ na ɔkɛyɛ boɛ a, bɛava bɛabɛlɛbɛla Nyamenle menli ne mɔɔ di munli bɔbɔ la na bɛaminli menli dɔɔnwo diedi.

Edwɛkpa ne kɛmɔ Mateyu hɛlɛle la 24:31

Bɛbabɔ aweɛne kpole ne anu, na mebamaa me soanvolɛma ahɔ ewiade muleɛ ne amuala azo, bɛahɔhuohua Nyamenle menli ne mɔɔ yekpa nu yeye bɛ la anloa, ɔvi ewiade ye ati yeahɔdwu ɔ bo.

Edwɛkpa ne kɛmɔ Maake hɛlɛle la 13:20

Na Awulae ɛnlea ye menli ne mɔɔ yekpa nu yeye bɛ la ati yede mekɛ ne azo, anrɛɛ sonla ko bɔbɔ ɛnrɛha.

Edwɛkpa ne kɛmɔ Maake hɛlɛle la 13:22

Ɔluakɛ Mɛzayama nee Nyamenle kpɔmanvolɛma alane dɔɔnwo bara. Bɛbaye ngonyia, bɛayɛ nwanwane ninyɛne mgbole kɛ bɛfa bɛabɛlɛbɛla Nyamenle menli ne mɔɔ yekpa nu yeye bɛ la saa ɔkɛyɛ boɛ a.

Edwɛkpa ne kɛmɔ Maake hɛlɛle la 13:27

Mebamaa anwuma soanvolɛma ahɔ ewiade muleɛ ne amuala azo ahɔhuohua Nyamenle menli ne mɔɔ yekpa nu yeye bɛ la anloa, ɔvi ewiade ye ati yeahɔkpula ɔ bo.

Edwɛkpa ne kɛmɔ Luku hɛlɛle la 18:7

Asoo Nyamenle ɛnrɛli ɔdaye ye menli ne mɔɔ kpondɛ moalɛ na bɛtea bɛfɛlɛ ye nɔɔzo nee ewiazo la ati edwɛkɛ? Asoo ɔkɛhwenlehwenle ɔ bo aze wɔ bɛ moalɛ nwo?

Ɛzoanvolɛma Gyima ne 15:18

Awulae a vale ɛhye dole gua dɛbadɛba ne a.’ ”

Ɛzoanvolɛma Gyima ne 2:23

Nyamenle ɔdaye ye ɛhulolɛ zo, ɔliele ɔdole nu kɛ bɛkɛye Gyisɛse bɛkɛmaa bɛ; yɛɛ bɛdabɛ noko bɛmanle menli mɔɔ ɛnze Nyamenle la bɔle ye meanubaka nu hunle ye a.

Ɛzoanvolɛma Gyima ne 20:32

“Kɛkala mefa bɛ mewula Nyamenle nee ye edwɛkɛ ne mɔɔ ɛlolɛ wɔ nu la asa anu. Ɔdo bɛ ngoane nu na ɔva ye nyilalɛ ne mɔɔ yeva yezie ye menli ne ɛkɛ ne la ɔmaa bɛ.

Wulo 1:5

Ɔ nwo zo yɛɛ ɔlua mɔɔ Nyamenle ɛlo yɛ ɛmaa merayɛ ɛzoanvolɛ a, amaa menli kɔsɔɔti alie ye duma ne ali na bɛadie ye.

Wulo 1:7

Zɔhane ati melɛkɛlɛ kɛlata ɛhye mearɛlɛ bɛdabɛ mɔɔ Nyamenle kulo bɛ na yevɛlɛ bɛ kɛ bɛrayɛ ye menli na bɛwɔ Wulomu la amuala. Yɛ Ze Nyamenle ne nee Awulae Gyisɛse Kelaese ɛlo bɛ na ɔmaa bɛ anzonudwolɛ.

Wulo 11:2

Nyamenle ɛtɛkpole ye menli ne mɔɔ mɔlebɛbo ne amuala ɔkpale nu ɔyele bɛ la. Se bɛze Nyamenle Edwɛkɛ ne ɛleka mɔɔ kile kɛ ɛnee Yelaegya ɛlɛsɛlɛ Nyamenle atia Yizilayɛma la?

Wulo 11:28

Dwuuma kpole Edwɛkpa ne la ati, Nyamenle ɛyɛ kpɔvolɛ wɔ bɛmɛ mɔɔ bɛnle Dwuuma la ati. Noko kɛmɔ Nyamenle ɛkpa nu ɛye bɛ la ati, bɛle ɔ gɔnwo mɔ wɔ bɛ nlenya mɔ ati.

Wulo 15:16

kɛ mele Kelaese Gyisɛse akɛlɛ mɔɔ ɔwɔ kɛ yɛ gyima wɔ menli mɔɔ ɛnle Dwuuma la avinli. Mesonle kɛ sɛlɛvolɛ mɔɔ ɔwɔ kɛ mebɔ Edwɛkpa ne mɔɔ vi Nyamenle ɛkɛ ne la nolo, amaa bɛdabɛ mɔɔ bɛnle Dwuuma la ayɛ azubɔdeɛ mɔɔ Sunsum Nwuanzanwuanza ne a ɛde nwolɛ na ɔsɔ Nyamenle anye la.

Wulo 16:19

Awie biala ɛde bɛ nganeɛ wɔ bɛ nɔhalɛlilɛ wɔ Edwɛkpa ne anwo, yemɔti me nye die bɛ nwo kpole kpalɛ. Mekpondɛ kɛ bɛnwu nrɛlɛbɛ wɔ mɔɔ le kpalɛ la anwo na bɛkpɔlɔkpɔla bɛ sa anwo bɔkɔɔ bɛfi ɛtane nwo.

Wulo 8:13

Ɔluakɛ saa bɛtɛnla bɛmaa bɛ sonlabaka ne a, bɛbawu; na saa bɛtɛnla bɛmaa Sunsum ne a, bɛbahu nyɛleɛ ɛtane ne mɔɔ wɔ bɛ nu la, na bɛanyia ngoane.

Wulo 8:33

Nwane a kɛhola kɛdo Nyamenle menli ne mɔɔ yekpa nu yeye bɛ la ɛzonle a? Nyamenle ɔdaye yebua bɛ benle!

1 Kɔl 1:30

Nyamenle ɛva bɛ nee Kelaese Gyisɛse ɛbɔ nu, na yemaa Kelaese ɛrayɛ yɛ nrɛlɛbɛ. Ɔ nwo zo yɛɛ yɛlua a yɛsɔ Nyamenle anye, yɛ nwo te na yɛyɛ alehelɛ a.

1 Kɔl 6:11

Kɛ ɛnee bɛ bie mɔ de la ɛne. Na Awulae Gyisɛse Kelaese duma ne ati nee Nyamenle Sunsum Nwuanzanwuanza ne ati, bɛbia bɛ; bɛde bɛ nwo bɛvi ɛtane nwo, na bɛmaa bɛzɔ Nyamenle anye.

2 Kɔl 10:5

yɛgologolo debie biala mɔɔ bɛkɛmaa ye zo adubɛnwo nu bɛkɛtia Nyamenle anwo adwenlenubukelɛ la, yɛɛ yɛkye adwenle biala nuokɛ yɛbele ye yɛmaa ɔtie Kelaese.

Mɛla 7:6

Ɔluakɛ bɛmɛ, bɛle menli mɔɔ Ɛdɛnkɛma bɛ Nyamenle ne ɛde bɛ nwo a. Ɛdɛnkɛma bɛ Nyamenle ne ɛkpa nu ɛye bɛ ɛvi menli mɔɔ wɔ ewiade la amuala anu, kɛ ye menli a le bɛ.

Kɔlɔ 3:12

Bɛle Nyamenle menli mɔɔ yehulo bɛ na yekpa nu yeye bɛ kɛ ɔdaye ye ɛdeɛ na bɛ nwo te a. Yemɔti bɛze anwunvɔne, bɛyɛ atiakunlukɛnlɛma, bɛbɛlɛ bɛ nwo aze, bɛyɛ bɛtɛɛ na bɛzi abotane wɔ debie biala anu.

2 Tɛs 2:13

Nyamenle kulo bɛ, yemɔti mediema, ɔwɔ kɛ dahuu yɛyɛ Nyamenle mo wɔ bɛ ti. Ɔluakɛ mɔlebɛbo ne ala yɛɛ Nyamenle kpale nu yele bɛ kɛ bɛlie bɛ ngoane a, wɔ bɛ diedi mɔɔ wɔ nɔhalɛ ne anu nee Sunsum ne tumi ne mɔɔ ɛyɛ bɛ Nyamenle menli mɔɔ anwo te la ati.

2 Tem 2:10

Ɛhye ati medi debie biala me kunlu wɔ Nyamenle menli ne mɔɔ yekpa nu yeye bɛ la ati, amaa bɛdabɛ noko Kelaese Gyisɛse ati bɛanyia ngoanelielɛ ne nee anyunlunyia ne mɔɔ ɛnlɛ awieleɛ la bie.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:1

Medame Pɔɔlo, mɔɔ mele Nyamenle sonvolɛ nee Gyisɛse Kelaese ɛzoanvolɛ la yɛɛ melɛkɛlɛ kɛlata ɛhye a. Bɛyele me na bɛzoanle me kɛ mengɔmboa Nyamenle menli ne mɔɔ yekpa nu yeye bɛ la wɔ bɛ diedi nu, na mengilehile bɛ memaa bɛnwu nɔhalɛ ne mɔɔ wɔ yɛ nyamenlezonlenlɛ ne anu la.

Kɛlata mɔɔ bɛhɛlɛle bɛhɔmanle Hibuluma la 10:22

bɛmaa yɛva ahonle kpalɛ nee diedi mɔɔ si pi, ahonle mɔɔ bɛde nwolɛ bɛvi adwenle nu fɔlɛlilɛ nwo, nee sonlabaka mɔɔ bɛva nzule anye komikomi bɛbia ye la yɛhwe yɛbikye Nyamenle.

Kɛlata mɔɔ bɛhɛlɛle bɛhɔmanle Hibuluma la 11:28

Diedi zo yɛɛ ɔluale ɔhyehyɛle Akpabɛnwo ne na ɔmanle Yizilayɛma vale mogya kpondenle bɛ nlenkɛ nloa a, amaa saa Nyamenle Ewule Soanvolɛ ne ba a yeangu Yizilayɛma belamunli mralɛ ne mɔ.

Kɛlata mɔɔ bɛhɛlɛle bɛhɔmanle Hibuluma la 12:24

Bɛra Gyisɛse, mɔɔ kyekyele Ngyekyeleɛ Fofolɛ ne abo, nee mogya ne mɔɔ bɛhwinle bɛguale na ɔtendɛ kpalɛ ɔkile yɛ ɔtɛla Ebulu ɛdeɛ ne la ɛkɛ.

Kɛlata mɔɔ bɛhɛlɛle bɛhɔmanle Hibuluma la 5:9

Mɔɔ bɛmanle ɔlile munli la, akee ɔrayɛle ngoanelielɛ mɔɔ ɛnlɛ awieleɛ la ɔmanle bɛdabɛ mɔɔ bɛtie ye la,

1 Pit 1:14

Bɛyɛ tieyɛ bɛmaa Nyamenle na bɛmmamaa bɛ atiakunluwɔzo sie bɛ kɛ dɛba ne mɔɔ ɛnee bɛnze nwolɛ bie la.

1 Pit 1:19

bɛvale Gyisɛse, mɔɔ le boaneralɛ mɔɔ anwo ɛnlɛ dɛne biala la mogya ne mɔɔ sonle bolɛ la a bɛkpɔnenle bɛ a.

1 Pit 1:20

Nyamenle vale ye ziele ɛkɛ dɛba kolaa na bɛabɔ ewiade, yɛɛ bɛmɛ bɛ ti bɛye ye bɛhile wɔ mekɛ ye mɔɔ li amozi la anu a.

1 Pit 1:22

Kɛkala mɔɔ ɔlua bɛ tieyɛ wɔ nɔhalɛ ne anwo bɛde bɛ nwo bɛvi ninyɛndane nwo na bɛnyia ɛhulolɛ bɛmaa bɛ mediema diedima la, bɛmaa bɛ ɛhulolɛ ne ɛyɛ nɔhalɛ ɛhulolɛ mɔɔ vi bɛ ahonle nu a.

1 Pit 2:9

Bɛmɛ a bɛle menli mɔɔ Nyamenle ɛkpa nu ɛye bɛ a. Bɛle Belemgbunli ne sɛlɛvolɛma, maanle nwuanzanwuanza, Nyamenle ɔdaye ye menli mɔɔ yeboɔboa yekpondɛ bɛ bo zo na yevɛlɛ bɛ kɛ bɛvi awozinli nu bɛrɛla ye wienyi ne anu na bɛbɔ ye nwanwane gyima ne nolo a.

2 Pit 1:2

Nyamenle ɛlo bɛ dɔɔnwo na ɔmaa bɛ nzo nu ɛdwo bɛ molozo kɛ bɛnwu ye nee yɛ Awulae Gyisɛse a.

2 Dw 1:1

Kɛlata ɛhye vi medame Nrenya Kpanyinli ne ɛkɛ. Melɛ mekamaa Raalɛkpa ne nee ɔ mra ne mɔ. Mekulo bɛ nɔhalɛ nu kpole kpalɛ. Tɛ me ngome a mekulo bɛ a, awie biala mɔɔ ze nɔhalɛ ne la kulo bɛ,

2 Dw 1:13

Bɛ kulovolɛ adiema raalɛ ne amra ne mɔ biza bɛ ahye.

Dwuudu Kɛlata ne 1:2

Nyamenle ɛnwu bɛ anwunvɔne, ɔmaa bɛ anzonudwolɛ, na ɔva ɛhulolɛ ɔyi bɛ tɛkɛɛ.