1 Edk 9:1 - BAEBOLO ANZƐƐ BULUKU NWUANZANWUANZA

¹ Bɛdianle Yizilayɛma kɔsɔɔti abusua abusua, na mɔɔ bɛnyianle ye la, bɛhɛlɛle bɛ aluma wɔ Yizilayɛ Arelemgbunli Tetedwɛkɛ Mbuluku ne mɔ anu. Dwudama ɛtane mɔɔ yɛle la ati, bɛdule bɛ wɔ maanle ne anu bɛ nee bɛ hɔle nlɔnu wɔ Babelɔn.

1 Edk 9:1 ပူးပေါင်းရင်းမြစ်များ

1 Arl 14:19

Gyɛlɔbowam nyɛleɛ nee ye ebialilɛ nee konle mɔɔ ɔhonle la amuala anwo edwɛkɛ mɔɔ ɛha la, bɛhɛlɛ bɛ wɔ Yizilayɛ Arelemgbunli Tetedwɛkɛ Buluku ne anu.

2 Arl 24:14

Nɛbukadenɛza hyele menli mɔɔ wɔ Gyɛlusalɛm la nuokɛ, arelemgbunli mra mrenya nee menli titile mɔɔ wɔ suakpole ne azo la amuala na ɔ nee bɛ hɔle; bɛlua menli apenle bulu. Eza ɔvale dwinvolɛma nee bɛdabɛ mɔɔ bɛze bɛ sa anloa gyima la kɔsɔɔti ɔhɔle na ɔgyakyile bɛdabɛ mɔɔ ehyia ɛwie bɛ ti enrinli tudu wɔ Dwuda maanle ne anu la.

2 Arl 24:15

Nɛbukadenɛza hyele Gyɛhɔyakɛn, ɔ nli, ye mraalɛ, ye mgbanyima nee menli titile mɔɔ wɔ Dwuda la nuokɛ ɔ nee bɛ hɔle Babelɔn.

2 Arl 24:16

Nɛbukadenɛza eza dule menli mɔɔ anwo hyia la kɔsɔɔti vile maanle ne anu, ɔ nee bɛ hɔle Babelonia. Bɛlua menli apenle nsuu, yɛɛ menli mɔɔ ze gyima la apenle ko; dwinvolɛma boka nwolɛ. Menli ɛhye mɔ amuala le menli mɔɔ te kpɔkɛ na bɛkola bɛkɔ konle nloa a.

1 Edk 8:40

Yulam amra mrenya ne mɔ anwo yɛ ɛzulolɛ kpalɛ wɔ konle nu, yɛɛ bɛze ɛda to kpole kpalɛ. Yulam wole mralɛ mrenya na ɔnyianle nlɔnra dɔɔnwo, bɛ muala bɛlua ɛya ko abulanlu. Bɛdabɛ mɔɔ bɛbobɔ bɛ aluma la amuala vi Bɛngyaman abusua ekpunli ne anu.

2 Edk 33:11

Yemɔti Ɛdɛnkɛma manle Aselea belemgbunli ne safohyenlema vale bɛ ɛlɔnema rale bɛ nwo zo na bɛhyele Belemgbunli Manasɛ. Bɛbobɔle ye koba na bɛguale ye kɔbele nwɔnzɔnwɔnzɔ bɛ nee ye hɔle Babelɔn.

Ɛzela Buluku ne 2:1

Yizilayɛma mɔɔ bɛhyele bɛ bɛhɔle nlɔnu wɔ Babelɔn maanzinli nu la anu somaa ne ala ziale rale Gyɛlusalɛm nee Dwuda, na awie biala hɔle ye sua zo. Belemgbunli Nɛbukadenɛza a hyele menli zɔhane mɔ mgbanyinli nuokɛ hɔle Babelonia a.

Ɛzela Buluku ne 2:59

Menli ɛya nsia abulanlu nee nwiɔ bie mɔɔ le Dɛlaya, Tobaya, yɛɛ Nɛkoda abo zo amra la vi azua Tɛle Mila, Tɛle Hahya, Kilɛbe, Adan, yɛɛ Yemɛ azo ziale rale, noko bɛangola bɛangile kɛ bɛle Yizilayɛma, yɛɛ bɛangola bɛangile Yizilayɛ abusua ekpunli holɛ ko mɔɔ bɛvi nuhua la.

Nihɛmaya Buluku ne 11:1

Dwuu mgbanyima ne mɔ dɛnlanle Gyɛlusalɛm, na menli mɔɔ hale la, bɛguale nzeleba, amaa bɛahyɛ abusua biala anu ekpunli bulu bɛamaa ekpunli ko adɛnla Gyɛlusalɛm suakpole nwuanzanwuanza ne azo, na ekpunli ngɔnla ne noko adɛnlɛdɛnla azua nee namunamu mɔɔ ɛha la azo.

Nihɛmaya Buluku ne 7:5

Nyamenle manle me adwenle na menvɛlɛle menli ne nee bɛ mgbanyima nee mbɔlɔba ne mɔ nee menli mɔɔ ɔwɔ kɛ bɛkɛlɛhɛlɛ bɛ aluma wɔ bɛ mbusua ekpunli ekpunli aluma mbuluku ne mɔ anu la, na memanle bɛyiale kɛ bɛnleɛnlea bɛ aluma ne mɔ, kɛmɔ bɛhɛlɛle bɛ wɔ bɛ mbusua ekpunli ekpunli ne mɔ mbuluku ne mɔ anu la. Na menwunle mbusua mɔɔ lumuale vile akɛlɛzonlenlɛ nu rale la, na bɛmɛ ɛne:

Ayezaya Buluku ne 3:2

Katakyiema, ɛlɔnema, ndɛnebuavolɛma, Nyamenle kpɔmanvolɛma, menli mɔɔ tendɛ nwomenle nloa azo, maanle mgbanyinli,

Gyɛlɛmaya Buluku ne 13:19

Bɛtoto Dwuda nyiakɛ azuamgbole ne mɔ nlenkɛ ne mɔ anu; awie ɛngola bɛ buke. Bɛvula Dwudama amuala, bɛva bɛ kɔsɔɔti bɛhɔ nlɔnu.”

Gyɛlɛmaya Buluku ne 39:9

Na Babelonia ɛlɔnema kpanyinli Nɛbuzaladan vale menli mɔɔ hale suakpole ne azo, nee menli mɔɔ ɛva bɛ nwo ɛmaa ye dɛba la hɔle nlɔnu wɔ Babelonia.

Daneɛle Buluku ne 1:2

Na Awulae yele Belemgbunli Gyɛhɔyakem manle Nɛbukadenɛza lile ɔ nwo zo konim na ɔsesale Ɛzonlenlɛ Sua ne anu ninyɛne ne mɔ bie ɔhɔle. Ɔvale ninyɛne ne mɔ ɔhɔle Hyaenaa na ɔhɔguale bɛ ye bozonle ne abo.