1 Edk 9:2 - BAEBOLO ANZƐƐ BULUKU NWUANZANWUANZA

² Bɛdabɛ mɔɔ bɛlumuale bɛziale bɛrale bɛ azua zo bɛrayɛle bɛ gyima la a le Yizilayɛma bie mɔ, sɛlɛvolɛma, Livaema, yɛɛ Ɛzonlenlɛ Sua nu sonvolɛma.

1 Edk 9:2 ပူးပေါင်းရင်းမြစ်များ

Ɛzela Buluku ne 2:1

Yizilayɛma mɔɔ bɛhyele bɛ bɛhɔle nlɔnu wɔ Babelɔn maanzinli nu la anu somaa ne ala ziale rale Gyɛlusalɛm nee Dwuda, na awie biala hɔle ye sua zo. Belemgbunli Nɛbukadenɛza a hyele menli zɔhane mɔ mgbanyinli nuokɛ hɔle Babelonia a.

Ɛzela Buluku ne 2:43

Ɛzonlenlɛ Sua nu sonvolɛma mbusua ekpulike ekpulike mɔɔ ziale rale la ɛne: Zaeha, Hasufa, Tabeeyo, Kilɔso, Sayaha, Peedɔn, Lɛbeena, Hagaba, Akɛbe, Heegabe, Hyamelae, Heenan, Gedɛle, Geehaa, Riliaya, Rilizen, Nɛkoda, Gazam, Ɛza, Pasia, Bisae, Asena, Mɛyunem, Nɛfesem, Bakebɛke, Hakufa, Haahɛ, Bazelɛte, Mɛhaeda, Haahya, Baakɔso, Sesɛla, Tima, Nɛzaya, yɛɛ Hataefa.

Ɛzela Buluku ne 2:58

Ɛzonlenlɛ Sua ne sonvolɛma nee Belemgbunli Sɔlɔmɔn sonvolɛma abo zo amra mɔɔ ziale rale la le ɛya nsa abulahɔnla nee nwiɔ.

Ɛzela Buluku ne 2:70

Akee sɛlɛvolɛma ne, Livaema ne, nee menli ne bie mɔ dɛnlanle Gyɛlusalɛm nee ye namunamu ne mɔ azo. Edwɛndolɛma, Ɛzonlenlɛ Sua ne sinzavolɛma, nee Ɛzonlenlɛ Sua ne sonvolɛma ne mɔ hɔle bɛ azua zo, yɛɛ Yizilayɛma mɔɔ hale la bɛdabɛ noko bɛhɔle bɛ azua zo.

Ɛzela Buluku ne 8:20

Bɛ nee menli ɛya nwiɔ abulanwiɔ mɔɔ le Ɛzonlenlɛ Sua nu sonvolɛma la noko rale. Menli ɛhye mɔ, Belemgbunli Devidi nee ye mgbanyima a yele bɛ ziele ɛkɛ kɛ bɛboa Livaema a. Bɛhɛlɛle menli ɛhye mɔ aluma wɔ buluku nu.

Nihɛmaya Buluku ne 10:29

yɛ nee yɛ mgbanyima yɛbɔ nuhua yɛdi amonle, kɛ saa yɛbulu zolɛ a munzule ɛha yɛ, na yɛse kɛ, yɛbali Nyamenle Mɛla ne mɔɔ ɔluale ye sonvolɛ Mosisi anwo zo ɔvale ɔmanle yɛ la azo; yɛbali mɔɔ Ɛdɛnkɛma, yɛ Awulae ne kɛze yɛ biala la, yɛɛ yɛbali mɛla ne nee ngyehyɛlɛ ne mɔ azo.

Nihɛmaya Buluku ne 11:1

Dwuu mgbanyima ne mɔ dɛnlanle Gyɛlusalɛm, na menli mɔɔ hale la, bɛguale nzeleba, amaa bɛahyɛ abusua biala anu ekpunli bulu bɛamaa ekpunli ko adɛnla Gyɛlusalɛm suakpole nwuanzanwuanza ne azo, na ekpunli ngɔnla ne noko adɛnlɛdɛnla azua nee namunamu mɔɔ ɛha la azo.

Nihɛmaya Buluku ne 7:60

Ɛzonlenlɛ Sua nu gyimayɛvoma nee Sɔlɔmɔn sonvolɛma abo zo amra ne mɔ kɔsɔɔti mɔɔ vi nlɔnu ziale rale la le ɛya nsa abulahɔnla nee nwiɔ.

Nihɛmaya Buluku ne 7:73

Na akee Yizilayɛma kɔsɔɔti, sɛlɛvolɛma, Livaema, Ɛzonlenlɛ Sua ne sinzavolɛma, edwɛndolɛma, Ɛzonlenlɛ Sua nu sonvolɛma yɛɛ Yizilayɛma mɔɔ hale la amuala hɔdɛnlanle aze wɔ bɛ azua ne mɔ azo.