1 Pit 1:1 - BAEBOLO ANZƐƐ BULUKU NWUANZANWUANZA

¹ Kɛlata ɛhye vi medame Pita, mɔɔ mele Gyisɛse Kelaese ɛzoanvolɛ la ɛkɛ. Melɛ mekamaa Nyamenle menli ne mɔɔ yekpa nu yeye bɛ na bɛha maanɔne wɔ Pɔntɛse, Galeehyea, Kapɛdosea, Ehyea, yɛɛ Baetenea maanzinli ne mɔ anu la amuala.

1 Pit 1:1 ပူးပေါင်းရင်းမြစ်များ

Ɛseta Buluku ne 3:8

Akee Heeman hanle hilele Belemgbunli Zɛzɛse kɛ, “Menli bie mɔɔ bɛdabɛ asolo bɛ amaamuo la ɛde ɛkponde wɔ maanle maanle mɔɔ ɛsie bɛ la amuala anu. Bɛnli wɔ mɛla ɛdeɛ ne azo. Ɛhye ati ɔnle kpalɛ kɛ belemgbunli kɛlie bɛ wɔ ye maanle ye anu.

Edwɛndolɛ Buluku ne 44:11

Wɔyɛ yɛ kɛ mboane mɔɔ bɛ nee bɛ ɛlɛkɔ ahunleɛ, na wɔkponde yɛ maanle maanle zo.

Yizikeɛle Buluku ne 6:8

“Noko mebamaa bɛ bie mɔ avi ɛsalɛ na bɛade bɛakponde maanle maanle zo, amaa saa bɛte bɛkponde maanle maanle ne mɔ azo a,

Sɛlɛ 26:33

Mebamaa ɛlɔne ava bɛ aze, na meazande bɛ wɔ maanle maanle zo. Bɛ azɛlɛ ne badɔ mgbane, na bɛ azuamgbole ayɛ azuadu.

Edwɛkpa ne kɛmɔ Mateyu hɛlɛle la 10:2

Ɛzoanvolɛma bulu nee nwiɔ ne aluma ɛne: mɔɔ lumua la a le Saemɔn, mɔɔ bɛfɛlɛ ye Pita la nee ɔ diema Andelu; Gyemise nee ɔ diema Dwɔn, mɔɔ bɛ ze a le Zɛbɛdi la;

Edwɛkpa ne kɛmɔ Mateyu hɛlɛle la 24:22

Na Awulae ɛnlea ye menli ne mɔɔ yekpa nu yeye bɛ la ati yede mekɛ ne azo, saa tɛ ye zɔhane a anrɛɛ sonla ko bɔbɔ ɛnrɛha.

Edwɛkpa ne kɛmɔ Mateyu hɛlɛle la 4:18

Gyisɛse lua Galeli Tandane ne anloa la, ɔnwunle mediema nwiɔ kɛ bɛlɛgua asawu wɔ tandane ne anu. Bɛmɛ a le Saemɔn mɔɔ eza bɛfɛlɛ ye Pita la nee ɔ diema Andelu.

Edwɛkpa ne kɛmɔ Luku hɛlɛle la 18:7

Asoo Nyamenle ɛnrɛli ɔdaye ye menli ne mɔɔ kpondɛ moalɛ na bɛtea bɛfɛlɛ ye nɔɔzo nee ewiazo la ati edwɛkɛ? Asoo ɔkɛhwenlehwenle ɔ bo aze wɔ bɛ moalɛ nwo?

Dw 11:52

yɛɛ tɛ Dwuuma angome bɔbɔ, na kɛ ɔkɛva Nyamenle amra mɔɔ ɛde ɛkponde ewiade amuala la kɔsɔɔti ɔkarabɔ nu ɔkɛyɛ bɛ menli ko.

Dw 7:35

Dwuu mgbanyima ne hanle ye wɔ bɛ nwo ɛkɛ ne kɛ, “Ɛnee nienwu ɛleka a ɔkɔ mɔɔ yɛkpondɛ ye a yɛnrɛnwu ye a? Ɛnee ɔkɔ Giliki azuamgbole ne mɔ bie azo ɛleka mɔɔ Dwuuma bie mɔ wɔ la yeahɔhilehile Gilikima ɔ?

Ɛzoanvolɛma Gyima ne 18:2

Ɔhɔdole Dwuunli bie mɔɔ bɛfɛlɛ ye Akoyela na bɛwole ye wɔ Pɔntɛse maanzinli nu la kɛ bɔ zo mɔɔ ɔ nee ɔ ye Pelesela bɛvi Yetale bɛra a, ɔluakɛ ɛnee Belemgbunli Kolɔdeɛse ɛha kɛ Dwuuma mɔɔ wɔ Wulomu la amuala vi maanle ne anu ɛdu. Pɔɔlo hɔle bɛ nwo,

Ɛzoanvolɛma Gyima ne 18:23

Ɔlile mekɛ ekyi wɔ ɛkɛ ne la, ɔvile ɛkɛ ne na ɔhɔkpɔsale Galeehyea nee Felegyea maanzinli ne mɔ anu ɔmanle diedima ne mɔ anwosesebɛ.

Ɛzoanvolɛma Gyima ne 19:10

Ɛhye hɔle zolɛ ɛvolɛ nwiɔ. Yemɔti ɔmanle bɛdabɛ mɔɔ ɛnee bɛwɔ Ehyea maanzinli ne anu la, Dwuuma nee bɛdabɛ mɔɔ bɛnle Dwuuma la, amuala dele Awulae anwo Edwɛkpa ne.

Ɛzoanvolɛma Gyima ne 6:9

Yemɔti menli bie mɔɔ fɛlɛ bɛ nwo “Fanwodi Sukuluma” na bɛvi Saelin nee Alɛzandelea, nee bie mɔ mɔɔ vi Selesea nee Ehyea la bɔle ɔ bo kɛ bɛ nee Sitivin su kpolera.

Ɛzoanvolɛma Gyima ne 8:4

Diedima ne bɔle asande la bɛnriandile bɛhɔle azua azua zo na bɛhɔhanle Edwɛkpa ne.

1 Kɔl 16:19

Asɔnema mɔɔ wɔ Ehyea maanle ye anu la biza bɛ ahye. Mediema Akoyela nee Pelesela, nee asɔnema mɔɔ yia bɛ sua nu ɛkɛ ne la lɛ Awulae duma ne biza bɛ ahye kpalɛ kpalɛ.

2 Kɔl 1:8

Mediema, yɛkpondɛ kɛ bɛnwu kɛ yɛ nwo zile hyelele yɛ wɔ Ehyea maanzinli ne anu la. Yɛ nwo hyelele yɛ kpole manle ɔbole yɛ nwo zo mɔɔ ɔhale yɛ nee ewule ala.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:2

Me nee mediema mɔɔ wɔ ɛke la amuala yɛbiza bɛdabɛ asɔnema mɔɔ bɛwɔ Galeehyea maanzinli nu la amuala ahye.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:12

Bɛhakye kɛ mekɛ ne anu ɛnee bɛ nee Kelaese avinli twe, ɛnee bɛle nyɛvolɛ mɔɔ bɛmboka Yizilayɛ maanlema ne anwo a, ɛnee bɛnze ngyekyeleɛ ne mɔ mɔɔ ɔlua zo a Nyamenle bɔle ye menli ne ɛwɔkɛ la anwo bie. Bɛdɛnlanle ewiade ye anu kɛ menli mɔɔ ɛnlɛ anyelazo na bɛnze Nyamenle la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:19

Yemɔti, bɛmɛ mɔɔ bɛnle Dwuuma la bɛnle nyɛvolɛ anzɛɛ maanle zo amra bieko; kɛkala bɛle mandimase wɔ Nyamenle menli ne avinli na bɛbɔ Nyamenle abusua eku ne bie.

Mɛla 28:64

“Ɛdɛnkɛma babɔ bɛ asande na bɛakponde bɛahɔ maanle ti nee maanle bo bɛahɔzonle awolɛ nee mbaka awozonle mɔɔ bɛ nee bɛ nlenya mɔ bɛtɛsonlenle bie ɛlɛ la.

Mɛla 32:26

Anrɛɛ menwɔha kɛ: Mebabɔ bɛ asande, meagua bɛ moa, na meamaa menli arɛle avi bɛ.

Mɛla 4:27

Na Ɛdɛnkɛma bakponde bɛ wɔ maanle maanle ne mɔ avinli. Maanle biala noko mɔɔ Ɛdɛnkɛma kɛhɔgua bɛ nu la, bɛ nwo ɛnrɛzo, bɛbaha ekyi,

2 Tem 1:15

Ɛze kɛ awie biala mɔɔ wɔ Ehyea maanzinli ne anu la ɛnriandi me; Fegyɛlɛse nee Hɛmɔgyɛnize bɛdabɛ bɛboka bɛ.

Kɛlata mɔɔ bɛhɛlɛle bɛhɔmanle Hibuluma la 11:13

Diedi nu yɛɛ menli ɛhye mɔ amuala wule a. Bɛ sa anga ɛwɔkɛ ne mɔ mɔɔ Nyamenle bɔle bɛ la, noko bɛnwunle ye bɛ adwenle nu wɔ moa moa na bɛliele bɛdole nu kɛ bɛle nyɛvolɛ mɔɔ ɛra nlɔnu wɔ azɛlɛ ɛhye azo a.

Gyemise Kɛlata ne 1:1

Kɛlata ɛhye vi Gyemise, Nyamenle nee Awulae Gyisɛse Kelaese akɛlɛ ne ɛkɛ. Mebiza Nyamenle menli ne mɔɔ ɛde ɛkponde aleɛabo la amuala kɔsɔɔti ahye.

1 Pit 2:11

Ayi mɔ, mesɛlɛ bɛ, bɛle nyɛvolɛ nee adendulɛma wɔ ewiade! Bɛmmadi nwonane atiakunluwɔzo ne mɔ mɔɔ dahuu nee bɛ ɛkɛla ko la anzi fee.

2 Pit 1:1

Kɛlata ɛhye vi medame Saemɔn Pita, mɔɔ mele Gyisɛse Kelaese akɛlɛ nee ye ɛzoanvolɛ la ɛkɛ. Melɛ mekamaa bɛdabɛ mɔɔ ɔlua Nyamenle nee Dievolɛ Gyisɛse Kelaese pɛlepɛlelilɛ ti bɛnyia diedi mɔɔ sonle bolɛ kɛ yɛdayɛ la.

Yekile 1:11

Ɔse, “Kɛlɛ mɔɔ ɛkɛnwu ye la wɔ buluku nu na fa buluku ne kɔmaa asɔne nsuu ne mɔ mɔɔ wɔ azuamgbole ɛhye mɔ azo la: Ɛfɛsɛse, Semɛna, Pɛgamɛm, Tayataela, Saadese, Feladɛlefea, yɛɛ Lawɔdesia.”