1 Edk 9:13 - BAEBOLO ANZƐƐ BULUKU NWUANZANWUANZA

¹³ Sɛlɛvolɛma mɔɔ le mbusua mgbanyinli la le apenle ko, ɛya nsuu abulasia. Bɛle menli mɔɔ ze gyima mɔɔ bɛdi ye Ɛzonlenlɛ Sua ne anu la anye zo kpalɛ.

1 Edk 9:13 ပူးပေါင်းရင်းမြစ်များ

1 Edk 26:30

Wɔ Hibulɔn abo zo amra ne anu, bɛvale Hahyabaya nee ɔ nwo amra apenle ko ɛya nsuu mɔɔ lɛ duma la kɛ bɛnlea nyamenlezonlenlɛ nee edwɛkɛ ngyikyi ngyikyi mɔɔ wɔ Yizilayɛ maanle ne mɔɔ wɔ Azule Dwɔdan adɔleɛ la anu na bɛtoto bɛ boɛ a.

1 Edk 26:32

Belemgbunli Devidi yele bɛ nuhua apenle nwiɔ ɛya nsuu mɔɔ lɛ tile la vile Gyɛlaya anwo amra ne anu kɛ bɛnlea nyamenlezonlenlɛ nee edwɛkɛ ngyikyi ngyikyi mɔɔ wɔ Yizilayɛ maanle ne mɔɔ wɔ Azule Dwɔdan aduduleɛ lɔ la na bɛtoto bɛ boɛ. Maanle ne mɔ a le Wulubɛn, Gaade, yɛɛ Manasɛ Aduduleɛ.

1 Edk 26:6

Hyɛmaya mɔɔ le Obɛde Yidɔm ara kpanyinli ne wole mrenya nsia: Ɔtenae, Relɛfeeyɛle, Obɛde, Ɛlezeebade, Ɛlaehu, yɛɛ Sɛmakaya. Bɛ nwo hyia wɔ bɛ abusua ne anu, ɔluakɛ ɛnee bɛbɔ mɔdenle kpalɛ. Amozi ɛdeɛ nwiɔ ne bɔbɔ mɔdenlebɔ ne bo zolɛ.

1 Edk 9:14

Livae abusua ekpunli ne anu amra ɛhye mɔ dɛnlanle Gyɛlusalɛm: Hyɛmaya, ɔ ze a le Hasehyɛbe, ye mgbanyinli ne bie mɔ a le Azelaekam, Hahyabaya mɔɔ vi Mɛlɛlae abusua nu, Bakebakaa, Hilɛhye, yɛɛ Geelale. Matanaya, ɔ ze a le Maeka, ye mgbanyinli ne bie mɔ a le Zekelae yɛɛ Esafe Obadaya, ɔ ze a le Hyɛmaya, ye mgbanyinli ne bie mɔ a le Geelale yɛɛ Gyɛdutɛn. Bɛlikaya, ɔ ze a le Esa, yɛɛ ɔ nlenya a le Ɛlekeena mɔɔ dɛnlanle Nɛtɔfa namunamu ne mɔ anu la.

Nihɛmaya Buluku ne 11:14

Abusua ɛhye anu menli ɛya ko abulanwiɔ nee mɔtwɛ le ɛlɔnema titile. Bɛ kpanyinli a le Zabedeɛle mɔɔ vi abusua titile nu la.