1 Pit 1:13 - BAEBOLO ANZƐƐ BULUKU NWUANZANWUANZA

¹³ Zɔhane ati, bɛzie bɛ adwenle koonwu, bɛyɛ bɛ nye gyɛlɛmgbɛɛnye na bɛmaa bɛ nye ɛla nyilalɛ ne mɔɔ bɛbanyia ye wɔ mekɛ mɔɔ Gyisɛse Kelaese kɛra la azo.

1 Pit 1:13 ပူးပေါင်းရင်းမြစ်များ

1 Arl 18:46

Mekɛ ne anu ɛnee Ɛdɛnkɛma Sunsum ne gyi Yilaegya anwo, yemɔti ɔbɛzale na ɔnriandile ɔlumuale Ehabe anyunlu ɔhɔle Gyɛzɛlii.

2 Arl 4:29

Yilaehya zele Gɛheezae kɛ, “Ka ɛ nwo na die me kpɔma ye kɔ. Saa ɛ nee awie yia a, mmabiza ye ahye, yɛɛ saa awie biza wɔ ahye a mmagyinla ɛdie zolɛ, na fa me kpɔma ye kɔdo kakula ne anwoma azo.”

Dwobu Buluku ne 38:3

Bɛza kɛ nrenya, mebiza wɔ meamaa wɔaye ɔ nloa.

Dwobu Buluku ne 40:7

Ɔse, “Bɛza kpalɛ kɛ nrenya; mebiza wɔ edwɛkɛ, na ye me ɔ nloa.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:11

Akee adenle mɔɔ bɛpe nu bɛli la ɛne: bɛhye bɛ adɛladeɛ ne mɔ azo, bɛwula bɛ mgbɔlaboa ne mɔ, na bɛva bɛ agbɔma ne mɔ bɛlɛ bɛ sa nu, na bɛli ye ndɛndɛ. Ɔle Ɛdɛnkɛma Akpabɛnwo Ɛvoyia.

Ayezaya Buluku ne 11:5

Ɔbava pɛlepɛlelilɛ yeayɛ akyeso yeahye ɔ nze zo, na yeava nɔhalɛlilɛ yeayɛ tabule mɔɔ hye ye avinli.

Gyɛlɛmaya Buluku ne 1:17

Na wɔmɔ, Gyɛlɛmaya, bɛza; dwazo na kɔha edwɛkɛ biala mɔɔ melɛfa meazoa wɔ la kile bɛ. Mmasulo bɛ anrɛɛ menwɔmaa ɛkɛyɛ anwunvɔne wɔ bɛ nyunlu na ɛkɛzulo bɛ kpalɛ.

Edwɛkpa ne kɛmɔ Mateyu hɛlɛle la 20:4

Na ɔzele bɛ kɛ, ‘Bɛdabɛ noko bɛhɔ me vanye egyinli ne anu bɛhɔyɛ gyima na menwɔdua bɛ kakɛ mɔɔ fɛta la.’

Edwɛkpa ne kɛmɔ Luku hɛlɛle la 12:35

“Bɛziezie bɛ nwo bɛmaa debie biala mɔɔ kɛzi bɛ adenle nu la, na bɛmaa bɛ ahɛnlaneɛ ɛda

Edwɛkpa ne kɛmɔ Luku hɛlɛle la 17:30

Zɔhane ala yɛɛ kenle mɔɔ medame Sonla Ra, mebara la ɔbayɛ a.

Edwɛkpa ne kɛmɔ Luku hɛlɛle la 17:8

Kyɛkyɛ! Ɔbaze ye kɛ, ‘Siezie me aleɛ ne na kendɛ maa menli debie na mewie a wɔahɔli wɔ ɛdeɛ ne.’

Wulo 13:13

Bɛmaa yɛli yɛ nwo eni, na yɛbɔ yɛ ɛbɛla kpalɛ kɛ menli mɔɔ wɔ alehyenlɛ nu la, mɔɔ anwondɛlɛ mgbane mgbane, nzabolɛ, adwɔmanebɔlɛ, anzɛɛ huhunli ɛbɛla ɛbɔlɛ, konle anzɛɛ nungule ɛhwenlɛ biala ɛnle nu a.

Wulo 8:19

Abɔdeɛ muala ɛlɛkendɛ anwolɔlɛ kpole nu kɛ Nyamenle kɛye ɔ mra kɛhile.

1 Kɔl 1:7

yemɔti bɛngyia ɛlolɛ ahyɛlɛdeɛ biala anwo, wɔ mekɛ mɔɔ bɛlɛkendɛ yɛ Awulae Gyisɛse Kelaese ɛralɛ bieko mɔɔ ɔbara la.

1 Kɔl 13:13

Yemɔti, ninyɛne nsa ɛhye mɔ a wɔ ɛkɛ ne mɔɔ ɛmpɛ nu ɛnze yɛɛ ɛmkpa ɛlɛ a, bɛmɛ a le: diedi, anyelazo, yɛɛ ɛhulolɛ, na bɛ nuhua kpole kpalɛ mɔɔ sonle bolɛ la a le ɛhulolɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:14

Zɔhane ati bɛziezie bɛ nwo bɛzie, bɛva nɔhalɛ bɛyɛ akyeso bɛhye; bɛva pɛlepɛlelilɛ bɛyɛ bulalɛ enyinlike bɛbutu bɛ kɛnra azo

Kɔlɔ 3:4

Yɛ ngoane a le Kelaese, yemɔti mekɛ mɔɔ Kelaese kɛra la bɛdabɛ noko bɛ nee ye kɛra anyunlunyia nu.

2 Tɛs 1:7

yeaye nyane mɔɔ bɛlɛnwu ye la bɛ kɔme zo, na nwolɛ nyilalɛ ne bie aha yɛdayɛ noko. Ɔbayɛ ɛhye wɔ mekɛ mɔɔ Awulae Gyisɛse vi anwuma, ɔ nee ye soanvolɛma mɔɔ lɛ tumi la lua sendɔlɔra nu kɛra

2 Tem 4:5

Na wɔmɔ, sie ɛ ti koonwu, mia ɛ nye te nyane, kpɔsa bɔ Edwɛkpa ne nolo, na yɛ Nyamenle gyima ne kɛ ɛle sonvolɛ.

2 Tem 4:8

Na kɛkala konimlilɛ ahyɛlɛdeɛ ne, mɔɔ le fɔɔnwoma abɔtile ne, mɔɔ Awulae, Pɛlepɛle Ndɛnebuavolɛ ne bava amaa me wɔ Awulae Kenle ne la, wɔ ɛkɛ ne maa me, yɛɛ ɔnle ɛkɛ ɔmmaa me ngome, ɔwɔ ɛkɛ ne ɔmaa bɛdabɛ mɔɔ bɛlɛ ɛhulolɛ bɛlɛkendɛ ye ɛralɛ bieko la amuala.

Kɛlata mɔɔ bɛhɛlɛle bɛhɔmanle Hibuluma la 10:35

Zɔhane ati bɛmmakpo aze fee, ɔluakɛ ɛhye mɔ amuala, ahatualɛ kpole bie li ɔ nzi.

Kɛlata mɔɔ bɛhɛlɛle bɛhɔmanle Hibuluma la 3:6

Na Kelaese ɛdeɛ ɔlile nɔhalɛ kɛ ɔle Ralɛ mɔɔ nea Nyamenle sua nu ɛkɛ a. Saa yɛgyinla akɛnrasesebɛ zo na yɛsi pi wɔ anyelazo nu a, yɛkɛnwu kɛ yɛle ye sua.

Kɛlata mɔɔ bɛhɛlɛle bɛhɔmanle Hibuluma la 6:19

Anyelazo ɛhye le kɛ sɛkɛ maa yɛ ɛkɛla. Ɔgyi pi, na ɔgyi ye kpundii ɔkɔpe anwuma lɔ ɛzonlenlɛ sua ne mgbɛnu ɛdanlɛ ne anu na ɔkɔdua ɔ nwo wɔ ɛleka nwuanzanwuanza ne.

Kɛlata mɔɔ bɛhɛlɛle bɛhɔmanle Hibuluma la 9:28

Zɔhane ala yɛɛ bɛvale Kelaese ɔdaye noko bɛbɔle azu kokye ala kɛ ɔranunu menli dɔɔnwo ɛtane ne mɔ a. Ɔbara bieko, na tɛ kɛ ɔ nee ɛtane bali ɔ, na ɔbalie menli ne mɔɔ ɛlɛkendɛ ye la ngoane.

1 Pit 1:10

Nyamenle kpɔmanvolɛma mɔɔ hanle ɛlolɛ ɛhye mɔɔ le bɛ ɛdeɛ la anwo edwɛkɛ dole ɛkɛ ne la nleɛnleanle nu, na bɛkpondɛle ngoanelielɛ ɛhye mɔɔ Nyamenle bava amaa bɛ la anu.

1 Pit 3:15

Bɛzulo Kelaese wɔ bɛ ahonle nu kɛ ɔle bɛ Awulae. Dahuu bɛziezie bɛ nwo, amaa saa awie biza bɛ bɛ anyelazo ne mɔɔ bɛlɛ ye la anwo edwɛkɛ a bɛahola bɛaye ɔ nloa,

1 Pit 4:7

Ninyɛne kɔsɔɔti awieleɛ ɛbikye. Ɛhye ati bɛzɔ bɛ nwo kpalɛ na bɛyɛ bɛ nye gyɛlɛmgbɛɛnye, na bɛahola bɛayɛ nzɛlɛlɛ.

1 Pit 5:12

Saelase (Selevanɛse) mɔɔ kɛkala Kelaese ati meva ye kɛ me diema kpalɛ kpalɛ la yɛɛ ɛboa ɛmaa mehɛlɛ bɛ kɛlata ezinraa ɛhye a. Mekulo kɛ mesi bɛ ahonle, na medi daselɛ kɛ ɛhye a le Nyamenle ɛlolɛ kpalɛ ne a. Bɛgyinla kpundii wɔ nuhua.

1 Pit 5:8

Bɛyɛ bɛ nye gyɛlɛmgbɛɛnye na bɛzinza! Na bɛ kpɔvolɛ ne, mɔɔ le Abɔnsam, lua nu ɛlɛkpo kɛ awenade, ɔlɛkpondɛ awie yeahye ye yeali.

1 Dw 3:3

Awie biala mɔɔ lɛ anyelazo ɛhye wɔ Kelaese anu kɛ yɛbayɛ kɛ Kelaese ala la maa ɔ nwo te kɛ Kelaese la.