1 Pit 1:17 - BAEBOLO ANZƐƐ BULUKU NWUANZANWUANZA

¹⁷ Bɛyɛ nzɛlɛlɛ a bɛfɛlɛ Nyamenle ne mɔɔ ɔnnea sonla nyunlu na ɔbua menli kɔsɔɔti ndɛne, kɛmɔ biala nyɛleɛ si de la bɛ Ze. Zɔhane ati, bɛva Nyamenlezulolɛ bɛbɔ bɛ ɛbɛla wɔ mekɛ mɔɔ bɛwɔ nlɔnu la.

1 Pit 1:17 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 47:9

Gyekɔbo buale kɛ, “Meli ɛvolɛ ɛya ko abulasa; me ngoane mekɛ ne le ekyi bie ala, ɔndwu egya mɔ ɛdeɛ ne mɔɔ bɛlile la, noko nuhua le ɛvɛlɛ ngome.”

1 Edk 29:15

O Ɛdɛnkɛma, ɛdawɔ ɛze kɛ yɛle nyɛvolɛ wɔ ɛbɛla ɛsɛlɛ ye azo na yɛle kɛ menli mɔɔ ɛra nlɔnu wɔ azɛlɛ ye azo a, kɛmɔ yɛ nlenya mɔ yɛle la. Yɛ mekɛ wɔ azɛlɛ ye azo le kɛ ɛlawolɛ mɔɔ ɛlɛse, ɔngyɛ ɛnee yepɛ nuhua.

2 Edk 19:7

Bɛzulo Ɛdɛnkɛma na bɛnlea boɛ wɔ mɔɔ bɛkɛze kɛ bɛyɛ la anwo, ɔluakɛ Ɛdɛnkɛma yɛ Nyamenle ne ɛnli mɔguazo, ɔnnea sonla nyunlu, yɛɛ ɔnlie ndoloboa.”

Dwobu Buluku ne 34:19

Ɔnnea mgbanyima nyunlu ɔnli mɔguazo, yɛɛ ɔmbu sukoavolɛma ɔndɛla ehyianvolɛma, ɔluakɛ bɛ kɔsɔɔti bɛle ɔ sa anloa gyima.

Edwɛndolɛ Buluku ne 39:12

O Ɛdɛnkɛma, tie me nzɛlɛlɛ, na gyele ɛ nzo tie me ɛzunlɛ; mmamaa me monle ɛhwinlɛ yɛ mgbane ɛ nyunlu. Ɔluakɛ mele wɔ ɛyɛvolɛ mɔɔ ɛlɛpɛ nu aze, adendulɛnli, kɛ yɛ nlenya mɔ la.

Edwɛndolɛ Buluku ne 89:26

Ɔbazu yeavɛlɛ me kɛ, ‘Wɔmɔ a ɛle me Ze a; ɛle me Nyamenle nee me ngoanelielɛ Bodane.’

Mrɛlɛbulɛ Buluku ne 14:16

Nrɛlɛbɛvolɛ nea boɛ na ɔtwe ɔ nwo ɔfi munzule nwo, na koasea ɛndwenle ɔ nwo, yɛɛ ɔle mgbaha.

Mrɛlɛbulɛ Buluku ne 28:14

Nyilalɛ ɛha sonla ne mɔɔ sulo Ɛdɛnkɛma dahuu la, na sonla mɔɔ le anzosesebɛ la badɔ munzule nu.

Gyɛlɛmaya Buluku ne 3:19

Ɛdɛnkɛma se, “Yizilayɛ, mendwenlenle kɛ mefa wɔ meaboka me mra ne mɔ anwo, na meamaa wɔ azɛlɛ mɔɔ le anyelielɛ, azɛlɛ kɛnlɛma mɔɔ tɛla ewiade ye azɛlɛ biala. Ɛnee medwenle kɛ ɛkɛvɛlɛ me ‘Egya’, na ɛnrɛhakyi ɛ nzi ɛnrɛzi me bieko.

Zɛfanaya Buluku ne 3:9

“Mekɛ ne anu mebade me menli ne anloa meamaa bɛadendɛ ɛdendɛlɛ kpalɛ mɔɔ anwo te la, amaa bɛ muala bɛadea bɛavɛlɛ medame Ɛdɛnkɛma na bɛabɔ nu bɛazonle me.

Edwɛkpa ne kɛmɔ Mateyu hɛlɛle la 16:27

Ɔluakɛ ɔnrɛhyɛ biala na medame Sonla Ra me nee me anwuma soanvolɛma yɛara, wɔ Egya anyunlunyia nu, na yɛaradua awie biala kakɛ kɛmɔ ye gyima de la.

Edwɛkpa ne kɛmɔ Mateyu hɛlɛle la 22:16

Yemɔti bɛzoanle bɛ ɛdoavolɛma ne bie mɔ nee belemgbunli Hɛlɔdo asa zo ne mɔ bie wɔ Gyisɛse anwo ɛkɛ na bɛhɔbizale ye kɛ, “Kilehilevolɛ, yɛze kɛ wɔmɔ ɛka nɔhalɛ. Ɛkilehile Nyamenle adenle ne nɔhalɛ nu mɔɔ ɛndwenle mɔɔ menli ka la anwo a, ɔboalekɛ ɛnnea sonla nyunlu.

Edwɛkpa ne kɛmɔ Mateyu hɛlɛle la 6:9

Zɔhane ati, bɛmɛ, bɛyɛ nzɛlɛlɛ a bɛyɛ ye zɛhae: ‘Yɛ Ze mɔɔ wɔ anwuma: Wɔ duma nwo ɛde;

Wulo 11:20

Ɔle nɔhalɛ bɔkɔɔ. Bɛpepɛle bɛ bɛguale, ɔluakɛ bɛanlie bɛanli, na bɛmɛ bɛlie bɛli yemɔti bɛgyi ye kpundii. Noko akee bɛmmafa bɛtu bɛ nwo; anrɛɛ bɛzulo Nyamenle.

2 Kɔl 1:2

Yɛsɛlɛ kɛ yɛ Ze Nyamenle ne nee Awulae Kelaese Gyisɛse ɛlo bɛ na ɔmaa bɛ anzonudwolɛ.

2 Kɔl 5:6

Zɔhane ati yɛlɛ akɛnrasesebɛ dahuu. Yɛze kɛ mekɛ mɔɔ yɛde nwonane sua ɛhye anu ala la, ɛnee yɛ nee Awulae yɛ avinli twe.

2 Kɔl 7:1

Ayi mɔ, ɛwɔkɛ mɔɔ Nyamenle ɛbɔ yɛ la ɛne. Yemɔti, bɛmaa yɛwowo debie biala mɔɔ wɔ yɛ nwo mɔɔ gua yɛ sonlabaka ye anzɛɛ yɛ ɛkɛla ne mɔ anwo evinli la yɛgua, yɛzulo Nyamenle, na yɛmaa yɛ ɛbɛlabɔlɛ nwo ɛde bɔkɔɔ.

2 Kɔl 7:11

Bɛnlea gyima mɔɔ Nyamenle vale bɛ rɛle ne mɔɔ bɔle la lile a: bɛ nye bolole edwɛkɛ ne anwo manle bɛhilele kɛ bɛ nwo ɛnle nu! Nea bɛ ɛya mɔɔ bɛvale, ɛzulolɛ mɔɔ bɛnyianle ye bɛ nu, bɛ nwo mɔɔ dɔ me kɛ bɛ kunlu a anrɛɛ mewɔ lɔ, bɛ nwo mɔɔ bɛyelele kɛ bɛkɛbɔ ɛbɛla kpalɛ, nee kɛ bɛzile bɛdeanle bɛdabɛ mɔɔ bɛlile ɛtane la. Adenle biala anu bɛyɛle bɛhilele kɛ bɛnli fɔlɛ fee wɔ edwɛkɛ ne anwo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:6

Mengilehilele Edwɛkpa ne mɔɔ mebɔ ye nolo la anu menwiele la, menli zɛhae mɔ, mɔɔ bɛse bɛle mgbanyima la anga kɛ debie bieko wɔ ɛkɛ mɔɔ ɔwɔ kɛ meyɛ a. Bɛle duzu menli bɔbɔ a, ɔnvane me nwo, ɔboalekɛ menli kɔsɔɔti sɛ wɔ Nyamenle anyunlu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:17

na mesɛlɛ yɛ Awulae Gyisɛse Kelaese Nyamenle ne mɔɔ le anyunlunyia Selɛ ne kɛ ɔmaa bɛ Sunsum nu nrɛlɛbɛ nee ndelebɛbo mɔɔ kɛmaa bɛkɛnwu ɔdaye Nyamenle kpalɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:14

Kɛmɔ ɛnee melɛka la, ɛhye ala ati yɛɛ mekoto mesɛlɛ Selɛ ne

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:9

Menlenlɛma, bɛdabɛ noko bɛyɛ zɔhane ala bɛmaa bɛ ngɛkɛlɛ ne mɔ, na bɛmmanwunlonwunla bɛ anzɛɛ bɛmmasisi bɛ. Bɛhakye kɛ bɛ nee bɛ ngɛkɛlɛ ne mɔ amuala wɔ Menlenlɛ ko ne ala mɔɔ wɔ anwuma la abo. Yemɔ, ɔnli mɔguazo wɔ ye ndɛnebualɛ nu.

Mɛla 10:17

Ɔluakɛ Ɛdɛnkɛma bɛ Nyamenle ne le nyamenle kɔsɔɔti bɛ Nyamenle nee awulae mɔ Awulae; ɔle kpole, ɔle bedevinli na ɔle Nyamenle anwo ɛzulolɛ, mɔɔ ɔnli mɔguazo yɛɛ ɔnlie ndoloboa a.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:12

Zɔhane ati ayi mɔ, kɛmɔ bɛlile me edwɛkɛ zo wɔ mekɛ mɔɔ ɛnee me nee bɛ de la, ɔhyia ɛsesebɛ kɛ akee bɛkɛyɛ ye zɔhane kɛkala mɔɔ me nee bɛ ɛnde la. Bɛva ɛzulolɛ nee anwowozolɛ bɛli bɛ ngoanelielɛ ne anwo gyima bɛhɔ awieleɛ,

Kɔlɔ 3:25

Ɛtanevolɛ biala noko banyia ye ɛtane ne mɔ anwo ahatualɛ, Nyamenle bua sonla ko biala ndɛne, kɛmɔ ɔfɛta la, ɔnli mɔguazo. mɔguazo.

Kɛlata mɔɔ bɛhɛlɛle bɛhɔmanle Hibuluma la 12:28

Zɔhane ati, bɛmaa yɛyɛ Nyamenle mo kɛ yemaa yɛ belemgbunlililɛ kpalɛ mɔɔ abo ɛmkpusu ɛlɛ, na yɛva ɛzulolɛ, enililɛ yɛɛ moyɛlɛ yɛzonle ye yɛmaa ɔzɔ ɔ nye,

Kɛlata mɔɔ bɛhɛlɛle bɛhɔmanle Hibuluma la 4:1

Kɛkala mɔɔ Nyamenle ɛwɔkɛ ne mɔɔ fane ɛnwomenlelielɛ nwo la tɛbɔ ɛkɛ ne la, bɛmaa yɛnlea boɛ na bɛanze yɛ bie mɔ kɛ bɛdɔ sinli na bɛnrɛdwu ɛnwomenlelielɛ ɛleka ne.

1 Pit 2:11

Ayi mɔ, mesɛlɛ bɛ, bɛle nyɛvolɛ nee adendulɛma wɔ ewiade! Bɛmmadi nwonane atiakunluwɔzo ne mɔ mɔɔ dahuu nee bɛ ɛkɛla ko la anzi fee.

1 Pit 3:15

Bɛzulo Kelaese wɔ bɛ ahonle nu kɛ ɔle bɛ Awulae. Dahuu bɛziezie bɛ nwo, amaa saa awie biza bɛ bɛ anyelazo ne mɔɔ bɛlɛ ye la anwo edwɛkɛ a bɛahola bɛaye ɔ nloa,