1 Edk 9:22 - BAEBOLO ANZƐƐ BULUKU NWUANZANWUANZA

²² Ɛka bɛ muala ɛbɔ nu a ɛnee bɛle menli ɛya nwiɔ, bulu nee nwiɔ yɛɛ bɛyele bɛ kɛ bɛzinza nlenkɛ nee anuhɔlɛ ne mɔ a. Bɛyele bɛ bɛvile bɛ azua zo, kɛmɔ bɛ mbusua mgbanyinli ne mɔ dodo de la. Belemgbunli Devidi nee Nyamenle kpɔmanvolɛ Samoɛle a hyɛle gyima ne manle bɛ mgbanyinli yɛle a.

1 Edk 9:22 ပူးပေါင်းရင်းမြစ်များ

1 Edk 28:13

Devidi eza vale kɛ yezi yehyehyɛ ye kɛ sɛlɛvolɛma nee Livaema bazi ayɛ gyima, Ɛzonlenlɛ Sua ne anwo gyimayɛlɛ, nee Ɛzonlenlɛ Sua ne anu ninyɛne ne mɔ boɛ ɛnleanlɛ nwo ngɛlata manle Sɔlɔmɔn.

1 Edk 28:21

Bɛhile sɛlɛvolɛma nee Livaema gyima mɔɔ ɔwɔ kɛ bɛyɛ wɔ Ɛzonlenlɛ Sua ne anu la. Dwinvolɛma mɔɔ ze gyima la ɛvua kɛ bɛkɛboa wɔ, yɛɛ menli ne kɔsɔɔti nee bɛ mgbanyima wɔ ɛ sa nu.”

1 Edk 29:29

Belemgbunli Devidi anwo edwɛkɛ nee ye nyɛleɛ biala mɔɔ ɔyɛle la, bɛhɛlɛ bɛ wɔ Nyamenle Kpɔmanvolɛma Samoɛle, Neetan, yɛɛ Gaade Mbuluku nsa ne anu.

1 Edk 9:23

Zɔhane ati mgbanyinli zɔhane mɔ nee bɛ bo zo amra a le menli mɔɔ zinzale Ɛdɛnkɛma Ɛzonlenlɛ Sua ne anuhɔlɛ ne mɔ a.

1 Edk 9:31

Livaenli bie mɔɔ bɛfɛlɛ ye Matetaya, mɔɔ le Hyalɛm ara nrenya kpanyinli ne, mɔɔ vi Kɔla abusua nu la yɛ keeki ndɛbandɛba mɔɔ bɛfa esamo nee ɔlivi nwole bɛyɛ bɛfa bɛbɔ azu bɛmaa Nyamenle la.

2 Edk 23:19

Ɔmanle sinzavolɛma gyinlegyinlanle Ɛzonlenlɛ Sua ne nlenkɛ mgbole ne mɔ anloa, amaa awie mɔɔ anwo ɛnde la anwolo Ɛzonlenlɛ Sua ne anu.

2 Edk 31:15

Menli mɔɔ boale ye wɔ azuamgbole mɔɔ sɛlɛvolɛma wɔ zolɛ la a le Livaema ɛhye mɔ: Yidɛn, Menayamen, Gyɛhyua, Hyɛmaya, Amalaya, yɛɛ Hyɛkanaya. Bɛkyɛ aleɛ ne bɛmaa bɛ mediema Livaema ne mɔ, mgbanyinli nee ngakula, kɛmɔ ko biala gyima ne ɛsesebɛ si de la.

2 Edk 31:18

Saa bɛkɛlɛ sɛlɛvolɛma ne aluma a bɛkɛlɛ bɛ mra ngyikyi, bɛ mraalɛ, yɛɛ bɛ mra mrenya nee mraalɛ kɔsɔɔti bɛboka nwolɛ, ɔluakɛ bɛ muala bɛnea bɛ nwo boɛ bɛmaa bɛ nwo te.

Nihɛmaya Buluku ne 11:36

Bɛmanle Livaema ekpunli ekpunli bie mɔɔ anrɛɛ de Dwuda maanle nu la nee Bɛngyaman asa azo ne bie mɔ dɛnlanle.

Nihɛmaya Buluku ne 12:44

Mekɛ ne anu bɛyele menli mɔɔ nea Ɛzonlenlɛ Sua ne ninyɛnezielɛ azua ne mɔ azo la. Ninyɛne mɔɔ kɔ azua zɔhane mɔ anu la a le debie biala mɔɔ bɛkɛnyia ye, abɛlɛ, nee ma mɔɔ bɛkɛlumua bɛkɛde ye ɛvolɛ biala anu la, yɛɛ ngyɛnu bulu ɛkpɔ ngoko ne mɔɔ bɛkɛva bɛkɛra la. Menli ɛhye mɔ a nea dielie ninyɛne ne fi ɛyazonlɛma ne mɔ mɔɔ zuozua azuamgbole ne mɔ la ɛkɛ a. Bɛfa ninyɛne ɛhye mɔ bɛnea sɛlɛvolɛma nee Livaema, kɛmɔ mɛla ne se la. Na Dwudama kɔsɔɔti anye liele sɛlɛvolɛma nee Livaema anwo.

1 Sam 9:9

Sɔɔlo buale ye kɛ, “Wɔ adwenle ne le kpalɛ, maa yɛhɔ.” Yemɔti bɛhɔle suakpole ne mɔɔ Nyamenle sonla ne wɔ zolɛ la azo. Mɔɔ bɛfo boka ne bɛahɔ sua ne azo la, bɛ nee mbɛlɛra bie mɔɔ ɛlɛkɔ azule la yiale. Bɛbizale mbɛlɛra ne mɔ kɛ, “Sonla ne mɔɔ nwu Nyamenle ɛhulolɛdeɛ la wɔ ɛkɛ ɔ?” (Mekɛ ne anu, wɔ Yizilayɛ maanle nu ɛnee bɛfɛlɛ Nyamenle kpɔmanvolɛma “Sonla mɔɔ nwu Nyamenle ɛhulolɛdeɛ la.” Yemɔti mekɛ biala mɔɔ awie kpondɛ abiza Nyamenle edwɛkɛ la ɛnee ɔse, “Maa yɛhɔ sonla ne mɔɔ nwu Nyamenle ɛhulolɛdeɛ la” ɛkɛ.)