1 Edk 9:28 - BAEBOLO ANZƐƐ BULUKU NWUANZANWUANZA

²⁸ Livaema mɔɔ ɛha la bie mɔ gyima a le ahyɛnze nee dwora ne mɔ mɔɔ bɛfa bɛyɛ nzɛlɛlɛ la azo ɛnleanlɛ. Mekɛ biala mɔɔ bɛbava bie la bɛtia, yɛɛ bɛfa bɛsia bɛba noko a eza bɛtia.

1 Edk 9:28 ပူးပေါင်းရင်းမြစ်များ

1 Edk 26:20

Livaema bie mɔ noko lile gyima ngakyile wɔ Ɛzonlenlɛ Sua ne anu. Ahaegya a nea Ɛzonlenlɛ Sua ne gya ne nee ninyɛne mɔɔ bɛdu bɛzie ɛkɛ bɛmaa Nyamenle la azo a.

1 Edk 9:27

Bɛ azua nu bikye Ɛzonlenlɛ Sua ne ɛkɛ ne ala, ɔboalekɛ ɔle bɛ gyima kɛ ɔwɔ kɛ bɛsinza sua mumua ne na nwonlomɔ biala bɛtukuedukue sua ne nlenkɛ ne mɔ.

1 Edk 9:29

Bie mɔ noko nea ninyɛne mɔɔ anwo te mɔɔ bɛfa bɛyɛ ɛzonlenlɛ gyima ne la azo, ninyɛne mɔɔ le kɛ esamo, nwanye, ɔlivi nwole, ɛyɛlɛ evuanlɛ, yɛɛ aleɛdonlɛ ninyɛne evuanlɛ nee ninyɛne evuanlɛ mɔɔ bɛfa bɛkpumgbu sua nu la.

Nihɛmaya Buluku ne 12:44

Mekɛ ne anu bɛyele menli mɔɔ nea Ɛzonlenlɛ Sua ne ninyɛnezielɛ azua ne mɔ azo la. Ninyɛne mɔɔ kɔ azua zɔhane mɔ anu la a le debie biala mɔɔ bɛkɛnyia ye, abɛlɛ, nee ma mɔɔ bɛkɛlumua bɛkɛde ye ɛvolɛ biala anu la, yɛɛ ngyɛnu bulu ɛkpɔ ngoko ne mɔɔ bɛkɛva bɛkɛra la. Menli ɛhye mɔ a nea dielie ninyɛne ne fi ɛyazonlɛma ne mɔ mɔɔ zuozua azuamgbole ne mɔ la ɛkɛ a. Bɛfa ninyɛne ɛhye mɔ bɛnea sɛlɛvolɛma nee Livaema, kɛmɔ mɛla ne se la. Na Dwudama kɔsɔɔti anye liele sɛlɛvolɛma nee Livaema anwo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:12

Bɛva ahyɛnze mɔɔ bɛfa bɛbɔ azu wɔ Ɛleka Nwuanzanwuanza ne la kɔsɔɔti, bɛkyekye bɛ wɔ ɛdanlɛ buluwu nu, bɛva nwoma kɛnlɛma bɛheda zolɛ, na bɛva bɛzie ye mbaka mɔɔ bɛfa bɛsoa la azo.