1 Pit 1:11 - BAEBOLO ANZƐƐ BULUKU NWUANZANWUANZA

¹¹ Bɛbɔle mɔdenle kɛ bɛkɛnwu sonla holɛ ko ne mɔɔ bara nee mekɛ holɛ ko ne mɔɔ ɔbava yeara la. Ɛhye a le mɔɔ ɛnee Kelaese Sunsum ne mɔɔ wɔ bɛ nu la ɛlɛkilehile bɛ na ɔka nyane mɔɔ ɔwɔ kɛ Kelaese nwu ye nee anyunlunyia mɔɔ li ɔ nzi la anwo bie ɔkile bɛ a.

1 Pit 1:11 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:15

Mebava ɛkpɔlɛ meado wɔ nee raalɛ ne, nee ɛ ra nee raalɛ ne ara avinli. Raalɛ ne ara bagelegele ɛ ti na ɛdawɔ wɔaha ɔ gyakɛ anzi.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:10

Belemgbunlililɛ ɛnrɛvi Dwuda sua nu, Yɛɛ mɛlalilɛma ɛnrɛkpa ye belemgbunli ebia bo, Kɔkpula kɛ ɔkɛdwu mɔɔ lɛ ye la ɛkɛ ne. Maanle maanle kɔsɔɔti badie ye.

Ayezaya Buluku ne 49:6

“Ɔnyɛ se kɛ ɛkɛyɛ me sonvolɛ, na ɛkɛva Yizilayɛma mɔɔ ɛha la ɛkɛzie bɛ gyinlabelɛ dɛba ne. Mebamaa wɔayɛ maanle maanle ne mɔ kɛnlaneɛ, amaa me ngoanelielɛ ne adwu ewiade ɛleka biala.”

Daneɛle Buluku ne 2:44

Mekɛ mɔɔ maanle maanle ɛhye mɔ wɔ zolɛ la Nyamenle bamaa maanle ko avinde, na ɔbahomo maanle zɔhane mɔ anwo zo yeamaa bɛagolo. Maanle ɛhye badɛnla ɛkɛ ne dahuu, awie ɛnrɛhola ɛnrɛzɛkye ye kenle bie maanle nu, yɛɛ awie mɔ gyɛne ɛnrɛhola ɛnrɛlie maanle ne ɛnrɛbu,

Zɛkalaya Buluku ne 13:7

Tumivolɛ Ɛdɛnkɛma se, “Dwazo, konle dadeɛ, dwazo ku me mboaneneavolɛ ne, ku ahenle ne mɔɔ gyi me nwo ɛke la. Bɔ mboaneneavolɛ ne ku ye maa mboane ne mɔ ɛbɔ asande. Medame mebava me sa meazie ngyikyi ne mɔ anwo.

Zɛkalaya Buluku ne 14:9

Ɛdɛnkɛma bali azɛlɛ ye kɔsɔɔti azo belemgbunli; mekɛ ne anu awie biala bazonle Ɛdɛnkɛma kɛ yemɔ a ɔle Nyamenle kokye ne a yɛɛ ye duma ko.

Edwɛkpa ne kɛmɔ Mateyu hɛlɛle la 26:24

Na mame Sonla Ra, mebawu, kɛmɔ Nyamenle Edwɛkɛ ne se la, na ahenle mɔɔ ɔdua ɔ nwo zo bɛaye Sonla Ra ne bɛamaa la, ye gyakɔ! Ɔle kpalɛ kɛ anrɛɛ bɛanwo ye!”

Edwɛkpa ne kɛmɔ Luku hɛlɛle la 24:44

Akee ɔzele bɛ kɛ, “Ɛhye mɔ a le ninyɛne mɔɔ menganle nwolɛ edwɛkɛ mengilele bɛ wɔ mekɛ mɔɔ ɛnee me nee bɛ de la: debie biala mɔɔ bɛhɛlɛ ye wɔ Mosisi mɛla ne anu, nee mɔɔ wɔ Nyamenle kpɔmanvolɛma, nee Edwɛndolɛ mbuluku ne mɔ anu mɔɔ fane me nwo la kpokpoti ɔwɔ kɛ yɛ nɔhalɛ.”

Dw 12:41

Ayezaya hanle ɛhye, ɔluakɛ ɔnwunle Gyisɛse anyunlunyia ne dɛba yɛɛ ɔhanle ɔ nwo edwɛkɛ a.

Ɛzoanvolɛma Gyima ne 16:7

Mɔɔ bɛdwule Mesea maanzinli ne ɛweɛne zo la bɛbɔle mɔdenle kɛ bɛkɛhɔ Baetenea maanzinli nu, na Gyisɛse Sunsum ne ammaa bɛ adenle.

Wulo 8:9

Na bɛmɛ, bɛnde bɛmmaa bɛ sonlabaka ne, na saa Nyamenle Sunsum ne wɔ bɛ nu a, ɛnee noko bɛde bɛmaa Sunsum ne. Mɔɔ ɛnlɛ Kelaese Sunsum ne bie wɔ ye nu la ɛnle Kelaese ɛdeɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:6

Kɛmɔ bɛle ɔ mra la, Nyamenle ɛzoa ɔ Ra ne Sunsum ne yemaa yerayi yɛ ahonle ne mɔ tɛkɛɛ, yemɔti yɛkola yɛka kɛ, “Egya! Me Papa!”

2 Pit 1:21

Ɔboalekɛ Nyamenle kpɔmanvolɛma edwɛkɛ kpɔkɛ ko biala mɔɔ bɛhanle la ɛnvi sonla. Sunsum Nwuanzanwuanza ne a wolole bɛ manle bɛhanle zɔhane edwɛkɛ ne mɔɔ vi Nyamenle ɛkɛ ne la a.

Yekile 19:10

Ɛhye ati mendule mendɔle ɔ gyakɛ anu kɛ mesonle ye, na ɔzele me kɛ, “Mmayɛ! Medame mele sonvolɛ kɛ ɛdawɔ nee ɛ mediema mɔɔ zɔle nɔhalɛ ne mɔɔ Gyisɛse yele hilele bɛ la anu la. Sonle Nyamenle, mmasonle me!” Ɔluakɛ nɔhalɛ ne mɔɔ Gyisɛse yele hilele la a le Nyamenle kpɔmanvolɛma anwosesebɛ ne a.