1 Edk 6:71 - BAEBOLO ANZƐƐ BULUKU NWUANZANWUANZA

⁷¹ Manasɛ abusua ekpunli foa ko ne azɛlɛ ne bie eza hɔle Gɛhyɔn abusua ne ɛkɛ. Azua ne mɔ a le Golan mɔɔ wɔ Beehyan, yɛɛ Ahyetalo, nee azɛlɛ mɔɔ bɛdidi zolɛ la.

1 Edk 6:71 ပူးပေါင်းရင်းမြစ်များ

1 Edk 6:70

Kohate abusua ɛlɔnwɔne ne anu amra mɔɔ hale la nyianle Manasɛ Adɔleɛ, Enɛ, yɛɛ Baelɛyam azɛlɛ ne mɔ foa ko nee nwolɛ azɛlɛ mɔɔ bɛdidi zolɛ la.

1 Edk 6:72

Yesakaa abusua ekpunli nu amra noko nyianle Kidɛhye, Dabɛlate,

Mɛla 1:4

Mekɛ ne anu ɛnee Mosisi ɛli Amɔle Belemgbunli Saehɔn mɔɔ de Hɛhyebɔn la anwo zo konim. Ɛnee eza yeli Beehyan Belemgbunli Ɔɔgo mɔɔ de Ahyetalo nee Ɛdelɛyae la anwo zo konim.

Mɛla 4:43

Azuamgbole ne mɔ a lɛ Bizɛ mɔɔ wɔ fienemgbole ne anu azɛlɛ sɛsɛ ne azo la; ɛke a Wulubɛnema bie mɔɔ ɛnzuzu na ɔkɛhu sonla la nriandi kɔfea a. Gaadema suakpole ɛvealeka a le Releemo mɔɔ wɔ Geleade la, yɛɛ Manasɛma suakpole ɛvealeka a le Golan mɔɔ wɔ Beehyan la.

Dwɔhyua Buluku ne 13:31

Geleade azɛlɛ ne foa ko, Ahyetalo, yɛɛ Ɛdelɛyae mɔɔ le Beehyan Belemgbunli Ɔɔgo azuamgbole wɔ ye maanle ne anu la boka nwolɛ. Bɛvale ɛhye mɔ amuala bɛmanle Manasɛ abusua ekpunli foa ko ne mɔɔ le ɔ ra Meekɛ asa azo la.

Dwɔhyua Buluku ne 20:8

Wɔ Dwɔdan Aduduleɛ noko, bɛvale Bizɛ mɔɔ wɔ Wulubɛn azɛlɛ zo wɔ ɛsɛlɛ ne mɔɔ wɔ Gyɛleko aduduleɛ la, Releemɔto mɔɔ wɔ Geleade mɔɔ wɔ Gaade azɛlɛ zo la, yɛɛ Golan mɔɔ wɔ Beehyan mɔɔ wɔ Manasɛ azɛlɛ zo la.

Dwɔhyua Buluku ne 21:27

Livae abusua ekpunli ne anu amra mɔɔ le Gɛhyɔn asa azo ne nyianle azuamgbole nwiɔ: Golan mɔɔ wɔ Beehyan (ɔle ɛvealeka) nee Bɛɛhyetɛla, nee nwolɛ azɛlɛ mɔɔ bɛdidi zolɛ la.

Dwɔhyua Buluku ne 21:6

Gɛhyɔn asa azo nyianle azuamgbole bulu nee nsa wɔ Yesakaa, Ahya, Nafetalae, nee Manasɛ Aduduleɛ azɛlɛ ne mɔ azo.

Dwɔhyua Buluku ne 9:10

nee mɔɔ ɔvale ɔhilele Amɔle arelemgbunli nwiɔ ne mɔɔ wɔ Dwɔdan ne anzi mɔɔ di kɔ aduduleɛ la. Arelemgbunli ɛhye mɔ a le Saehɔn, mɔɔ le Hɛhyebɔn belemgbunli ne nee Ɔɔgo mɔɔ le Beehyan belemgbunli ne mɔɔ dɛnlanle Ahyetalo la.